شلبوني

الجزء 03

مشيت بيتنا وم في كلمات في الدنيا ممكن توصف الالم الجواي حتى ما كلف خاطرو وصلني

من دخلته بيتنا امي قالت لي واي ي ريم سجمي في شنو خير مالك قلته ليها م في شي ي امي عندي ملاريا خفيفه كده وقلته اجي اقعد لي معاكم يومين افرق وارتاح قالت لي لالا دي ما ملاريا القلبتك كده دي ..

اختي اسمها صفاء قالت ليها خليها ي امي ترتاح من المشوار وبعدين نعرف الحاصل شنو

امي في نفس اليوم جاها اتصال انو خالتي وقعت في رجلها وطوالي مشت تشوفها ..

بالليل صفاء جاتني قالت لي اسمعي هنا حنك ملاريا ده م داخل دماغي فهميني الحاصل

طوالي دموعي غلبتني حضنتها وبكييييييييييت بكيييييييييت وحكيت ليها كل الحاصل بكل تفاصيلو وبكت معاي .. قالت لي قومي استغفري واتوضي وصلي .. وفعلا عملته كده .. صليت جابت لي المصحف قالت لي اقري شويه وادعييييييي

وانا ماشه اظبط لي كبايتين شاي لبن بكيك واجي احل ليكي مشكلتك دي .. مشت عشت باقي اخواني وكل زول طلع في سريرو وجابت شايها وجاتني

قالت لي اها احسن ؟؟ قلته ليها بمراااااااااااااحل والله الف حمد وشكر

قالت لي بالله انتي ريم ؟؟

قلته ليها كييف ؟؟

قالت لي م قاعده تشوفي نفسك في المرايه م قاعده تسألي نفسك انا البقاني كده شنو ؟؟

ليه ي ريم تقبلي ع نفسك الحقاره والظلم

متين نحن ابونا ربانا على كده ..

قلته ليها انا ي صفاء صبرته عشان ربنا كريم وعشان نفسي في بيبي يونسني وينور حياتي وعشان م عايزه اجيب لامي وابوي مشاكل ولا كلام

قالت لي البتقبليه على نفسك ده حتى ربنا م بيرضاه ولا امي وابوي بيرضوه وتجيبي منو عيال ليه ؟؟

وزنبهم شنو يجو الدنيا دي عشان يعيشو ظلم امهم

قلته ليها انا في بالي لم اولد ليهم اكيد كلهم ح يتغيرو معاي ؟؟ قالت لي

اسمعي هنا ي ريم فتحي عيونك وشوفي حوليكي راجلك ده لا بيحبك ولا عايز منك عيال ولا امو عايزه منك احفاد

فتحي عيونك وشوفي نفسك ده شال قروشك ودمرك وخانك وشغلك خدامه عند امو

ولو كان بحبك م كان عمل فيكي كده ولا قبل عليكي الحاصل ده ..

وهسي نومي وارتاحي والصباح نكمل ..

بصراحه طةل الليل م جاني نوم فكرته في كلام صفاء لقيتو كلو حقيقه والاحداث بقت بتسلسل قدام عيوني .. بكيت وزعلته لكين جواي بالجد ارتحته

وقمته وصليت وقريت ودعيت لحدي م الشمس طلعت .. الصباح والله كاني م انا ريم الجيت الداخله امس حسيت بان فعلا ربنا م بيقبل الظلم

حسيت بدفا بيتنا وراحة بيتنا وحنان اهلي

اول م الشمس طلعت عملت الشاي واتلميت مع اخواني ونسه وضحك وشربنا الشاي .. بعديها ظبطه البيت مع اخواني وصفاء عملت الفطور بجد راحه نفسيه .. وزولكم داك لمن العصر حتن فقدني بتلفون

والمكالمه كلها م مكمله دقيقتين .. وقفل

بالليل قعدته مع صفاء قلته ليها انا فعلا غلطانه انا السمحته ليهم يعملو فيني كده .. وانا عايزاكي تقيفي معاي بس اجيب حقي منو وتاني م عايزه منهم شي

قالت لي لازم تبقي قويه وترجعي ريم الانا بعرفها

وابدي من هسي قلته ليها كيف

قالت لي ودعمتك هشام رجع من السعوديه وعمل صيدليه هنا وسألني منك «طبعا انا من صغيره متفوقه في الدراسه ودرسته صيدله وبعد اول سنه اتزوجته بعد اتخرجته زوجي رفض اي شفل »

وانا اديتو رقمك ..

قلته ليها لم يتصل بي ان شاء الله بعرف منو التفاصيل والمطلوب ..

قالت لي تاني شي م تخدميهم واخدمي نفسك احسن ليكي ..

ولازم تجيبي رقم الشلابه دي ونحاول نجمع تفاصيل عنها ..

واخر شي اهتمي بنفسك ي ريم والله بقيتي شبه عم عبدالله الغفير :-) :-) :-)

.

.

.

قعدته عند اهلى اسبوعين مرتااااااااحه اخواتي عزوني خلطات وكريمات اضافه لكعكاتي

استجمعته قواي وقررته اني انهي المهزله الانا عايشه فيها دي ..

زولكم اتصل بي

وقال لي الجمعه بعد الصلاه ح اجي اخدك

قلته ليه تمام

يتبع.....