رررررررررررن... اووووف ياصوت الساعة.⌚... الشي الوحيد الي اعرف اكرهه واحقد عليه بحياتي...من تكعدني الصبح واني ماشبعانة نوم...
يوم مشمس وحلو وصوت صديقاتي العصافير🕊️ الي تزقزق متجمعات يم شباك غرفتي.. لان يومية اريكهم بأيدي...
ظليت اتثاوب بمكاني وصافنة عليهن.. لحد ما....🗣️
ماما..ولج سولااااااااف يلا راح تتأخرين
خلي اعرفكم بنفسي بين مااغسل وجهي وافرج سنوني
اني سولاف الاخت الصغيرة لأخوان اثنين مقداد ونكتل... علاقتنا بالبيت كلش حلوة اصدقاء اكثر من كوننا اخوة هواي من صديقاتي جانوا يحسدوني ع طريقة تعامل اخوتي الي فدوة لگلبهم
اني خريجة معهد فني عمري 25 سنة.. جمالي عادي الحمدلله.. بس مو مثل بطلات القصص الي سوووبهاااان الله كلهن حلوات ورشيقات وشعرهن اصفر وعيونهن خضر😂
لا اني عادية وفوك الضيم مربربة ولحد يكلي سوي ريجيم لان كضيت عمري بهالنظام يوم اضعف وعشرة ارجع
ومن اسمن انقهر من القهر اروح اكل😂
((طبعا اني لان مربربة بصراحة ماجنت اهتم بملابسي هوايا البس اي شي وع الاغلب بلا ذوق.. ولابسة 24 ساعة نظارات جني جديتي ومسوية شعري كباية بالبيت وبره محجبة والي زاد الطين كعدتي بالبيت بعد التخرج اهملت نفسي بعد اكثر
اني جنت دوم مستسلمة وراضية بشكلي..عبالك باندة 😂
ومن ناحية العاطفة.. جنت احب اتابع الافلام والمسلسلات الرومانسية جنت اتمتى احب وانحب بس ادري ماكو احد يقبل بيا حتى بالمعهد الشباب جانوا يحترموني ويحبوني بس كأخت لا اكثر.. كلمة حبيبتي وحياتي بس من اخوتي جنت اسمعها😂))
المهم خلي اعرفكم بأهلي
مقداد مهندس معماري موظف عمره 30 سنة وعنده محل ملابس نسائية الله يحفظه ونكتل خريج علوم بايلوجي عمره 28 سنة عنده مختبر
ماما ربة بيت... ربة بيت ممتازة ونشطة وبابا الله يحفظه مشرف تربوي متقاعد عنده محل ايطارات
اليوم موعد المقابلة بعد ماقدمت للتعين في شركة اهلية للمنتوجات الغذائية😂هم اكل😂
يلا ماماتي راح اطلع يلا نكتل وصلني راح اتأخر...
ماما.. وين ولج والريوك؟؟ شلون يصير تطلعين بلا ريوك شلون تسندين نفسج الريوك....
اني.. وجبة رئيسية ادري والله ادري حفظت هالكليشة من وعيت ع الدنيا
محد ربربني غير هالكليشة...
زين ماما بما انج قهرتيني راح اكعد اتريك😂
اتريكت كملت وطلعت ويا نكتل يوصلني..
اففف ازدحامات الطريق ماتخلص... ادري هالناس شبيها عبالك شاربة نفط شمكعدكم من الغبشة هسه اني رايحة ادور تعيين انتوا شبيكم
سمعني نكتل احجي وادردم ويا نفسي كام يضحك عليا
هاي شبيج ولج تكركين من الصباحيات غير الناس هم منتشرة تدور ع رزقها
ماعرفوا حضرتج تطلعين جان فرغوا الشوارع
عابت عابت دتصنف مو... باجر من اتوظف مو تطلب مصرف مني اتذكر عود شكد تصنف عليا😠
نكتل.. يومة فديت البرنسيسة المربربة
اني.. هههههههه طبعا برنسيسة وداعة كرشي
نكتل.. يلا حبيبتي وصلنا
أنت تقرأ
متصل الأن
Romanzi rosa / ChickLitعلينا تقبل بعضنا اعتمادا ع نقاء قلوبنا والشخص البدين هو بالتالي انسان له مشاعر واحاسيس من المفروض ان يحترم ولا يكون محط استهزاء المقابل موضوع القصة ربما كوميدي نوعا ما... وغريب... لكنها قصة حقيقية عاشتها احدى الصديقات... هي قصة للعبرة بالدرجة الاسا...
