အချစ်စစ်၏ တည်နေရာ
Season (1)
အပိုင်း(၁၇)
မိုးစက်သည် အကိုနှင်းထန် နှင့် ချိန်းသည့်နေရာသို့ မည်သူမှမသိအောင် တိတ်တဆိတ် သွားရသေးသည်။ သူကပန်းခြုံထဲဝင်လာသော မိုးစက်ကို ဆီးကာဖက်ပြီး ပါးလေးကို နမ်းကာ
'လွမ်းလိုက်ရတာ ချာတိတ်ရယ်။ ကိုယ်တနေ့လုံး မင်းနဲ့တွေ့ရမယ့် အချိန်လေးကို စောင့်နေရတာ။ မင်း ကိုယ့်ကို သတိရရဲ့လား။'
မိုးစက်သည် သူ့ကို အသာတွန်းဖယ်ကာ
'အကို ကလည်းဗျာ။ ကလေးလဲ မဟုတ်ပဲနဲ့။ အကိုနဲ့ တအိမ်ထဲနေပြီး တနေ့လုံးတွေ့ နေတာ ကျွန်တော်တော့ မလွမ်းပါဘူး။'
သူကတော့ မိုးစက်ကို သိုင်းဖက်ကာ လည်ပင်းကိုငုံ့နမ်းရင်း
'ကိုယ်တော့ ချာတိတ်လေးရဲ့ အသားနုနုလေးနဲ့ ကိုယ်သင်းနံ့လေးကို လွမ်းတယ်။ '
မိုးစက် သူ့နူတ်ခမ်းကို လက်နှင့် ကာပြီး
'ဟိုး... အကို ... အရာထင်အောင်တော့ မလုပ်ပါနဲ့ဗျာ။ ဖေဖေလည်း ရောက်နေပြီ။ တွေ့သွားလိမ့်မယ်။ စကားထိုင်ပြောရအောင်ဗျာ။ '
နှင်းထန်က ချာတိတ်လေး၏ လက်ကိုဖယ်ကာ လက်ခုံကို နမ်းပြီး
'စကားလည်းပြောမယ်။ စကားမပြောခင် အတိုးချပြီး နမ်းပါရစေဦး။ ကိုယ်နမ်းတာ အရာမထင်စေချင်ရင် မရုန်းနဲ့။ ငြိမ်ငြိမ်နေ။'
မိုးစက် သူ့စကားနှင့်သူ ပိတ်မိကာ သူ့အနမ်းများကို မျက်စိမှိတ်ပြီး ငြိမ်သက်စွာ ခံယူ နေရသည်။ သူ့အနမ်းများက ပန်းပွင့်ကြွေကျသလို ငြင်ငြင်သာသာရှိလှသည်။ မျက်လုံး မှိတ်ထားသော်လည်း ပါးပြင်ပေါ်၊ နဖူးပေါ်၊ နူတ်ခမ်းပေါ်၊ ပြီးတော့ လည်ပင်း၊ ထို့နောက် ရင်ဘတ်များထိဆင်းလာသဖြင့် မိုးစက်ရင်တုန်လာသဖြင့် သူ့ကို မျက်နှာနီနီဖြင့်တားကာ
'အကို တော်ပါတော့ဗျာ။ ကျွန်တော် မနေတတ်တော့ဘူး။ တော်ပါတော့။ စကားပြောရ အောင်။ ခုံတန်းမှာ ထိုင်ပြောကြမယ်နော်။'
ဒေါက်တာနှင်းထန်လည်း ရင်ခုန်သံဆူညံလာသဖြင့် ကြာလျှင် မိမိစိတ်ကို မထိန်းနိုင် တော့မည်စိုးသဖြင့် မိုးစက်စကားကို လက်ခံပြီး နှစ်ယောက်သား ခုံတန်းတွင် ထိုင်ကာ
'မိုးစက် ကိုကိုတို့ ဟန်းနီးမွန်းထွက်ရင် လိုက်ခဲ့ရမယ်နော်။ ကိုကို စီစဉ်ပြီးပြီ။ '
မိုးစက်က သူ့ကို မျက်လုံးပြူးကြည့်ကာ
'ကျွန်တော်က အကိုတို့လင်မယား ဟန်းနီးမွန်းထွက်တာ ဘာလို့ လိုက်ရမှာလဲ။ ကျွန်တော့်မှာ ကောင်မလေးလဲ မရှိဘူး။ ရှိရင်တော့ ကောင်မလေးနဲ့ လိုက်ခဲ့ပါတယ်။'
