အချစ်စစ်၏ တည်နေရာ
Season (1)
အပိုင်း(၂၄)
မိုးစက်ကို နှင်းထန်ကြင်နာစွာပြုစုပေးသည်။ နံနက်စာများပြင်ဆင်ပေးပြီး အတူစားသောက်ကြသည်။ မိုးစက်သည် နံနက်စာစား၊ ဆေးသောက်ပြီးသည်နှင့် သူ့ကို အိမ်ပြန်ရန်တိုက်တွန်းသည်။
"အကို အိမ်ပြန်တော့ဗျာ။ ညီမလေး မျှော်နေတော့မယ်။"
"ချာတိတ်က ကိုယ့်ကိုနှင်တာလား။"
"နှင်တာမဟုတ်ပါဘူး။ အကိုနဲ့ကျွန်တော့် ဇာတ်လမ်းက အချိန်တိုမဟုတ်ဘူးလေ။ ဘယ်သူမှ မရိပ်မိ အောင်နေရမှာပေါ့။ ပြီးတော့ အကိုညက ကျွန်တော်နဲ့ အတူရှိပြီးသွားပြီ။ အခု ညီမလေးကို ပြန်ပြီး မျက်နှာလေး ပြပါအုံး။ "
မိုးပွင့်အကြောင်းပါလာသဖြင့် နှင်းထန် မျက်နှာပုပ်သွားသည်။ မိုးစက်က သူ့ရင်ခွင်ထဲတိုးဝင်ကာ ချော့သည်။
"အကို ကျွန်တော့် မျက်နှာကိုထောက်ပါအုံးနော်။ ညီမလေးကို မချစ်ရင်တောင် သူ့ကိုတွေ့ရင် ကျွန်တော့် မျက်နှာကို မြင်ယောင်ပေးပါ။ ညီမလေးကို ကြင်နာရင် အကိုလိုတာ အားလုံးလိုက်လျော ပါ့မယ်.။"
"မိုးပွင့်ကို မကြင်နာရင် ကိုယ့်ဆန္ဒကို မလိုက်လျောနိုင်ဘူးပေါ့.. ဟုတ်လား။"
"အကိုရာ... စကားကို မကပ်ပါနဲ့ဗျာ။"
"ကို်ယ်စကားကပ်တာမဟုတ်ဘူး။ ချာတိတ်ရဲ့ စကားကို အနက်ဖွင့်နေတာ.. ကိုယ်က ချုပ်ကိုင်ထား လို့ ကိုယ့်အလို လိုက်လျောနေတာထက် ချာတိတ်ကိုယ်တိုင်က ချစ်လို့လိုက်လျောတကိုပဲ လိုချင် တယ်။"
မိုးစက် သူ့စကား၏အဓိပ္ပါယ်ကို သိပါသည်။ မိမိကိုယ်တိုင်ကလည်း သူ့ကို ချစ်စပြုနေပါပြီ။ သူ့ကို ဖွင့်ပြောရမည်ကိုတော့ ရှက်မိသည်။ ယောက်ျားခြင်းချစ်မိသည်က ပုံမမှန်ဟု မိမိထင်သဖြင့် မိုးစက် လုံးဝ ဖွင့်မပြောရဲပါ။ မဖြစ်နိုင်ဟု ငြင်းဆန်သည့်ကြားမှ သူ့ကို ချစ်မိသွားသည်ကိုလည်း စိတ်ညစ်မိ သည်။ သူ့ရင်ခွင်ထဲရောက်တိုင်း ရင်ခုန်ကြည်နူးမိသည်ကိုလည်း အပြစ်ရှိသလိုခံစားရသည်။ ညီမလေးထံမှ လင်ခိုးသူဟု စွပ်စွဲမည့် စကားကိုလည်း မကြားဝံ့ပါ။ မိုးစက် သက်ပြင်းသာရှိုက်မိသည်။
နှင်းထန်သည် တွေဝေနေသော မိုးစက်၏ နူတ်ခမ်းလေးကို နမ်းရှိုက်ကာ တီးတိုးမေးလိုက်သည်။
"ကိုယ့်ကို နည်းနည်းလေးမှ မချစ်ဘူးလား ချာတ်ိတ်လေး။"
"အကို မနက်ကြီးကို လက်က ဘယ်တွေ ကိုင်နေတာလဲ။"
မိုးစက် မိမိကိုယ်ကို ကျူးကျော်ပွတ်သပ်နေသော သူ့လက်များကို ဆွဲဖယ်ကာ ပြောလိုက်သည်။ သူက နားရွက်ဖျားကို ဖွဖွကိုက်ကာ
"ချစ်လား... မချစ်ဘူးလားပြော။"
"မချစ်ဘူးဗျာ။"
"ဟုတ်လား။ ဒါဆို ချစ်လာအောင်လုပ်ရသေးတာပေါ့။"
