بعد ما بكيت فكرته وقلته الحمد لله وكل حاجه بتحصل لي خير انا ع قدر نيتي ربنا اراد وكشف حقيقتهم قدامي انما هي مخدوعه فاكره انها منتصره علي انا الما اذيتها في شي ..
عدت زي ساعتين ويمكن اكتر مشيت بهناك سألته من خالد امو قالت لي طبعا"-الزارتني دي زميلتو لمن عرفتني عيانه جات تكفر لي وانا اصريت عليه يوصلها
قلته ليها تمام م قصرت ..
المساء لم جا .. قال لي انا عايز نمشي الدكتور ونشوف الحاصل قلته ليه جدا"«من كلامو حسيت بيه عايز يتأكد اني عاقر عشان يبقى ليه سبب في موضوع زواجو من الثانيه »
ما جبته ليه سيرة اني مطمنه او اني مشيت دكتور قبل كده ..
وفعلا مشينا الدكتور طلبو منو تحاليل وطلبو مني نفس التحاليل القديمه
واخدنا كذا يوم في التحاليل
واخدنا موعد تاني مع الدكتور عشان نقدم التحاليل
وفي يوم اثناء م انا شغاله في الصيدليه جات نضال بمنتهى الوقاحه والبجاحه
بتسأل من تركيبات وش طبيه امنه عشان خطيبها مانعها الفسخ عشان بيخاف عليها
ومحتاجه الخلطه عشان زواجها قرب وطبعا قعدت تتدلع وتتمايص رفعت ضغطي في السماء
واتصل بيها وهي واقفه معاي
واكيد لقتها فرصه فظيعه عشان تحرق دمي وفعلا ما فوتتها اااااابدا"
اديتها تركبيتها مع اني قلبي قال لي كبي فيها شي يحرق ليها وشها
وطالي استأذنته من هشام اني تعبانه وماشه البيت قال لي اوصلك رفضته وقلته ليه عندي مشوار في طريقي
وصلته البيت مستاءه م دخلته بهناك دخلته بيتي طوالي بس دخلته الحوش لقيت باب البرنده فاتح
استغربته قلته ياربي خالد رجع بدري دخلته بس م عملته صوت كنت عايزه اتأكد منو قاعد جوه بس دخلته اسمع صوت نسيبتي وبنتها من غرفتي اندهشته وفي نفسي قلته ديل بيعملو شنو هنا معقوله هم يكونو البفتشو اغراضي ..
قلته لو بقو هم يبقى الحمد لله لقيت لي حاجه اطلع فيعا غبينتي
اول م دخلته الغرفه لقيتها لابسه طقم من هدومي وواقفه قدام المرايا وتقيس فيه «يعني قبضه بالثااااااااااااااابته »
قلته ليهم انتو بتعملو شنو في غرفتي
والله اظن لو شافو شيطان في وشهم كان ارحم من شوفة وشي
طبعا نسيبة السرور خشمها م فتحتو انما بتها البجحه
قالت لي بيييييييييييييتنا وبيت ابوووووونا
وحقنا وحق اخوووووووووونا
قلته ليها وصت بيكم الوقاحه تفتشو اغراضي في غيابي وهدومي
امها طواااالي قالت لي يا ريم يا بنتي طوااااالي قاطعتها قالت ليها يا امي بنتك بي وين
قالته ليها يا خالتي انا سامعه عمي ده من قبيل
بيكورك ليكي بطول حسو طوالي اتخلعت ورمت الفي يدها وقالت ليها سجمي ابوك ي السجمانه وطواااالي طلعت مسرعه وانا طوالي بي واراها قفلته باب البرنده عندي عصايه كده حللللللللللوه دائما" بختها ورا الباب
بتكل بيها الباب وبعدل بيها الستائر
طوااااااااالي شلتها ليكم في يدي طبعا في ناس كده
بتلقيهم معصعصيييييين لكين هجامين وحسهم عااااااااااااالي ولسانهم طويل
شفتو حماتي الوسخه دي بس منهم
المهم دخلته الغرفه لقيتها مصلت الفستان وتلبس في قميصها ..
قلته ليها ملصتيه ليييييييييه م تخليه م حقك اخوكي وابوكي ..
قالت لي اسمعي هنا ي وسخه انتي قالت لي ااااااااي فتشنا دولابك
خوفا" على اخونا عايزين نتأكد م تكوني عامله ليه عمل ولا سحر وداساه في حته
احييييييييييي يا قلبي شفتو احساس انك تفقدي السيطره على جميع افعالك وتحسي يدينك بيعملو حاجه خارجه عن ارادتك شفتو ده بس هو الحصل معاي
انا دقيت المخلوقه دي دقه طلعته منها القديم والجديد محطها ليك في رجولها وضهرها ده محيط ولطشتها ليك جنس كفوف يالله احساس جميل احساس الانتصار ده
وهي م خلت صرخه ولا صوت
يتبع....
