انا ريم متزوجه لي 5 سنه .. ابوي مغترب ووضعنا المادي كان ممتاز مشيت مناسبه تبع ناس قرايبنا وشافني زوجي واتقدم لي .. ابوهو كبير في السن ومعاهو امو واخواتو 2 متزوجات واثنين في البيت وولد في الثانوي وافقته وتم الزواج وابوي كان بساعدو كتيييييييير عشان مسؤوليتو كبيره وحاول كتير يشوف ليه فرصه معاه بره ..
اما فيما يخصني انا سكنته مع اهلو وقايمه بدور الزوجه على اكمل وجه امو كعبه شديد ومتسلطه وشايفه البيت بيتها وانا م عندي اي حق فيه
واخواتو كل م يجو عندنا بشوف جنس عروض ومطاعنات وعندو اختو لله في لله بتكرهني دي الكبيره طبعا بس وكلو صاااااابره
ماسكه المطبخ انا والبراعي ابوه الكبير ده انا وواجب الضيف علي انا
بسمع اي شي بستحمل بخلص خدمتي واجي داخله غرفتي اصلي واقرا قرأني بس كنت متمنيه جنا من الله يونسني ويفرحني
في يوم زوجي ده جاني قال لي محتاجك في خدمه قلته ليه اتفضل قال لي الكلام ده بينفع انا عايز نسافر للعلاج بره ونعمل بيت ترتاحي فيه وده كلو من واجبي انا والمفروض اوفرو ليكي انا .. قلته ليه انت م مقصر وربنا قادر ع كل شي
قال لي انا عايز اسافر مصر اجيب تجاره عندي واحد صحبي بيمشي والحكايه ماشه معاه وبقى عندو عربيه يوزع بيها عايزك تبيعي دهبك تديني ليه امشي بيه
انا محتاج 50 الف عايز امشي اجيب بضاعه اوزعها واجي اديكي جزؤ وباقي الربح نسافر بيه ونشوف موضوع العلاج هناك
وافقته من غير تفكير عشان كان نفسي في بيبي يملا علي حياتي ..وياااااااااريتني لو ما وافقته
مشيت عمارة الدهب بعته دهبي كلللللو وهو معاي مبسوط والمبلغ نقص .. قال لي عارفاني م عندي طريقه اتمو .. اتصلته بابوي واستلفته من امي وسلمتو المبلغ كااااااامل ..
وجهز للسفر وسافر .. وانا كنت متفائله
وادعي ليل نهار
م كنت عارفه ولا عندي شك انو واحد م يستاهل
يتبع.....
