(البارت الثاني عشر)
ورده: مر يومين من عرفت بخطوبته واني متهستره وماعرف شسوي بدون وعي بدلت ورحت لمكان شغله دخلت كلت لسكرتير اريد اشوف المدير كلي لحظه انطي خبر
السكرتير: استاذ وحده بره تريد تشوفك
اسلام: خليهه تدخل . بس ابد مااجه ع بالي تكون ورده
السكرتير: تفضلي ينتظرج
ورده: دخلت كتله شونك اسلام
اسلام: هلو ورده. اتفاجأت من شفتهه وفرحت حيل. تفضلي اكعدي
ورده: شكرا. بداخلي متوتره وارجف وماعرف شكله
اسلام: خير صاير شي شعجب اجيتي
ورده: هاا لا بس جنت ماره منا وكلت اسلم عليك يله حروح اني. وصلت للباب سمعته كلي ورده ووياهه ميت علامة استفهام. التفتت عليه تقرب مني بحيث احس بدكات كلبه وبنفسه اني دنكت وكلبي كام كل قوته يدك وكوه اتنفس كمش حنجي ورفع راسي باوعت بعيونه كبل نزلن دموعي مكدرت اسيطر عليهن كتله والله احبك لا توافق ع هذه البنيه وتعوفني.
اسلام: من كلتلي احبك مصدكت ضليت صافن ع حلكهه شلون كالتهه واتمنه تعيدهه مره ثانيه والف مره بعد واخيرا حجتهه. بعدين كتلهه واني روحي بيج وشلتهه وكمت افتر بيهه
ورده: شالني وكم يفتر بيه كتله نزلني لا يجي احد عيب. نزلني وكلي احبك بكد رحمة الله كتله يله حروح تره خجلت باي. هستوني اريد اطلع جان يجرني من ايدي ويحصرني يم الحايط وجان يبوسني واني مكدرت اقاومه استسلمت حضني حيل وباسني بوسه بكل مشاعره واحاسيسه حسيتهه بوسة حب وعشق وانتظار. بعدهه دفعته وطلعت لان بصراحه خفت. طلعت طايره من الفرح والدنيه ماسايعتني بالطريق دزلي رساله كاتبلي احبج كتبتله اموت بيك.
اسلام: لمن بستهه اخذت كل مشاعري نسيت نفسي هذه البنيه عدهه قدره عجيبه تتحكم بيه وبمشاعري تمنيتهه متروح تبقه بحضني بس شردت من الخجل واني اموت ع خجلهه.
ورده: ضلينه اني واسلام شهر يسمعني احلى كلام من حب ورومانسيه مرات نطلع ومرات نتخابر.
اسلام: حبي مو كافي خلي نزوج
ورده: حبيبي انت تدري مترهم شتكول عليه العالم خطيبهه مصارله سنه واتزوجت فدوه تحمل وره السنه نزوج واذا تريد نسوي عقد هو عرس نفس اليوم واصلا مبقه شي
اسلام: اوف صح مبقه شي بس خمس اشهر😒
ورده: حياتي اعتبرهه فترة خطوبه والله مراح نحس بيهه
اسلام: يعني نضل هيج نتخابر ونطلع بالبوكه مثل الحراميه ولج افهمني اريدج يمي بعد ماتحمل
ورده: واني هم اريدك بس لازم نتحمل لخاطري حبيبي
اسلام: اوك امري لله الواحد القهار
ورده: فديتك اموووواح💋
اسلام: اوف كون بالحقيقه هذه البوسه
ورده: هههههه يله حنام باي حب. وفعلا كضينه 5 شهر احلى ايام وطلع يحبني حب مصاير حتى اني حاسده نفسي عليه.
اسلام: حاولت قدر الامكان بهذه الخمس اشهر انسيهه كلشي اريدهه اليه تحبني اني وبس ماريد احد يشاركني بيهه حتلو ميت. بعدهه رحت خطبتهه رسمي من اهلهه ماعترضو ونويت اسويلهه عرس مصاير لان تستاهل بت كلبي.
ورده: خطبني من اهلي ووافقو ومثل ماتفقنه هو عقد هو عرس نفس اليوم لان ادري بيه بعد ميتحمل وحقه صبر عليه هواي. كملت تحضيرات العرس وباجر الزفه...
&
&
&
#رواية_حب_وعشق 😻🦋