နှင်းထန် သူ့လက်ကို ဖျစ်ညစ်ကာ
'ဘာပြောတယ်။ ကောင်မလေး ဟုတ်လား။ ရည်းစားထားချင်သေးတယ်ပေါ့လေ။'
မိုးစက်က ရယ်ကျဲကျဲဖြင့်
'ယောက်ျားလေးပဲ။ ရည်းစားထားချင်တာပေ့ါဗျာ။ အကိုကျတော့ မိန်းမယူပြီးတော့ ကျွန်တော်ကျတော့ ရည်းစားတောင် မထားရဘူးလား။'
မိုးစက်၏ စကားများက ဒေါက်တာနှင်းထန်၏နားထဲ သံရည်ပူလောင်းလိုက်သလို ပူ လောင်စွာ ၀င်သွားသဖြင့် မျက်နှာထားတင်းတင်းဖြင့်
'ကိုယ် လက်ထပ်တာ မင်းကြောင့်ဆိုတာ မင်းမမေ့နဲ့ မိုးစက်။ ကိုယ့်ကို မချစ်ချစ်လာ အောင် မင်းပဲ လုပ်ခဲ့တယ်။ မင်းကို ချစ်မိတော့ မင်းညီမနဲ့ လူစားထိုးဖို့ကြိုးစားခဲ့တယ်။ အေး... ကိုယ် မိုးပွင့်ကို လက်ထပ်တာ မင်းကိုယ့်ချစ်သူအဖြစ် တသက်လုံးဘေးမှာ နေ ပေးမယ်ဆိုလို့ ကိုယ်သဘောတူခဲ့တာ။ မင်းက ကိုယ်ချစ်သူ၊ မင်းကို ကိုယ်ပဲပိုင်တယ်။ မင်းကိုယ့်ကိုပဲ ချစ်ရမယ်။ ကိုယ်ကလွဲရင် ဘယ်ကောင်လေး၊ ဘယ်ကောင်မလေးကို မှ မချစ်ရဘူး။ '
မိုးစက်သည် သူ့လက်ကို အသာဖြေကာ လေပြေထိုးလိုက်သည်။
'အကိုကလည်း စိတ်ကြီးပဲ။ အကိုနဲ့ သဘောတူထားတာ ကျွန်တော်မမေ့ပါဘူး။ ကျွန်တော်က သဘောပြောတာပါ။ အကိုနဲ့ ညီမလေး ဟန်းနီးမွန်းထွက်တာ ကျွန်တော် လိုက်မရှူပ်ချင်လို့ပြောတာပါ။ ပြီးတော့ ကျွန်တော်ပါရင် အားလုံးက သံသယ၀င်သွား မှာပေါ့။ အကိုက ဘာလို့ ကျွန်တော့်ကို ခေါ်ချင်ရတာလဲ။'
နှင်းထန်က စိတ်ပြေသွားရပြန်သည်။ ချာတိတ်လေးက လုပ်လည်းလုပ်တတ်သည်။
'ကိုယ် ချာတိတ်ကို တရက်လေးမှ မခွဲနိုင်လို့ပေါ့ ကလေးရယ်။ပြီးတော့ ကိုယ်တို့လည်း ဟန်းနီးမွန်းထွက်သင့်တယ် ထင်လို့ပေါ့။'
မိုးစက် သူ့မျက်နှာက်ို နားမလည်ဟန်ကြည့်ကာ
' ဘာဆိုင်လို့ ကျွန်တော်တ်ို့ ဟန်းနီးမွန်း ထွက်ရမှာလဲ။ အကိုနဲ့ ကျွန်တော်က ချစ်သူ အဆင့်ပဲရှိသေးတယ်လေ။'
နှင်းထန်ကကောင်လေးကို ကျီစယ်လိုသောကြောင့် အတည်ပေါက်ဖြင့် ပြောလိုက်သည်။
'ကိုယ်က ချစ်သူအဆင့်ကနေ တဆင့်တက်ချင်တာကို ပြောတာ။ ချာတိတ်နဲ့ ချစ်သူ အဖြစ်နဲ့ တသက်လုံးမနေနိုင်ဘူး။ ချာတိတ်ကို ကိုယ်ပိုင်ဆိုင်ထားချင်တယ်။ ချာတိတ်ကို မပိုင်ရမချင်း ကိုယ် စိတ်မချနိုင်ဘူး။ ဘယ်လိုလဲ... ကိုယ်နဲ့ အတူနေဖို့..'
