Hindi mo ako mahal, kailangan mo lang ako
Kailangan mo lang ng taong sasapo sa iyong pagkahulog
Isang taong aalalay sa'yo sa tuwing ika'y madadapa
Isang taong pupunas ng iyong mga luha
Hindi mo ako mahal, na-excite ka lang
Na-excite ka lang sa pakiramdam na nasa isang relasyon ka na
Pero kapag nawala ang kinang sa tuwing pagtama ng mga mata
Unti-unti kang magsasawa sa aking presensya at iiwan mo na lang mag-isa
Hindi mo ako mahal, gusto mo lang ako
Gusto mo ako siguro dahil sa aking itsura
Sa personalidad, o sa taglay na hindi basta nakikita sa iba
Pero kapag nakakita ng higit sa akin ay hindi na ako maaalala pa
Alam kong hindi mo ako mahal, wag ka nang magpaliwanag
Kitang-kita sa iyong balintataw ang iyong tunay na nadarama
Ang pagkakamali ko lang ay hindi ko kaagad nakita
Dahil nasilaw ang aking puso sa akalang pag-ibig na iyong dala
YOU ARE READING
I'm Fine
PoésieMga tulang sumagi lang sa isipan nang wala sa oras, hinugot sa realidad, at nabigyan ng pagkakataong masulat ng mga kamay na kating-kati magtipa, utak na kung ano-ano ang laman, at ng pusong hindi malaman kung ano ba ang dapat nitong maramdaman.
