Pasensya ka na, nasanay ako
Nasanay akong ako lang lagi ang mag-isa
Nasanay na sinasarili ang mga problema
Nasanay na tinatago lagi ang nadarama
Pasensya ka na, nasanay ako
Nasanay akong walang nangingialam sa akin
Nasanay akong pinapabayaan at hindi pinapansin
Nasanay akong sarili ko lang ang intindihin
Pasensya ka na kung nararamdaman mong hindi ko napapahalagahan ang mga ginagawa mo
Naninibago lang dahil nasanay na hindi sinusuyo ang isang tulad ko
Isang tulad kong inakala ng maraming tao ay kayang mag-isa't hindi inaalalayan ng iba
Isang tulad kong hindi sanay sa romansa at matatamis na mga pananalita
Pasensya ka na sa isang tulad ko ah?
Kaya hindi ako magtataka kung balang araw, ikaw ay magsasawa
Ngunit salamat sa pagtitiyaga sa kabila ng lahat
Malay natin, sa takdang panahon, masuklian ko ang mga sakripisyo mo nang tapat
YOU ARE READING
I'm Fine
PoetryMga tulang sumagi lang sa isipan nang wala sa oras, hinugot sa realidad, at nabigyan ng pagkakataong masulat ng mga kamay na kating-kati magtipa, utak na kung ano-ano ang laman, at ng pusong hindi malaman kung ano ba ang dapat nitong maramdaman.