မိုးစက်၏ မျက်နှာရဲတွတ်သွားပြီး စိတ်ဆိုးသွားသည်။
'အကို မကောင်းဘူး။ ဘာတွေပြောနေတာလဲ။ သဘာဝကို မလွန်ဆန်ချင်ပါနဲ့ဗျာ။'
'ကိုယ်က သဘာဝကို လွန်ဆန်ချင်တယ်ဆိုရင်ကော... ဘယ်လိုလဲ.. မိုးစက်။'
မိုးစက် တကယ်စိတ်ဆိုးသွားပြီး ခုံတန်းမှ ထရပ်ကာ
'တော်ပြီ။ ကျွန်တော်သွားအိပ်တော့မယ်။ အကို ပေါက်ကရတွေပြောနေတယ်။'
နှင်းထန်က မိုးစက်၏ လက်ကိုလှမ်းဆွဲလိုက်စဉ် သူ့ပေါင်ပေါ်လဲကျသွားသည်။ သူက မိုးစက်၏ ကိုယ်လေးကို သိုင်းဖက်ကာ ကျောပြင်တွင်မျက်နှာအပ်ပြီး
'ကိုယ် မင်းကို စတာပါ။ ဒါပေမယ့် ကိုယ် မင်းကို စိတ်မချဘူး မိုးစက်လေး။ မင်းကိုယ့်ကို ကတိတခုတော့ပေးပါ။ ကိုယ့်အပြင် ချစ်သူမထားပါနဲ့။ မင်းဖြစ်ချင်တာ အားလုံး၊ မင်းရ ချင်တာအားလုံး ကိုယ်ဖြည့်ဆည်းပေးပါ့မယ်။ မင်းကို ကိုယ်ပြောမပြနိုင်အောင်ကို ချစ်မိပြီ မိုးစက်ရယ်။ ချစ်တယ်။ အရမ်းချစ်တယ်။ '
မိုးစက်သည် သူ့စကားကြောင့် ၀မ်းနည်းသလို ခံစားလိုက်ရသည်။ ငြိမ်သက်နေသော ရေပြင်ကို ကျောက်ခဲဖြင့်ပေါက်လိုက်မိသလို သူ့ဘ၀လည်း မိမိကြောင့် ဂယက်ထသွား ရလေပြီ။ သူ၏ ရင်ဖွင့်စကားကို ကြားသော် မိုးစက် ငိုချင်သွားသည်။ သူ့ကိုလည်း သနား သွားသည်။ မိုးစက် သူ့ဘက်လှည့်ကာ သူ့ကို ပြန်ဖက်ထားပြီး
'အကိုရယ်... တောင်းပန်ပါတယ်ဗျာ။ ကျွန်တော့်ကြောင့် အကို သဘာဝမကျတဲ့ အချစ် ပေါ်လာခဲ့တာ ကျွန်တော့်ကို ခွင့်လွှတ်ပါ။ ကျွန်တော်က တကိုယ်ကောင်းဆန်တဲ့သူပါ။ အကို ကျွန်တော့်ကို မုန်းလိုက်တာ အကောင်းဆုံးပါပဲ။'
ဒေါက်တာနှင်းထန်သည် မိုးစက်လေးကို ပြန်ဖက်ထားပြီး
'သဘာဝကျသည်ဖြစ်စေ မကျသည်ဖြစ်စေ ကိုယ်ကရုမစိုက်ဘူး မိုးစက်။ မင်းကို ချစ်မိခဲ့ တာ ကိုယ့်ဘ၀မှာ အပျော်ဆုံးဖြစ်ရပ်တစ်ခုပါ။ ကိုယ် မင်းကိုချစ်မိခဲ့လို့ ဘယ်တော့မှ နောင်တ မရဘူး။ ကိုယ် မင်းကို ဘယ်တော့မှ မမုန်းဘူး။ မင်းကို မချစ်ပါနဲ့လို့ တား လည်းကိုယ်က ချစ်နေမိမှာပဲ။ ဒါက မင်းနဲ့ကိုယ့်ရဲ့ ကံကြမ္မာပဲ။ ကိုယ်သေမှ မင်းကို ချစ်တာ ရပ်တန့်သွားမှာပဲ။ '
မိုးစက်သည် သူ့မျက်နှာက်ို လက်ဖြင့် ကိုင်ကြည့်ကာ
'အကို... ညီမလေးနဲ့ ကျွန်တော်က ရုပ်ရည်ချင်းအတူတူပါပဲ။ အကို အစွဲအလန်း မထား ပဲ ညီမလေးကို ချစ်ကြည့်ဖို့ ကြိုးစားကြည့်လိုက်ပါ။ အကို သူ့ကို ပိုချစ်မိသွားမယ်ဆိုတာ ကျွန်တော် သေချာပေါက်ပြောရဲတယ်။'
နှင်းထန်သည် မိုးစက်လေး၏ လက်ကို နမ်းရှိုက်ကာ
'မျက်နှာချင်းတူပေမယ့် နှလုံးသားခြင်းမတူဘူးလေ ချာတိတ်လေးရဲ့။ မင်း မချစ်ဖူးတော့ ဒါတွေ ဘယ်သိပါ့မလဲ။ ကိုယ် ချစ်တာက မင်းကိုလေ။ မိုးပွင့်ကို မဟုတ်ဘူး။ သူနဲ့မင်း တရုပ်တည်းဖြစ်ပါစေ ကိုယ့်နှလုံးသားက လက်မခံဘူး ကောင်လေးရဲ့။'
