(البارت الحادي عشر)
ورده: قررت ارجع اداوم بالصيدليه وفعلا رجعت فدا اشتغل جان اشوف اسلام من بعيد واكف دا يباوعلي اتصل عليه بس مجاوبته بعدهه طب لصيدليه بحجة يشتري شي فكالي اخذي اجازه ساعه لازم نحجي بالبدايه مقبلت بس اصر وكلت خاف احد ينتبه كتله اوك انتظرني بره شويه واجيك وفعلا اخذت اجازه زمنيه لمدة ساعه وطلعت صعدت وياه الطريق كله ساكتين لحد ماوصلنه لكوفي كعدنه بيه.
اسلام: ماتحملت ابقه هيج مامفتهم شنو الوضع رحتلهه لصيدليه حتى تطلع وياي نحجي مقبلت بس ضليت مصر بعدهه وافقت رحنه لكوفي هي ساكته بعدهه سألتهه ليش رحتي بهذه الطريقه
ورده: الي دا اسوي غلط تقربنه من بعض غلط اني احب ايمن واريد اضل احبه طول عمري
اسلام: من كلتلي هيج عبالك ضربتني سجين بكلبي مكدرت احجي ولا كلمه. بس اكو شي بكلبي يكلي احجي لاتخسرهه. كتلهه اني احبج وعيوني دمعن ماسألتني نفسج ليش اجه وراي لتركيا معقوله صدفه وحجيتلهه كلشي من اول يوم شفتهه بيه لحد هذا اليوم.
ورده: من سولفلي ضليت صافنه بس ضليت مصره ع كلامي رغم اتاثرت وحسيت بيه كلش.
اسلام: رغم كل الي حجيتلياهه بس هي مغيرت رأيهه واني كرامتي مسمحتلي بعد عفتهه وكمت كتلهه هذه حياتج وانتي حره بيهه ومن هذه اللحظه اعتبريني خارجهه. بس كلش ضجت ردت انفجر وبالطريق ردت اسوي حادث بس الله ستر خليت ورجعت للبيت لاكتني مها حجت وياي مارديت عليهه خليت ورحت لغرفتي اجت مها
مها: شفته ضايج حيل وعيونه يجدحن نار وماحاجاني صعدت وراه لغرفته كتله شكو شبيك
اسلام: طلعت متحبني كل هذا الصبر والانتظار وهم متحبني بس بصياح كليلي شسويلهه بعد احبهه وماكدر ابقه بدونهه
مها: اهدء اسلام والله هي تحبك بس تكابر وماحاسه ع نفسهه انت ماشفتهه شلون غيرتهه لو متحبك جان ماتغيرت ورجعت لطبيعتهه
اسلام: هذا حجي بس حجي ماكو فعل
مها: اني حثبتلك هي تحبك وانت مخسران شي حروحلهه واكللهه خطبنالك واشوف ردة فعلهه واجي اكلك
اسلام: من كلتلي مها هيج صار عندي امل شويه وافقتهه الرأي وكتلهه انتظر منج خبر
مها: ماشي حروحلهه باجر واكللهه. فعلا رحتلهه ثاني يوم وخلال الحجي كتلهه روحي وياي للسوك اريد اشتري ثوب لخطوبة اسلام
ورده: 😨 اسلام خطب يمته وشلون
مها: اي امي صارلهه سبوع تلح عليه ع بنت صديقتهه والبارحه وافق. شفت وجهه كام ينطي الوان عرفت هي تحبه من معالم وجهه الي صارت متتفسر بس حاولت متبين هالشي
ورده: من كلتلي خطب كلبي كام يوجعني وحسيت الضوه الي بحياتي طفه مره ثانيه وكمت كوه اخذ نفسي بس حاولت مابين كدامهه
مها: يله حبي اني حروح اشوف احمد. باي. طلعب خابرت اسلام.
اسلام: هاا اشصار
مها: اسلام والنبي تحبك كون تشوف وجهه صار اصفر من كتلهه خطبت كامت متعرف تحجي.
اسلام: كولي والله. فرحت من كلتلي هيج بس هم ماتاكدت ميه بالميه
مها: والله وداعتك. يله خلي اروح خاف احد يسمعني باي
ورده: ضليت افكر ماريد اخسره اني احبه اوف لعد هسه ياله حسيتي ع نفسج. اسلام اليه يحبني مراح اخلي يروح لغيري....&
&
&
#رواية_حب_وعشق 😻🦋
