نكتل كال مشكور استاذ وفي امان الله...
كمنا نطلع حتى ننسحب بهدوء صاحلنا
وين وين شبيكم غير افتهم ليش طالبيني؟؟
نكتل.. والله استاذ جنت جايب اختي تقدم ع وضيفة يمك بس بعد الي صار اكيد راح ترفض وحقك
هو.. ومنو كال ارفض؟؟
اني فتحت عيوني شكد مابيهن... صدك استاذ يعني خلاص قبلتني
هو.. لا
عزززززززاااا اي والله عزززززاااا شلون فشلني
كمل كلامه انتي تقدمين معلوماتج وبعدين يتم الاختار
همست لنکتل.. اممممممم يعني هم شغلة واسطات
المدیر.. نعم؟؟ اشکلتي؟؟
اني.. لا ابد استاذ شكرا، ان شاء الله اقدم
طلعنا يم السكرتيره
سألت ع اسمي كلتلها
سولاف راكان محمد وانطيتها اوراقي ومعلوماتي كالت احنا نخابركم اذا صار
رجعنا للبيت والطريق كله نضحك ع الموقف
فتنا من يم مطعم اشتهيت لفة كص نكتل نزل جابلنا سفري النا وللبيت ورجعنا اتغدينا وحجينالهم ع الي صار
امي.. والله ياسوسو ع الي صار ايسي يعينج ههههه😂
اني.. يلا فدوة لكرشي ههههه
فات ع الموضوع اسبوع اني نسيته اصلا ولابقى ابالي..
بيوم داتابع التلفزيون ومندمجة ويا المسلسل التركي العشق الاسود ويا عمروشي.. جان يدك موبايلي.. اباوع الكاه بعيد اهوووووو شياخذني يمه هسه شيصير لو اصيحله ويجي هههه😂
المهم كمت جبته لكيت رقم غريب.. انوب هذا منو
الو نعم
مرحبا حضرتج سولاف روكان محمد..؟؟
نعم اتفضلي
انتي من ضمن المقبولين بوظائف الشركة ياريت باجر تجين نكمل الاجراءات
كلش فررررررحت ركضت ع ماما وبابا كاعدين بالحديقة اصيح
باااااااااااابا ماااااااااما باركولي اتعينت باركولي
بابا... ها ها شبيج بنيتي منو كالج؟؟
اني خابروني هسه كالوا انتي سولاف روكان ههههه ماجان عندي مجال اصححلهم الاسم راكان مو روكان كالتلي تعالي باجر نخلص الاجراءات
ماما حضنتني وباستني.. دبدوبتي مبروك حبيبتي
ماعرفت شلون گضيت اليوم ومانمت الليل كله متشوقه الصبح يطلع واروح اداوم
جنت احسب دقيقة دقيقة شعور غريب بداخلي من الفرحة ماحاستها قبل..
صار الصبح بس اليوم ماانزعجت من صوت الساعة بالعكس جنت انتظرها
غسلت وجهي واتريكت لان بعد وكت يلا بديت ابدل فتحت الكنتور اوووووووو ملابس بالكوووم وكعن عليا بس ظليت صافنة شألبس..يلاااا طلعت شال وفستان جوزي ولبستهن ورتبت روحي عود وطلعت لكيت نكتل ومقداد كاعدين بالمرجوحة بالحديقة صحت..
يلااا نكتل عفية حياتي اليوم بالذات مالازم نتأخر
مقداد جاوب.. اليوم اني هم اجي بما انه اول يوم لازم نساندج حتى باول راتب تعزمينا هههه
رحت بسته حياتي يااروع اخ
امي ودعتنا بادعيتها الحلوة وصعدنا السيارة ورحنا
وصلنا للشركة گلبي بدا يدك يدك سريع من الفرحة ومتوترة..
نكتل ومقداد حبوا يشاقوني ويشجعوني لزموا ايدي مثل الاطفال ودخلنا طبعا كلمن يشوفنا يبتسم لان منظرنا يضحك
رحنا كبل لغرفة السكرتيرة دكيت الباب ودخلت.. مقداد ونكتل ظلوا منتظرين يباوعولي من الشباك
السكرتيرة ماجانت موجودة فكعدت انتظرها
وكل ساع اندار نكتل يسويلي بأصبعه👍 اوكي ومقداد يأشرلي بعينه انتظري
المهم بعد شوية طلعت السكرتيرة من غرفة المدير... شافتني ابتسمت ابتسامة خفيفة
اهلا عيني ليش كلفتي نفسج اجيتي مو كلت اذا صارت شغلتج اني اخابرج
اني.. اي حبيبتي خابرتوني ان كلش ممنونة منكم
السكرتيرة بوجهها علامة تعجب واستفهام
منو خابرج حبيبتي وشكالج
واني بكل ثقة والابتسامة مالية وجهي اجاوبها
كلتوا مبروك انقبلتي بالوظيفة
السكرتيرة.. لا اكيد دتتشاقين اختي اني الي اخابر بهالمواضيع واني ماخابرتج
اني جمدت بمكاني وانشل النطق عندي صدك جذب..
