(البارت السادس)
اسلام: اجيت حتى اشوفهه لكيتهه ماكو خاب املي حيل كلت اكيد ممداومه اليوم مثل متوقعت فدا اطلع بسرعه وكلش ضايج فضربت وحده حتى ماباوعتلهه كلتلي شبيك متشوف عرفت هذا صوتهه باوعتلهه ابتسمت لا ارادي كتلهه اسف ممنتبه
ورده: ولا يهمك. شفته حالته تعبانه مو مثل كل مره اشوفه حتى من ابتسملي ابتسامته تعبانه كلت ماريد اتعارك وياه خطيه. اسلام بيك شي مبين عليك مريض
اسلام: من كلتلي مريض جنت اتمنه اكللهه انتي دواي كلمه منج ممكن تشفيني بلحظه. لا مابيه شي يمكن ارهاق من الشغل
ورده: امممم اوك يله مع السلامه😏
اسلام: اوف من تصرفاتج وحلكج من تعوجي تموتيني اوف(تمنيتك الي... بس الله ماراد)خليت وطلعت كبل اتوجهت للمطار لان طيارتي ب8
ورده: طبيت لصيدليه اشتغلت وبعدهه اجه اخويه اخذني وصلنه للبيت ماكو احد. احمد اهلي وين
احمد: مادري خلي اخابرهم. دكيت عليهم طلع الحجي عازم الحجيه ع العشه ههههه
ورده: اممممم فديتهم العشاق اني حروح انام نعسانه باي.
اسلام : وصلت للمطار طلع صديقي حاجزلي للبنان انتظرت ساعتين وطرنه وصلت لبنان نفس الحاله اكثر اوقاتي مكضيهه بالفندق وصورتهه مافاركتني اتذكر كلامهه وغرورهه الي لايكلهه احس محد يلوكلي غيرهه ومستحيل راح تلكه احد يحبهه كدي ربي لو تموتني لو ترجعهه اليه رغم اني ادري مراح ترجع
ورده: مخابرت ايمن كبل نمت لان حسيت نفسي كلش تعبانه. كعدت الصبح تريكت وبدلت اريد اطلع لدوام كلت خلي اخابر ايمن دكيت ماكو مغلق كلت اكيد مخلص شحن فطلعت للكليه ادور عليه ماكو ورجعت دكيت هم ماكو كلت هذا وين راح خلصت محاضراتي وطلعت كبل للبيت مانتظرت الخط. وصلت للبيت لكيتهم كاعدين واحمد وياهم والمفروض احمد هسه بالدوام امي اجت كبل حضنتني وكامت تبجي كتلهه شكو ماما. كلهم ساكتين وميحجون صحت شبيكم متحجون حسيت ايمن بي شي بس مصدكت نفسي.
ماما: ايمن سوه حادث ومات
ورده: من كلتلي مات صفنت عليهه وكامن دموعي تجري بوحدهن بدون وعي وبلحظه حسيت طفه الضوه الي بحياتي وصارت ضلمه كتلهم اريد اشوفه
احمد: يله اني اوديج
ورده: وصلت للطب العدلي شفته ع السديه ومغطين وجه تقربت عليه ورفعت الجرجف كتله حبيبي تموت وتعوفني بعد وكت ع الموت كدامنه عمر شطوله وبعدهه حضنته وبجيت من كل كلبي ومحسيت ع نفسي غير حاطيلي مغذي كتلهم اريد اموت لا ماريد مغذي فجأه صرت احجي بهدوء راح صوتي العالي والساني رجعوني للبيت كتلهم اطلعو بره ماريد اشوف احد وطلعت صورنه اني وياه وابجي ايمن لاتروح فدوه ارجعلي والله احبك اموت بدونك. مر اسبوع ع وفاته. واني شبه عايشه لا احجي ولا اشوف احد...
&
&
&
#رواية_حب_وعشق 😻🦋