'အကို တကယ်ခေါင်းမာတယ်ဗျာ။ ကဲ.. ကျွန်တော့်ကို လွတ်တော့။ ကျွန်တော်သွား တော့မယ်။ ဖေဖေ ကျွန်တော့်ကို ရှာနေတော့မယ်။ '
'အင်း... နောက်ရက်လည်း ဒီအချိန်ပဲနော်။'
'အကို ကလည်းဗျာ။ နေ့တိုင်းမတွေ့ပါနဲ့။ လူတွေ ပိုများလာပြီဗျ။'
'မရဘူး။ မင်းမလာရင် မင်းအခန်းကို ကိုယ်လာခဲ့မယ်။ ဒါပဲ။'
'ကောင်းပါပြီဗျာ။ အခန်းတော့ မလာပါနဲ့။'
နှင်းထန် သည် မိုးစက်၏ ကျောပြင်လေးကို ငေးကြည့်ကာ ကျန်ရစ်ခဲ့သည်။ ကောင်လေး က မိမိကိုလုံးဝမချစ်သည်ကို သိသော်လည်း သူ့ညီမကြောင့် မိမိဘေးနေပြီး စကားနား ထောင်နေသည့်အဆင့်ဖြင့် လောလောဆည် ကျေနပ်နေရသည်။ မိမိကလည်း ကောင်လေးကို ချစ်သူလို ရိုးရိုးသားသားချစ်ချင်သေးသည်။ မိမိစလိုက်သဖြင့် မျက်နှာရဲ ကာ စိတ်ဆိုးသွားသဖြင့် ကောင်လေး၏ ဖြူစင်မှုကို သိလိုက်ရကာ ကျေနပ်သွားသည်။ မိုးစက်သည် မိုးပွင့်နှင့် အစစ အရာရာ ကွာလွန်းလှသည်။ နမ်းလည်းမနမ်းတတ်သလို ချွဲနွဲ့ခြင်းလည်းမရှိပေ။ စိတ်ထားဖြူစင်ကာ လိုချင်တပ်မက်မှုကင်းသော ကောင်လေးကို မိမိ လက်လွှတ်မခံနိုင်သည်မှာ မိမိ အလွန်တော့မဟုတ်ဟု ထင်ပါသည်။
မိမိ သူ့ကိုဒီလောက်ချစ်မိလျှင် သူနှင့်တွေ့ဖူးသည့် အခြားကောင်များကလည်း သူ့ကို ချစ်မိမှာသေချာသည်။ ဒေါက်တာနှင်းထန်တွေးရင်း ကိုရန်နိုင်ကို သတိရသွားပြီး ရင်ပူ သွားသည်။ မိုးစက်ဘက်က ရိုးသားသော်လည်း ကိုရန်နိုင်ဘက်က သံယောဇဉ် မကုန် သေးသည်ကတော့ အထင်းသာပေါ်လွင်နေသည်။ မိုးစက် ကိုရန်နိုင်နှင့် တွေ့သည်မှာ ရိုးမှရိုးရဲ့လားဟု တွေးကာ ပိုပြီး စိတ်ပူလာသည်။ မိမိဘေးမှ ချာတိတ်လေးကို သူများခိုး
သွားမည်ကိုပူနေရသည်။ထို့ကြောင့် ကိုရန်နိုင်နှင့်မိုးစက်၏ပတ်သတ်မှုကို ကျော်ခိုင်ထွန်း ထံမှတဆင့် စုံစမ်းခိုင်းမည်ဟု တေးထားလိုက်သည်။
'မင်း ကိုယ့်ကို မချစ်လို့ ကိုယ့်ရင်မှာ ပူလောင်နေရတယ် ကလေးရယ်။တရားဝင် ပိုင်ဆိုင် ခွင့်မရှိလို့လည်းပိုလို့စိုးရိမ်ရတယ်။မင်းကိုယ့်ဘေးမှာရှိဖို့ ဘာမဆိုကိုယ်လုပ်ဖို့ဝန်မလေး ဘူး ချာတိတ်လေး။ စိတ်မောလိုက်ရတာ မိုးစက်လေးရယ်။ ဒီလက်ထပ်ပွဲက မင်းနဲ့သာ ဆိုရင် ကိုယ်ဘယ်လောက်တောင်ပျော်လိုက်ရမလဲကွာ။ ခုတော့......'
ဒေါက်တာနှင်းထန်သည် ခုံတန်းရှည်တွင် တစ်ဦးတည်းထိုင်ရင်း အတွေးကမ္ဘာထဲ နစ်နေ သည်။
မိုးစက်သည် သူ့ကို ချွေးသိပ်ရင်း တနေ့ပြီးတနေ့ ရင်တဖိုဖိုနှင့် ဖြတ်သန်းလာခဲ့သည်။ ယခု အိမ်တွင် အကိုနှင်းထန်၏ ဖခင် ဦးမင်းထန်လည်း ရောက်လာပြီဖြစ်သဖြင့် အိမ်တွင် လူစည်လို့နေပြီ။ မိုးပွင့်ကတော့ ယောက္ခမလောင်းကို ရိုသေစွာဆက်ဆံပြီး လိုလေသေး မရှိပြုစုသဖြင့် ဦးမင်းထန်က ချွေးမကို အရမ်းသဘောကျနေသည်။