انداريت اباوع ع مقداد ونكتل وهم مبتسمين بس اني الدمعة بطرف عيني هم استغربوا ظلوأ يأشرون بيدهم شكووو
واني رجعت احجي مع السكرتيرة
يعني شلون مامخابرة لعد منو الي خابرني وانطى اسمي الثلاثي هم
كالت ماما الوظيفة صارت من نصيب وحدة اسمها... فد لحظة... وكامت تدور بالأوراق وتگلب بيهن واني مخلية ايدي ع خدي وانتظر
اي هاي هي... من نصيب سولاف روكان محمد
اهنا هم عدلت كعدتي وابتسمت لان رجع الامل...
اي اي هي هاي اني وانتي خابرتيني الي... بس مالحكت اصححلج الاسم ابويا راكان مو روكان.
كالت اهاااااا شوفي اهنا الخطأ... هاي صورتها مو انتي واني اسفة صار سهو
شوفتلي فعلا مو اني هاي لعد بالنسبة للاسم
معقولة تشابه اسماء لهالدرجة؟؟
دخلو نكتل ومقداد مااتحملوا يريدون يفهمون السالفة...
اني جنت بادية ابجي...
شكو شكو سولاف احجي حياتي
لزمت ايد مقداد وكلتلهم امشوا ماألي نصيب
وكفني مقداد... اوكفي خلي نفتهم
حجيتلهم الموضوع هم اتعصبوا كلش لان شافوني كلش مقهورة
مقداد.. وهيج سهوا منو يتحمل ذنبه
نكتل بكل بساطة تكوليها سهو شلون حضرتج تخطأين هيج خطأ مشاعر الناس ماألها قيمة عدكم...
ظلوا يصيحون ويأنبون السكرتيرة واني ابجي...
جان يطلع المدير ع صوتهم
هو ونظاراته يعدلهه بأيد والثانية متخوصر بيها وبكل برود اعصاب..
شكووووو شديصير شنو هالهوسه
السكرتيرة كامت من مكانها عود تشرح
نكتل ماانطاها مجال..
استاذ الله عليك تقبلها البارحة مخابرين ع اختي انها مقبولة بالوظيفة اليوم يكولون جان سهو القصد مو أنتي
وشرحله الموضوع كله.. وهو واكف بالباب..
ابتسم كال بس هلكددد
احنا بدا دمنا يفووور عبالنا يستهزأ
اشر بأيده كال اتفضلوا للمكتب نحجي
دخلنا واكفين كال اتفضلوا استريحوا... كعدنا بس ع اعصابنا
كال يعني الوظيفة هاي كلش ضرورية الج واني اجر بخشمي وابجي
اي طبعا ضروري وحرام عليكم والله من فرحتي مانمت الليل
مقداد اخذ راسي ع صدره.. حبيبي بلا بجي كلشي فدوة الج
هو مخلي طرف القلم بحلكه ويباوعلنا عين علينا واذنه يم نكتل لان ديحجيله
كال خلص بما انه الخطأ من عدنا... وهاي حالة ماصايرة ابد لهذا وظيفتج يمي مني تاخذيها..
بس انطيني فرصة يومين اشوف الشواغر وبدون مانخابر تعالي واستلمي شغلج
بصراحة اني جنت مأيسة كلش لان انكسر واهسي
طلعنا من الشركة صعدنا بالسيارة واني بس ابجي بسكوت وامسح دموعي مااريد اخوتي يحسون وينقهرون بس هم ديحسون بيا ومقداد جان يراقبني من المرايا
جان يكول نكتل..
مقداد الباندا من تزعل بيش يرضوها..
مقداد جاوبه... بلفتين گص ويا كولا.. واندار عليا
يكفي لج ماعاش الي يبجيج واحنا موجودين.. خلي نعبي الكرش وراها نفكر
ضحكوني واني دمعتي ع خدي بس فعلا ماعاش الي يبجيني بوجودهم فدوة لعينهم
رحنا اتغدينا واتونسنا شقى وضحك وسوالف ورجعنا للبيت
أنت تقرأ
متصل الأن
ChickLitعلينا تقبل بعضنا اعتمادا ع نقاء قلوبنا والشخص البدين هو بالتالي انسان له مشاعر واحاسيس من المفروض ان يحترم ولا يكون محط استهزاء المقابل موضوع القصة ربما كوميدي نوعا ما... وغريب... لكنها قصة حقيقية عاشتها احدى الصديقات... هي قصة للعبرة بالدرجة الاسا...
