(البارت الخامس)
اسلام: طلعت واني منهار ماعرف شسوي ماكو شغله ابالي غير خسرتهه صارت مو الك نزلن دموعي لاول مره بحياتي حسيت نفسي مكسور وتايه شلون راح اكدر اعيش بدونهه ملكتني بنظره منهه واتذكرت من شفتهه فرحانه يعني جانت فرحانه بالخطوبه واني عبالي حبتني انوب انقهرت اكثر ماكدرت ارجع للبيت بيومهه وبتت بره افتر بالشوارع مثل الضايع.
ورده: طلعت كلش حلوه اول مره اخلي مكياج طوخ بعدهه رجعت للبيت واجه ايمن فدوه طالع يخبل بالقاط عقدنه ولبسني الحلقه وكلش فرحانين بعدهه راحو وبس هو بقه يمي سولفنه واتشاقينه وكلي احبج يمرتي واني الدنيه ماسايعتني بعدهه راح واني جنت كلش تعبانه فكبل نمت.
اسلام: ثاني يوم الصبح رجعت للبيت وعيوني كوه مفتحن وحالتي كلش تعبانه ماطايق نفسي تلكتني مها
مها: اسلام وين جنت الليل كله اندك عليك وامي تخبلت عليك رادت تموت
اسلام: مابيه شي تعبان اريد انام صعدت لغرفتي واني احس كلشي بيه مات يمكن تكولون مبالغه بس لمن تخسر الي تحبه ولمن تكون حبيته من كل كلبك وتعلقت بيهه راح تحس بهذا الاحساس بعدهه بدون وعي خابرت لصديقي عنده شركه مال سفر كتله احجزلي اليوم بالليل اريد اسافر ومو مهم اي دوله احجزلي المهم مابقه بالعراق لان مخنوك.
مها: شفت اسلام حالته مطمن حيل خفت عليه اول مره اشوفه بهذه الحاله لهدرجه يحب ورده زين يمته وشلون بعدهه كلت خلي اصعدله. سمعته دا يحجز ايريد ايسافر. اسلام من كل عقلك اتسافر وتعوفنه
اسلام: مها لازم اسافر اذا بقيت هنا اختنك
مها: معقوله حبيتهه بهذه السرعه ماصارلك اسبوع من عرفتهه
اسلام: لا صارلي اكثر من سبوعين وحجيتلهه كلشي تفاجأت
مها: ماشي روح سافر غير جو وهم حاول تنسه وعفته وكمت
اسلام: حضرت غراضي وملابسي ضليت احوص اريد اشوفهه قبل ماسافر كلت خاف متروح اليوم لصيدليه شلون فصحت مها كتلهه خابريهه وفتحي كاميرا وياهه لازم اشوفهه كالت ميخالف
ورده: دا اتريك وسمعت تلفوني يدك شفته هذه مها جاوبت كلتلي افتحي كاميرا خلي اشوفج نسولف شويه فتحت كاميرا. ولج شعري مكفش هستوني كعدت ههههه
مها: لا حلوه بكل حالاتج وضلينه نسولف نص ساعه واسلام يباوعلهه وعيونه حمر ودموع بعدهه كتلهه يله حبي حروح سلميلي ع الكل باي. اسلام باوعلي ويبجي كلي المفروض هذه اليه مو لغيري وحضني ويبجي بجاني وياه. اسلام: من فتحت كاميرا وشفتهه خنكتني العبره مكدرت اسيطر ع دموعي تمنيته من صدك كبالي واحضنهه واكلهه عوفي كلشي وابقي وياي بس ادري هلشي مستحيل يصير لان عرفت من مها خطيبهه وياهه بالدوام وتحبه اوف.
ورده: سديته من مها كملت شغلي واجه فجأه اسلام ع بالي ابتسمت لا ارادي وكمت صليت وصبيت غده لاهلي وخابرت ايمن سولفنه شويه وبعدهه طبيت سبحت وبدلت حتى اروح لصيدليه. طلعت والطريق كلش ازدحام وتاخرت نص ساعه هستوني طبيت لصيدليه جان واحد يضربني قوي بجتفي كتله شبيك متشوف باوعلي طلع اسلام.....
&
&
&
#رواية_حب_وعشق 😻🦋