'မိုးပွင့်လေးက အရင်ကထက်ကို ပိုသွက်လာတယ်နော်။ စေ့စပ်တုန်းကထက် ပိုချစ်စရာ ကောင်းလာတယ်။ သားကြောင့် ပြောင်းလဲလာတာထင်တယ် သက်ထွန်း။ ဘယ်လိုလဲ မင်းကို အရင်က ပြောထားသလိုပါပဲ။ မင်းရဲ့ သမီးက နောက်ဆုံးငါ့သမီးဖြစ်ရမှာဆိုတာ'
ဦးသက်ထွန်းသည် သူငယ်ချင်း၏ စကားကို အပြုံးနှင့်တုန့်ပြန်ကာ
'အေးပါကွာ... ငါလည်း သားနှစ်ယောက်ရတာပေါ့။ မောင်နှင်းထန်က မင်းနဲ့လုံးဝ မတူပဲ မသဇင်နဲ့တူလို့ထင်တယ် ပို သဘောကောင်းသလိုပဲကွ။'
ဦးမင်းထန်သည် သူငယ်ချင်းစကားကြောင့် တဟားဟားရယ်ကာ
'မင်းက ငါ သဘောမကောင်းဘူးလို့ ပြောတာပေါ့လေ။'
'မင်းနဲ့ မတူတာပဲ ကောင်းပါတယ်ကွာ။ မဟုတ်ရင် မင်းလိုစွံလွန်းလို့ ငါ့သမီး ဓါးထမ်းပြီး နောက်က လိုက်နေရဦးမယ်။'
အဖိုးကြီး နှစ်ဦး လေပေးဖြောင့်ကာ တဟားဟား တ၀ါးဝါးဖြစ်နေကြသည်။ မိုးပွင့်က ဒေါ်လေး နှစ်ဦးဖြင့် တွတ်ထိုးနေသည်။ မိုးစက်က ဦးကြီးနှင့် အတူ စစ်တုရင်ထိုးနေစဉ် ဒေါက်တာနှင်းထန် အိမ်ထဲဝင်လာခဲ့သည်။ သူ့မျက်နှာကတည်နေပြီး တမျိုးဖြစ်နေ၏။
'မိုးစက်.... ကိုယ် ဖိတ်စာဝေစရာ ကျန်သေးလို့ မင်းကိုယ်နဲ့ အဖော်လိုက်ပေးပါလား။ ဦးကြီး ကျွန်တော် မိုးစက်ကို ခေါ်သွားမယ်နော်။'
သူ့မျက်နှာထားကြောင့် မိုးစက် စိတ်ထဲလေးသွားသည်။ သူမိမိကို ဘာကြောင့် စိတ်ဆိုး နေပါလိမ့်ဟုတွေးကာ သူနှင့် မလိုက်ချင်သဖြင့် ငြင်းလိုက်သည်။
'အကို .... မိုးပွင့်ကို ခေါ်သွားပါလား။ ကျွန်တော် မလိုက်ချင်ဘူး။'
'ဟာ ဒီကောင်လေး.... ဘာမှ အလုပ်မရှိပဲ ကိုယ့် အကိုကို အဖော်လုပ်ပေးတာ မဟုတ် ဘူး။ သွား လိုက်သွားလိုက်။'
ဆက်ပြောနေလျှင် မိုးပွင့် နှင့် ဖေဖေ သိသွားမည်စိုးသဖြင့် သူ့နောက်ကို လိုက်ခဲ့ရသည်။
သူ ဘာစကားမှမပြောပဲ မိုးစက်ကို တင်ပြီး ကားကို တရှိန်ထိုးမောင်းထွက်လာခဲ့သည်။ ကားလေးက မြို့ပြင်သို့ ဦးတည်ပြီး အရှိန်နှင့် ပြေးထွက်လာခဲ့သည်။
ဒေါက်တာနှင်းထန်သည် သူငယ်ချင်းထံမှ ဖုန်းရရခြင်း ဒေါသထွက်လွန်းလို့ ရူးမလိုခံစား ခဲ့ရသည်။ အင်မတန် ရိုးသားဖြူစင်သော မိုးစက်လေးက မိမိကို အကွက်ချကာ အရူးလုပ် ဖို့စီစဉ်ထားခဲ့သည်ကို မယုံနိုင်စရာ သိလိုက်ရသည်။ မိမိ၏ ချစ်သူအဖြစ်နေပေးမည် ပြောပြီး သူ့ညီမကို လက်ထပ်ခိုင်းကာ သူကတော့ အဆက်ဟောင်းအကူအညီဖြင့် အမေရိကားကို အလုပ်သွားလုပ်ရန်စီစဉ်ထားသည်တဲ့လား။
သူ့ညီမကို မိမိလက်ထပ်ပြီးသည်နှင့် သူက မိမိလက်က လွတ်အောင်ပြေးဖို့ကြံထား သည်ကိုသိတော့ ဒေါထွက်သည့်အပြင် ၀မ်းလည်းနည်းသွားသည်။ သူမိမိ အချစ်ကို လုံးဝ တန်ဖိုးမထားပါလား။ မိမိကတော့ သူ့ကို ချစ်လွန်းလို့ နွားကျကျပင် မချစ်သော မိန်းကလေးကိုပင် ဇနီးအဖြစ်ယူရန် ဆုံးဖြတ်ခဲ့သည်။ သူ့ကို ဖက်ရုံ၊နမ်းရုံအပြင် ဘာမှ မလုပ်ပဲ အလှကြည့်နေခဲ့သည်။ ဒါတောင် သူက မိမိကို ပြစ်ပြေးမည်ဆိုတော့ .....
