طبعا اكلته غداي وظبطه كبايت شاي وجيت غرفتي فتحته الواتس لقيت رساله مكتوب فيها «حركاتك التافهه ما بتنفع معاي وانا فاهماكي كوييييييس وح اربيكي ي كلبه »
كنت حاسه ومتأكده ان الرساله دي من نضال ردا"
منها على حركة امس
وكنت متأكده مدام جابت رقمي ورسلت لي معناها
بعلي الغالي كان معاها عصبته شدييييييييييييد
وقريت الرساله يمكن 20مره بس م رديت وبيني وبين نفسي احتفظته بحق الرد
وكالعاده استنيت لمن الليل جا وزولكم جا ونام عشان افتش تلفونو وفعلا" بينهم رسائل في الواتس تدل على انهم اتقابلو ده غير رسائل الحب والغزل
ومفمها اني طلبت الطلاق عشان قصة الخلفه
وهو اشفق علي عشان كده غازلني وقال لي كم كلمه حلوه عشان ترفع معنوياتي وانو غزلو لي م بدافع الحب وانما بدافع الشفقه ..
من وجعة قلبي حسيت نفسي عايزه اديه كف وهو نايم .. بس معلييييش الصبر طيب
اما النسيبه الكئيبه بقت معاي زي العسل حضرتها منتظره الصيدليه القروشها دهب عشان هي كمان عايزه تدخل شريكه «اتخيلو بس»
وعدة الايام عادي م في جديد صفاء كانت بتزن علي اخلي كل شي واتخارج منو واشوف حياتي
وانا كنت مصره اني م اطلع مكسوره بعد العشتو
لحدي م في يوم جيت راجعه من الشغل بدري عشان مصدعه وكمان نسيبتي عيانه بتصل بخالد م بيرد
هشام قال لي انا بوصلك ..
ولم دخلته البيت قبل ادخل قلته اشوفها بقت كيف
وكيف حالها
وياريتني لو م مشيت
اول م دخلته وقلته السلام عليكم
لقيت نضال
ايوه نضال نضال الشلابه وصلت بيها البجاحه
جات لحدي بيتي
اول م شافوني خالد وامو كان باين عليهم الخوف والتوتر
انما هي لا كان باين عليها من نظراتها لي كانها بتقول لي انا الاخدته زوجك ي عاقر
حسييييييت بإستياء فظيييييييع لم سألوني مالك مبدره قلته مصدعه ومرهقه
واستأذنتهم وطلعته منهم
حاسه قلبي ح يقيف
وجوايا غضب يهد جبال
يتبع...
