متصل الأن

الجزء السادس//متصل الأن

حديقتنا جبيرة كلش وماما مهتمة بيها
طلعنا اشو مسويلي مفاجأة مشترين جهاز مشي وميزان
اني بس مابجيت... كعدت بالكاع كلت انتوا تتشاقون مو.. اني ميتة جوع انوب العب ع هاي
نكتل جاب الميزانركال اصعدي
دروح تريدون تضحكون عليا...
كال لا نريد نضحك بعد ماتكسرين الوزن الي انتي بيه
صعدت عزاااااااااااا 84
ماما كالت سولافة ترى والله مو هواي شوية صبر وعزيمة وتصيرين احلى سولاف
مقداد كال ماما رجاءا بلا عواطف لا مو شوية صبر هواي صبر وهواي عزيمة يراد لازم اقل شي تنزلين 68
اني ضحكت كلتلهم ظلوا ظلو احلموا
مقداد كال يلا لا تأخرينا اصعدي ع الجهاز
صعدت حسبتها لعبة بس خمس دقايق وهلكت بس ماقبل انزل كملت ربع ساعة كال كافي هلكد لان جسمج مامتعود خلي ياخذ ريست ونرجع..
طبعا بالريست هم ردت اهجم ع المطبخ منعوني😂😭
ورا شوية هم صعدت وهكذا لحد ماخلصت ساعة بس انتهيت من صدك دخلت سبحت
طلعت بدلت نشفت شعري وجيت كعدت وياهم يجرزون مديت ايدي نكتل كال مو هوايا ها بس شوية
اهووووو نكتل عاد مو لهالدرجة
صارت الساعة 12كمنا كلمن لغرفته نريد انام
رحت دخلت فراشي بس اتكلب من الجوع حاولت منا ومنا ابد ماكدرت اغمض عيوني..
كمت كبل للمطبخ كلت اكل بلا مااحد يدري
دخلت وفتحت الثلاجة بيها نساتل وجبس الخبيث نكتل جايبهن يقهرني بيهن هههه
طلعتهن وكعدت فتحت النستلة... جان اسمع نكتل... شوووووفتاااااك سمييييير
ههههههههههه طبعا خربت ضحك ومقداد وياه وكع بالكاع من الضحك
ولكم عوفوني اكل والله مااكدر انام...
لزموا ايدي واخذوني للغرفة وقفلوا باب المطبخ ههههه
ومرت الايام ع هالمنوال كملت اسبوع
كلتلهم جيبولي الميزان خلي اشوف.. نكتل كال لا ماانصحج تصعدين للميزان هسه لان اسبوع الاول ماراح يفرق عندج..
بس اني اصريت الا اصعد...
وصعدت... وانصدمت ولا غرام مامنزلة... صار عندي احباط وكمت ابجي...
نكتل كال مو كتلج لاتصعدين.. هو الاسبوع الاول يكسر المعنويات بس انتي دازم تكونين قوية
طبعا استمرينا مرات جنت ابجي من الجوع وماما تنقهر عليا لو بابا ويحاولون يهربولي اكل ههههه بس اخوتي جانوا عايفين حتى شغلهم ويراقبون ويلكفون هيج تسللات
وخلصت الشهر...
اتغيرت كلش صرت اني اركض ع التمارين واني بارادتي امنع نفسي عن الاكل
و

صعدت الميزان لكيت منزلة 5 كيلواات يااااااااي الفرحة ماتنوصف والله صرت ابجي من الفرح واحضن اخوتي

اجوني مقداد ونكتل للغرفة...
حبيبتي شفتي هاي البداية مو كلنالج راح تنجحين...
كلتلهم اني الله يحبني انطاني هيج اخوة اصدقاء
مقداد كال باجر راح تداومين اريدج بكل ثقة تتصرفين
نكتل.. والصبح اريدج بكل اهتمام تبدلين وتتحضرين مو مثل كل مرة جفيان شر

كلتلهم بس خايفة من شي.. الدوام متعب اخاف اجوع و اضعف
نكتل كال اني سويتلج نظام غذائي ثابت ان شاءالله ماتجوعين
تكعدين الصبح تشربين كلاص حليب بدون دسم وبيضة سلك مع نص صمونة شعير
الظهر تتغدين اما شوربة لهانة او شوفان مع قطعة صدر دجاج مسلوق ونص صمونة شعير
من العصر لحد قبل النوم بساعتين انتي مخولة اي فاكهة تاكلين حتى اذا بيها سكر لان جسمج هم يحتاج
والنظام قابل للتغير اذا شفنا مايوالمج
لان اخذيها قاعدة بالدايت ماكو قاعدة
يعني مو شرط النظام الي يوالمني يوالمج كل جسم وطبيعته...
اهم شي لازم تعرفين ان الدايت مو معناه تجوعين نفسج وتحرميها من كلشي لا بس كلشي بنظام