'မိုးစက် ရေ ... မင်း တော့ လွန်သွားပြီလို့ ကိုယ်ထင်တယ်။ ကိုယ်မင်းကို အလွတ်မပေး နိုင်တော့ဘူး။မင်းကိုယ့်ကို မငဲ့တော့မှ ကိုယ်လည်း မင်းကိုမငဲ့နိုင်တော့ဘူး။ ကိုယ်လုပ်ချင် တာ ကိုယ်လုပ်တော့မယ်။'
ဒေါက်တာနှင်းထန်သည် မေးရိုးကိုတင်းနေအောင် အံကြိတ်ထားလိုက်ပြီး စိတ်ထဲမှ တယောက်တည်းပြောနေမိသည်။
မိုးစက်သည် သူမကြည်သည်ကို ရိပ်မိသဖြင့် ငြိမ်ငြိမ်လေးလိုက်လာခဲ့ရာမှ မြို့ပြင်သို့ ရောက်လာသောအခါမှ မိုးစက် သူ့ကို မေးလိုက်သည်။
'အကို့ သူငယ်ချင်းက ဘယ်မြို့မှာနေတာလဲ။'
'ဘယ်မြို့မှာမှ မနေဘူး။ ကိုယ်မင်းကို ခိုးလာတာ။'
'ဘာ.... အကို ဘာပြောလိုက်တယ်။'
မိုးစက် အလန့်တကြားမေးလိုက်သည်။သူ ဘာဖောက်လာတာလဲ ဟုတွေးမိသည်။
'ဟုတ်တယ်။ မင်း ကတိဖျက်ပြီး အမေရိကားကို ထွက်မသွားခင် မင်းကို ခိုးပြေးလာတာ။ မင်းညီမကို လက်မထပ်နိုင်တော့ဘူး။ ကိုယ်ချစ်တဲ့မင်းနဲ့ပဲ အတူနေတော့မယ်။ '
မိုးစက် တုန်လှူပ်သွားသည်။ သူ ဘယ်လိုသိသွားပါလိမ့်ဟု တွေးမိပြီး ပြဿနာတော့ အတုံးလိုက်တက်ပြီဟု သိလိုက်သည်။ မိုးစက် သူ့ကို ဖြောင့်ဖျရန်ကြိုးစားလိုက်သည်။
'အကို.... ဘယ်က ကြားလာတာလဲ။ မဟုတ်ပါဘူးဗျာ။ ကျွန်တော် အကို့ကို ထားမသွား ပါဘူး။ အိမ်ပြန်ကြစို့နော်... အကို။ လက်ထပ်ပွဲက တပတ်ပဲ လိုတော့တာ။ အားလုံး အရှက်ကွဲ ရလိမ့်မယ် အကိုရယ်။အိမ်ရောက်မှ အေးအေးဆေးဆေး ပြောရအောင်ပါဗျာ'
မိုးစက် သူ့လက်ကို လှမ်းကိုင်ကာ နှစ်သိမ့်ရန်ကြိုးစားသော်လည်း သူက ရယ်မောကာ
'တော်တော့ မိုးစက်။ မင်းကို အင်မတန်ရိုးသားတယ် လို့ကိုယ်ထင်ခဲ့တာ မှားတယ်။ မင်းက သိပ်ကို လှည့်စားတတ်တယ်။ မင်းကို ငါ ထပ်မယုံတော့ဘူး။ မင်းကို ရအောင် ယူမယ်။ ပြီးမှ အားလုံးကို ဖွင့်ပြောပြီး တရားဝင်လက်ထပ်မယ်။ တလောကလုံး ၀ိုင်းတား ကြပါစေ။ မင်းကို ကိုယ် ရအောင်လက်ထပ်မယ်။'
သူ မိုးစက်၏ လက်ကို ပုတ်ချကာ ဒေါသတကြီးပြောသည်။ မိုးစက် ခေါင်းပေါ်မှ ရေခဲရေ နှင့်လောင်းချခံလိုက်ရသလို ခံစားလိုက်ရသည်။ သွားပြီ။ သူ မိမိကို တကယ် စိတ်ဆိုး သွားပြီ။ သူထင်သလို လုပ်လို့မဖြစ်ပေ။အားလုံးအရှက်ကွဲကာ ဖေဖေလည်း တံတွေးခွက် ထဲ ပက်လက်မျောရလိမ့်မည်။
မိုးစက် သူ့လက်ကို လှမ်းဆွဲကာ အတင်းတောင်းပန်သည်။
'အကို... ကျွန်တော် တောင်းပန်ပါတယ်။ အိမ်ကိုပြန်ကြပါစို့နော်။ ကျွန်တော် ဘယ်မှ မသွားတော့ပါဘူး။ အကို့လေးမှာ တသက်လုံးနေပါ့မယ်။ လက်ထပ်ပွဲကို မဖျက်ပါနဲ့နော်။ ညီမလေးနဲ့ ဖေဖေ အရှက်ကွဲရလိမ့်မယ်။ ကျွန်တော် တကယ်ပြောတာပါ။ ကျွန်တော် ဘယ်မှ မသွားတော့ပါဘူး။'
နှင်းထန် ခါးသီးစွာပြုံးကာ
'နောက်ကျသွားပြီ မိုးစက်။ မင်း စကားကို ကိုယ်လုံးဝ မယုံနိုင်တော့ဘူး။ မင်းကို မပိုင်ရ မခြင်းကိုယ့် စိတ်တွေ မငြိမ်းချမ်းနိုင်တော့ဘူး။ မင်းကို ကိုယ်အရယူမယ်။ ပြီးမှ စကား ဆက်ပြောမယ်။'
