شلبوني

الجزء 02

المهم زولكم سافر القاهره وخمخم م خلا شي وجا مبسووووووط .. ووقع في اهلو هدايا زي العجب «بقروشي وشقى ابوي » وانا ما هداني غير جلباب بيت وقدمو لي بعد اسبوعين كمان ..

ومع حكاية التجاره دي بعد عني شدييييييد وبقى اصلو م فاضي لي النهار كلو في الشغل ولمن يجي البيت يعديها تصوير وتسويق وطبعا البضاعه كلها قفلها عند امو بهناك وهي زاتها شغاله معاه هي وبناتها الكبار توزيع ...

واستمر مسلسل التجاره وبقى عندو تاجرات بورد ليهم

وتاجرات يسوقو ليه وياخدو نسبه وانا كالعاده بس صاااااااااااااابره ومنتظره الفرج ..

لحدي م في يوم اتشاكلته معاه بخصوص القروش والسفر .. وطبعا قال لي خلاص هسي تسافري معاي

قلته خيييييير وفرحته وقلبي طار من الفرحه حسيت اني قربته خطوه من حلم الامومه ..

وتاني يوم طوالي سمعته امو بتشاااااااكل وتجوط وانا م فاهمه الحاصل مشيييييييت اشوف في شنو

لقيتها زعلاااااااانه كيف تودي مرتك .. وانا الربيتك وكبرتك اولى تعالج مرتك وتخليني انا عيانه غالبني المشي «طبعا لا عيانه لا شاكيه صحتها زي الحصان ويوم واحد ما كحت » وقالت ليه م عافيه منك ولا رضيانه عليك كان بتفضل مرتك علي ..

قلته ليها علي شنو طواااااالي

قالت لي اي طوالي بسافر بي حق ولدي وقروش ولدي م شاحده زول ولا طالبه حاجه من زول ..

مشيت غرفتي وقلبي وجعني وبكييييييت بكيييييييت م خليت شي طوالي جهز لامو وسفرها

وجات بتها الكبيره تمسك مكانا في «طبعا هي خلقه بتكرهني » وابتدا مسلسل جديد مطاعنااااات و مشاحناااااات وكلام زي السم

وطول النهار شغاله تفرج فيني في الصور ..

شوفي فلان جاب لامي شنو ،،، عمل لامي شنو ،،،،،،

وجا امي وين ،، يعني شغل مغارز

وانا والله بت عز وعيني ملياااااااااانه الحمد لله

المهم جات وقال عندها مقابله بعد 6 شهور يرجعها المقابله ويسفرني انا قلته ليه خلاص للمقابله نسافر انا وهي .. طواااااالي قال لي مستحيل انا مستني السفريه دي بفارغ الصبر .. عشان نجدد شهر عسلنا واعيشك احلى ايام «وطبعا انا الهبله طوالي صدقته »

..

وفي يوم امو واخواتو طلعو مناسبه وانا شغاله في المطبخ البيت م فيه غيري وغير ابوه

اسمع صوت تلفونو بيرن بيرن افتكرتو جا من مشوارو

«هو نهائي م بخت تلفونو في غرفتي» لمن باريت الصوت لقيتو خاتيه يشحن في غرفة امو

اول م فتحته الخط .. ردت وحده شنو حبيبي انا من قبيييييييل بتصل

وانت م بترد .. فجئه حسيت كأن الدنيا دي وقفت وقلبي من الوجع عايز يقيف .. لدرجة رجولي م شالوني لuمن قعدته ..وهي بتقول الو الو حبيبو وينك

استجمعته قواااااي ورديت بسوط والله زي الزول البتكلم مع الم سكرات الموت ..

رديت ليها صاحب التلفون ده طلع

قالت لي انتي منو لمووويه «لمويه دي صغيرة البنات»

قلته ليها ايوه .. قالت لي كيفك ي لمو تمام

قلته ليها الحمد لله قالت لي عايزه منك خدمه ي لمويه قلته ليها اتفضلي قالت لي عايزه رقم مسجل في التلفون ده ممكن تطلعيه لي .. وملتني رقم رمز القفل ..

«رمز القفل الي انا زوجتو م عارفاه والي فيما بعد اكتشفته انو عيد ميلادها» اديتها الرقم وقفلت الخط

اكيد ح تسألوني ليه م حفظتي رقمها ،، ولا شاكلتيها ،، ولا شتمتيهااا

بصراحه الساعه ديك من الصدمه م كنت عارفه انا منو اصلا .. ؟؟

ومشيت غرفتي والله بجرجر في رجولي معقوله انا يخوني .. انا الحبيتو .. ووقفته معاه .. انا خادمه اهلو وخاتاهم في عيوني .. رقدته زي الجنازه في السرير

جا بالليييييييل عايز العشاء قلته ليه انا عيانه كل الطلع منو سلااااامتك .. ومشى اتحشي وجا اتخمد

وبالليل اتسحبته بالراااااحه وشلته تلفونو فتشتو لقييييييييتهم اخر حب ورومنسيات وغرامات وكمان بينهم شغل تجاره

غلبني اكمل .. والله

حسيت نفسي ح يقيف

تاني يوم طوالي قلته ليه انا ماشه بيتنا .. عيانه وعايزه اختي تمشي معاي الدكتور ..

يتبع.....