طبعا بس قفلته من صفاء على اساس انها هشام .. زولكم استعدل لي
قال لي خير مالو هشام ودي شنو الفرصه الزهبيه المابتتعوض دي ؟
قلته ليه هشام عندو قطعة ارض في الحته ا ل فلانيه «وطبعا حقيقي هشام عندو قطعة ارض في الحته دي» وسعرها مليار وحاجه وهو عايز يبيعها ب 500وبالقصد كمان
قالي لي كيييييييف الكلام ده والجابرو شنو ؟؟
قلته ليه مزنوق في قروش للشركه البتورد ليه الادويه ولازم يوردهم خلال كم يوم عشان في شرط جزائي ..
قال لي قطعة ارض زي دي لو نشر خبرها في اي قروب يسلموه ال 500 كاش
قلته ليه هو قال القطعه دي غاليه عليه وما عايز يفرط فيها لشخص غريب وقال ا لاقرباء اولى بالمعروف قلته ليه حتى انا قلته ليه اكلم ليك خالد وهو رفض
وابوي هو القال ليه كلم ريم حتى لو تبيع دهبها تشتريها عشان ح تنفعنا انا وانت قال لي فعلا والله دي فرصه
قال لي ما في اي امل يقبل زول غريب
حتى لو كلمتو انا قلته ليه انت عارف هشام
ده زول دغري وم بعرف لف ودوران ودي مدام فيها قروش عااااااادي ممكن يحرجك ويقول ليك م ينفع والله
استأذنتو ومشيت انوم ومسكته هشام في الواتس فتيت ليه كل شي
اول شي اعترض قال لي انتي م محتاجه تمثلي افلام عربيه عشان تاخدي حقك منو وبكره من الصباح تلمي شنطتك وانا بجي اخدك
قلته ليه ي هشام انا وثقته فيك وعايزاك تساعدني وخالد ده ما بخاف الله والما بيخاف الله خافو وانا م كتبتو ولا عندي مايثبت اني دينتو يعني عادي ممكن يقول لي ما عندي
المهم بعد صعوووووبه اقنعته هشام
وتاني يوم الصباح اثناء ما بلبس زي ما اتوقعته خالد قال لي يا ريم عايزك في موضوع .. قلته ليه خير قال لي انا عندي
قروش ملمهم وماخد عليهم سلفيه وكنت عايز اخش بيهم مع ناس شراكه في مشروع وحتي الناس اديتهم كلمه لكين انا ممكن احاول ااجل المشروع ده «بي قلبي تأجل المشروع ولا تأجل العرس » بس انا لو اديتك القروش اليضمن لي حقي شنو عند ود عمتك
قلته ليه انا وابوي بنضمنو ليك هشام بيسافر بيخلي لي صيدلياتو ومصالحو في رقبتي
وعمرو م خوني وانا مستحيل اخونو
وهسي مدام شاكي قروشك عندك م في زول بيقدر يجبرك ولا يغصبك على شي وانت عارف اهلي ما محتاجين لمن يجو يغشوك انت في ملاليم «لم لقى وشي مكشر وكلامي جادي »
قال لي والله انا م مخونو ومن يومكم نعم النسب خلاص انا بوصلك وباخد اذن وبسحب القروش اجيبها وكمان الليله ماشي احجز قلته ليه تمام حتى هشام لو ضمن القروش خلال اليومين ديل ح يسافر قال لي تمام لكين من هسي ي ريم انا م بقدر براي مرتيك كل شهر تورديه «ههههههههههههه كل شهر ي ود الكلب »
