بعد م اطمنته زولتكم سمعت كلام الحب والغرام اتفشييت .. وحسيت نفسي احسن كتييير
وطبعا م بطلت مكالمات وزولكم قااااااعد جمي كل مره يعاين للشاشه ويظلمها .. قلته ليه ده منو البتصل بيك هسي ده ..
قال لي ده فلان عايز مني قروش سلفه وم جهزتها ليه ..
قلته ليه طيب اقفل التلفون وارتاح .. قال لي فعلا"
معاكي حق !!
اليوم داك نمته نوم عميييييييييييق وصحيت بدري مبسوطه ومفرفشه عشان كان اول يوم شغل ..
مشيت ظبطه شايي وجيت لبسته طقم جديد رهيب ومكياج خفيف حلوووووو ..
ويلا وصلني ..
وصلته الصيدليه اول م دخلتها حسيت من هنا بدايت عالم تاني وحياه جديده ..
بس خالد كان طول الوقت شغال بالي مهما فرحته بحس قلبي حزين ومكسور ..
اول يوم شغل كان محمس وهشام م قصر معاي بسط لي كل شي ووضحو لي
ولم خلصنا طلعنا مع بعض .. واتغدينا
من طلعنا بدينا حديث ممتع من نوع اخر
بدينا نتكلم عن عائلتنا واتزكرنا المواقف الطريفه والمضحكه والطفوله والوقت عده معاه في لمح البصر
...
رجعته البيت كنت هلكانه اخدته دوش لم صحصحته شويه وجيت اخد بجامه نظيفه من الدولاب
لاحظته الدولاب ما على الحاله الخليتو فيها كانو في زول فتشو .. قلبي قبضني وحاجتي كلها موجوده
وطبعا خالد م جا اتصلته بيه فصل فيني عرفتو ح يكون قاعد مع وحده من زبالتو ديل
..
قرفته منو عدييل .. في النهايه قلته سيبك منو ..
صليت اخدته نومه
صحيت بعد المغرب صليت مشيت بهناك لقيتو هو وامو يتهامسو اول م جيت قطعو الحركه
ولقيت الشومه الكبيره قاااعده اول م قلته السلاااام عليكم .. قالت لي اخيرا"شرفتي
طنشتها وقلته كيف قيلتو
قالت لي قيلتو ولا امسيتو ؟؟
برضو طنشتها نسيبتي قالت لي اول يوم كيف
قلته ليها الحمد لله .. قالت لي بس اهاااااا افمهي سرييييييع عشان ابوك يفتح ليكي صيدلتك
«بقلبي يفتح راسك م كفاكي الاكلتيه من وراه»
قالت لي اكيد جعانه اقوم اسخن ليكي الغداء
قلته ليها لالا م طوااااالي بتها نطت والله ياهو الفضل كمان تسخني ليها مالك ومالها محننه مطهره مشلوله
«زمان لم كانت تشاكلني طوالي كنت ببكي وازعل انما هسي» طوالي قلته ليهم عند اذنكم ي جماعه اقوم اتغدا فعلا خالتو كلامها صح انا ميته جوع
خليتها عامله كده 😳😳
يتبع....