နှင်းထန်ပြောရင်း ကားကို အရှိန်မြှင့်ကာ တဟုန်ထိုးမောင်းထွက်လာစဉ် မိုးစက် မျက်နှာ သွေးဆုတ်ဖြူယော်သွားအောင် ကြောက်သွားမိသည်။ မိုးစက် သွေးရူးသွေးတန်းဖြင့် သူ့ ကားလက်ကိုင်ကို အတင်းဆွဲကာ
'ဟင့်အင်း.. အကို အဲ့လိုလုပ်လို့ မရဘူး။ ကားကို ရပ်ပါ။ ကျွန်တော် လက်မခံနိုင်ဘူး။ ကျွန်တော် အကိုနဲ့ မလိုက်နိုင်ဘူး။ ကားကို အခုရပ်ပေး။ကျွန်တော် ဆင်းမယ်။'
'မင်းလက်မခံလည်း မရပ်နိုင်ဘူး။ မင်းကို ကိုယ်ခိုးလာခဲ့တာ။ မင်းကို လက်လွှတ်မခံနိုင် လို့ ကိုယ်ကားတင်ပြေးလာတာ ရှင်းပြီလား။ မင်းကို ကိုယ်တယောက်တည်းပိုင်ရမယ်။'
မိုးစက် ထူပူကာ သူ့ကို ထုရိုက်ကာ လက်ကိုင်ကို အတင်းဆွဲစဉ် သူက အော်သည်။
'မိုးစက် တော်တော့။ ကားမှောက်သေကုန်လိမ့်မယ်။ '
'သေ... သေ... ။ အရှက်တကွဲနဲ့ အသက်ရှင်ရမှာထက် သေတာပိုကောင်းတယ်။ အကို ကျွန်တော့်ကို တသက်လုံးလူတော မတိုးနိုင်အောင်လုပ်နေတာ။ ကျွန်တော် သေချင် တယ်။'
'ကိုယ်ကတော့ မသေချင်သေးဘူး။မင်းကို ပိုင်ဆိုင်ခွင့်ရချင်သေးတယ်။မင်းကို မရမချင်း ကိုယ်မသေနိုင်သေးဘူး။'
မိုးစက် ကားတံခါးကို ဖွင့်ရန်ကြိုးစားသော်လည်း တံခါးက လော့ခ်ချထားသဖြင့် ဖွင့်လို့မရ ပေ။ မိုးစက် ထူပူလို့လာသည်။ သူတကယ် မိမိကို ခိုးပြေးလာသည်ဆိုပါက ဆက်မတွေး ရဲတော့ပေ။
'အကို ကျွန်တော့်က ပြန်ပို့ပေးပါ။ မပို့ပေးရင် အကို့ကို ကျွန်တော်မုန်းမိတော့မယ်။'
ဒေါက်တာနှင်းထန်က ခပ်အက်အက်ရယ်မောကာ
'မင်း ဘယ်တုန်းကမှ ကိုယ့်ကို မချစ်ခဲ့ပါဘူး မိုးစက်။ မင်းညီမအတွက် ဟန်ဆောင်ခဲ့တာ ပါ။ မင်း အချစ်ကိုမရမယ့် အတူတူ မုန်းချင်လည်းမုန်းလိုက်တော့။ ကိုယ် ကတော့ မင်းကို ရအောင်ယူမယ်။'
မိုးစက် မျက်ရည်စီးကျလာသည်။ ရှက်ခြင်း၊ကြောက်ခြင်းတို့ဖြင့် မျက်ရည်က တားမရပဲ စီးကျလာခဲ့သည်။
'အကို... အရမ်း အတ္တကြီးတယ်။ ကျွန်တော့်ကို ချစ်တယ်ဆိုပြီး အနိုင်ကျင့်တယ်။ '
ဒေါက်တာနှင်းထန်သည် မိုးစက်၏ မျက်ရည်များကို မြင်သောအခါ စိတ်မကောင်းဖြစ်ပြီး လှမ်းသုတ်ပေးလိုက်စဉ် အရှိန်နှင့် မောင်းလာသော ကားလေးက အနည်းငယ်ယိမ်းခါ သွားသည်။ ထိုတခဏလေးတွင် မျက်နှာခြင်းဆိုင်မှာ ကုန်ကားကြီးတစ်စီးက ကျော်တက် သည်နှင့်ကြုံတော့ မျက်နှာချင်းဆိုင်တိုးမိစဉ် ဒေါက်တာနှင်းထန်က ကားလက်ကိုင်ကို လှည့်ကာ လမ်းဘေးသို့ဆွဲချလိုက်သည်။ အရှိန်ဖြင့် ကားလေးက လမ်းဘေးလယ်ကွင်း ထဲ နှစ်ပတ်သုံးပတ်လိမ့်ကာ ရပ်သွာတော့သည်။
မိုးစက် သိလိုက်ရသည်မှာ မိမိကို အကိုနှင်းထန် ကာပေးလိုက်ပြီး ကားမှောက်သွားခြင်း ဖြစ်သည်။ မိုးစက် သတိပြန်ရလာသောအခါ ဆေးရုံပေါ်ရောက်နေလေပြီ။
'ဖေဖေ... '
'သား မင်းသတိရပြီလား။ ဆရာ ...ဆရာ.. လူနာ သတိရလာပါပြီ။'
