(البارت العاشر)
ورده: وداني لمكان يخبل مثل الاحلام فعلا مفاجأه تجنن. واوووو اسلام المكان يخبل هذا وين لكيته
اسلام: عجبج. هذا قليلين الي يندلوه
ورده: فضيع يجنن شكرا اسلام ادري دا اتعبك وياي
اسلام: لتحجين هيج بعد ازعل والله. تعالي خلي ناخذ صور. اخذنه صور كومه وهي تخبل طالعه كلساع اريد اخذهه بحضني اريد اكللهه احبج بس اكو شي يمنعني وماريد ارتكب غلط واخسرهه مره ثانيه. بعدهه تغدينه ورجعنه العصر لان كالت ماريد اتاخر مثل البارحه.
ورده: ادري دا اتعب اسلام وياي عرف يخليني سعيده ويغير نفسيتي الي جانت متحطمه. مر اسبوعين ويوميه يطلعني بمكان شكل كلش ونسني والطلعه وياه تخبل.
اسلام: كعدت الصبح ماكدر اشيل روحي من الفراش تعبان حيل واحس جسمي مشتعل نار خابرت ع ورده
ورده: هلو اسلام وينك اتاخرت
اسلام: ورده تعاليلي اني بالفندق تعبان حيل
ورده: ماشي اني جايه بسرعه. جنت متحلفتله من يجي لان اتاخر بس من خابرني وكلي تعبان كلبي طار وحيل خفت عليه رحت بسرعه وصلت لغرفته فتحلي الباب ورجع نام ع الجربايه حطيت ايدي ع راسه مصخن نار. جبت كمادات وضليت اسويله مجابت نتيجه نزلت لصيدليه جبتله علاج شفته متغطي ويرجف ماعرف شسوي حضنته حيل كلت بلكي يدفي وتفكه الصخونه
اسلام: الصخونه كتلتني وحسيت عليهه تسويلي كمادات وجابتلي علاج من اخذت العلاج بعد محسيت ع نفسي الا وره ساعتين يمكن الدوه بيه نسبة منوم كعدت لكيت ورده بحضني وهي نايمه انوب شكيت بروحي خاف مسويلهه شي بس بعدين تذكرت اني مريض😁 باوعتلهه وهي نايمه مثل الملاك ونوب بحضني اول مره هيج اصير قريب عليهه شميت عطرهه يموت حسيت نفسي طبت بمجرد وجودهه قريبه مني.
ورده: حسيت ع نفسي نايمه فتحت عيوني لكيت اسلام صافن عليه ومبتسم. كمزت كبل كتله شبيك والله اخذتني النومه انوب اني صخنت من الخجل شكد عيب
اسلام: ضليت صافن عليهه ردت ابعد عيوني عنهه مكدرت كعدت شافتني كمزت كبل وخجلت وجهه صار احمر. واني ميت ضحك عليهه. تره عادي اني هم اخذتني النومه.
ورده: عابت لاتضحك شون صرت
اسلام: لا زين مابيه شي بفضلج انتي
ورده: لا مسويت شي. حروح اطلب اكل اني جعت
اسلام: ماشي واني حروح اسبح علما يجي الاكل
ورده: عدلت نفسي بالمرايه. وضليت صافنه بيهه ليش هلكد فرحانه وتغيرتي معقوله نسيتي ايمن. اني لازم ارجع للعراق الي دا اسوي غلط. خليت وطلعت بسرعه من غرفته. رجعت للبيت حضرت غراضي ورجعت للعراق لان تذكرتي بيهه ذهاب واياب.
اسلام: طلعت من الحمام ملكيتهه دورت عليهه ماكو ادك تلفونهه مغلق ضل بالي وين راحت معقوله سويت شي ضوجهه ضليت بحيره يومين واني ادك وماكو بعدين اتصلت مها
مها: هاا عيني يمته ترجع مو الحب مالتك اجه البارجه شعدك باقي
اسلام: من كلتلي هيج محبيت ابينلهه شي كتلهه انشالله باجر اجي. بس ضل ابالي ليش رجعت بهذه الطريقه شنو الي صار لازم اعرف
ورده: وصلت للعراق استقبلوني اهلي جنت مشتاقتلهم كلش سلمت عليهم ورحت لغرفتي بدلت فتحت تلفوني لكيت كومه داك عليه ضليت افكر هواي لحد منمت. ضليت 4 ايام مشايفته ولا هو اتصل بعد بديت اشتاقله يمكن تعودت عليه وهو مبين ممشتاقلي اصلا ماتصل كلش انقهرت.
اسلام: رجعت للعراق بس مكدرت ادك عليهه كلت خاف اهلهه يمهه ماريد احرجهه بس كلبي وفكري كله يمهه مشتاقلهه حيل وحاط صورنه كلساع اباوعلهن وبنفس الوقت اريد اعرف ليش راحت بهذه الطريقه....
&
&
&
#رواية_حب_وعشق 😻🦋