ဖေဖေ့ကို လှမ်းမြင်လိုက်ရပြီး ဆရာဝန်နှင့် သူနာပြု တစ်စု၏ ၀န်းရံခြင်းကိုခံလိုက်ရပြီး မေးခွန်းများစွာကို ဖြေလိုက်ရသည်။ ဆရာဝန်များက သေချာစစ်ဆေးပြီးမ
'လူနာ အခြေနေ အားလုံးကောင်းပါတယ်။ စိုးရိမ်စရာ မရှိပါဘူး။'
ဦးသက်ထွန်းသည် သားကို ပြေးဖက်ထားပြီး
'သားရယ်... မသေကောင်း မပျောက်ကောင်းကွယ်။ ကံကြီးပေလို့။ '
'ဖေဖေ... အကိုနှင်းထန်ကော။ သူ ဘယ်လိုနေလဲ။ သူ သားကို ကာပေးလိုက်တာ။ ကားမှောက်တဲ့အချိန် သူကာပေးလို့သား သက်သာတာနေမှာ။သူ့ အခြေနေဘယ်လို လဲ။ သူ ဘာမှ မဖြစ်ပါဘူးနော်။ '
ဦးသက်ထွန်းသည် မျက်နှာပျက်သွားပြီး
'သူ ဘာမှဆိုးဆိုးဝါးဝါးတော့ မထိခိုက်မိပါဘူး။ ဒါပေမယ့် မှန်စတချို့ဝင်သွားလို့ မျက်ကြည်လွှာ ထိခိုက်သွားတယ်လို့ပြောတယ်။ မျက်ကြည်လွှာ အစားထိုးမှ မျက်လုံမြင် ရတော့မယ် သား။'
မိုးစက်သည် ခုတင်ပေါ်မှ အတင်းဆင်းနေသဖြင့် ဦးသက်ထွန်းက
'သား.. မင်းဘယ်သွားမလို့လဲ။'
'ကျွန်တော် အကို့ကို တွေ့ချင်တယ် ဖေဖေ။ ညီမလေးကော။ ညီမလေး ဘယ်သွားလဲ'
ဦးသက်ထွန်း၏ မျက်နှာပြိုတော့မယ့် မိုးလိုမည်းသွားသည်။
'မိုးပွင့် တကယ် မိုက်တယ် သား။ မောင်နှင်းထန် မျက်စိမမြင်ရတော့ဘူးလည်းသိရော သူက လက်မထပ်နိုင်တော့ဘူးလို့ ပြောပြီး အိမ်ကထွက်သွားပြီ သား။ ဖေဖေ မင်းထန် ကို ဘယ်လိုပြောရမလဲ မသိတော့ဘူး။ '
မိုးစက် တုန်လှုပ်သွားသည်။ မိမိကြောင့် အကိုနှင်းထန် မျက်စိကွယ်သွားသည်။ မိုးပွင့်က သူ့ကို စွန့်ခွာသွားသည်တဲ့လား။ မိုးစက် မျက်ရည်များစီးကျလာပြီး ဖခင်ကြီးကို ဖက်ငို ကာ
'ဒါတွေ အားလုံးက ကျွန်တော့်ကြောင့်။ အကို့ဆီကို ကျွန်တော် သွားတွေ့ချင်တယ်. အကို့ဆီကို ပို့ပေးပါ ဖေဖေ။'
'သား ... မောင်နှင်းထန်က ဘယ်သူနဲ့မှ အတွေ့မခံဘူး။'
'ကျွန်တော့်ကို ပို့ပေးပါ ဖေဖေ။ ကျွန်တော့်ကို အကို အတွေ့ခံမှာပါ။'
ဦးသက်ထွန်း သည် သားကိုတွဲကာ မောင်နှင်းထန်၏ အခန်းသို့ပို့ပေးလိုက်သည်။ အခန်းထဲတံခါးကို ခေါက်လိုက်စဉ် ဦးမင်းထန် ထွက်လာပြီး
'မောင်မိုးစက် ဘာကြောင့်လာခဲ့တာလဲကွာ။ ခုမှ သတိရတာ မဟုတ်လား။ '
'ဦး.. ကျွန်တော် အကို နှင်းထန်နဲ့တွေ့ချင်လို့ပါ။ ကျွန်တော့်ကို တွေ့ခွင့်ပေးပါ။'
'အေးပါ။ သားကို တွေ့ပြီး မျက်စိခွဲစိတ်ဖို့ နားချလိုက်ပါဦးကွယ်။သားက မျက်လုံးခွဲစိတ် ဖို့ကိုငြင်းနေလို့ ဦးတော့ ဦးနှောက်ခြောက်နေရတယ်။ '
မိုးစက်သည် ဖခင်ဘက်သို့လှည့်ကြည့်ကာ
'ဦးနဲ့ ဖေဖေခင်ဗျာ။ အကိုနဲ့ ကျွန်တော့်ကို နှစ်ယောက်တည်း စကားပြောခွင့်ပေးပါ။ အကို့ကို မျက်လုံးခွဲစိတ်ဖို့ နားချချင်လို့ပါ။'
ဦးမင်းထန်နှင့် ဦးသက်ထွန်းက အခန်းထဲမှ ထွက်သွားလိုက်သည်။ အခန်းထဲသို့ မိုးစက် တစ်ယောက်တည်း ၀င်သွားလိုက်သည်။
~ ဆက်ရန်