သူက မိုးစက်ကို အိပ်ယာထက် တွန်းလှဲလိုက်သဖြင့် မိုးစက် အလန့်တကြားလေးဖြစ်သွားပြီး
"အကို မလုပ်နဲ့။ ညက အကိုကြမ်းထားတာ နာနေတယ်။"
"လုပ်မှာပဲ။ ကိုယ့်ကို မချစ်တဲ့သူကို အပြစ်ပေးရမယ်.. လာ။"
"အကို့ကို ချစ်ပါတယ်"
မိုးစက် မျက်နှာကို လက်နှင့်အုပ်ကာ တိုးတိုးပြောလိုက်သည်။ နှင်းထန်သည် မိုးစက်၏ လက်ကို အတင်းဖယ်ပြီးမေးလိုက်သည်။
"ဘာပြောလိုက်တယ်။ ကိုယ်မကြားလိုက်လို့။"
မိုးစက်သည် ပြုံးနေသော သူ့မျက်နှာကိုကြည့်ကာ ရှက်သွားပြီး
"ဘာမှ မဟုတ်ဘူး။ အကို့ကို မုန်းတယ်လို့ပြောတာ။"
"ချစ်တယ်လို့ ကြားလိုက်သလိုပဲ။ ချာတိတ်ကိုယ့်ကို ချစ်တယ် ဟုတ်လား။"
သူ့စကားကြောင့် မိုးစက်၏ မျက်နှာတစ်ခုလုံး အခိုးတရှိန်ရှိန်ထွက်နေသလို ခံစားလိုက်ရသည်။ သူ့မျက်နှာကို မကြည့်ဝံ့စွာ အကြည့်လွဲထားလိုက်မိစဉ် သူက သဘောကျစွာ ရယ်မောကာ မိုးစက် ၏ ကိုယ်လေးကိုဖက်ကာ နဖူးကို ကြင်ကြင်နာနာနမ်းလိုက်ပြီး
"ကျေးဇူးတင်ပါတယ် ချာတိတ်လေး။ ကိုယ့်ကို ချစ်ပေးလို့ ကျေးဇူးပါကွာ။ မင်းက ကိုယ့်ဘ၀ရဲ့ မီးရှူးတိုင်ပါ။"
မိုးစက်သည် သူ၏ စကားကြောင့် သူ့ရင်ခွင်ထဲတိုးဝင်ကာ ရင်ဘတ်ကို မျက်နှာအပ်ကာ ငြိမ်နေလိုက် သည်။ သူများတွေ ပြောသလို ချစ်သူ့ရင်ခွင်သည် လုံခြုံနွေးထွေးသည်ကို မိုးစက် ကောင်းစွာလက်ခံ သွားလေပြီ။ သို့သော် ညီမလေး၏ ခင်ပွန်းကိုချစ်ရသည်ဖြစ်တော့ ရင်ဝယ် တထိတ်ထိတ်တော့ဖြစ် မိသည်။
"အကို ပြန်တော့နော်။ "
နှင်းထန်သည် တောင်းတောင်းပန်ပန်ပြောနေသော ချာတိတ်လေး၏ မျက်ဝန်းကို မကြည့်ရက်တော့ သဖြင့် အိမ်သို့ပြန်လာခဲ့သည်။ ဘာပဲဖြစ်ဖြစ် မိုးစက်၏ အချစ်ကို ပိုင်ဆိုင်ရပြီဖြစ်သောကြောင့် စိတ် ချမ်းသာစွာ အိမ်ထဲဝင်ခဲ့သည်။
နှင်းထန်နှင့် ဆန့်ကျင်ဘက်ဖြစ်နေသူက မိုးပွင့်ဖြစ်သည်။ ည မိမိကို သူ့ဒယ်ဒီက အရင်ပြန်လွှတ်
လိုက်စဉ် တီးတိုးမှာကြားလိုက်သည်။
"သမီး။ ည သားပြန်လာရင် ကောင်းကောင်းပြုစုလိုက်ပါ။ ဒီည သမီးဆီကို သူလာလိမ့်မယ်။"
မိုးပွင့် ၀မ်းသာစွာ အိမ်ပြန်လာပြီး ဆွဲဆောင်မှုရှိမည် ထင်ရသော ညအိပ်ဝတ်စုံကို ရွေးဝတ်ကာ အသင့်စောင့်နေခဲ့သည်။ သို့သော် သူမိုးလင်းပိုင်းအထိ ပြန်မလာခဲ့ပါ။ မိုးပွင့် အိပ်ပျော်လိုက်၊နိုးလိုက် ဖြင့် သူ့ကို စောင့်နေခဲ့သည်။ မနက် ၉ နာရီထိုးမှ သူပြန်လာခဲ့သည်။ လောကကြီးတခုလုံးကို အပိုင်ရ ထားသူလို အောင်မြင်သူ ခြေလှမ်းများဖြင့် မိုးပွင့်မျှော်နေရသော ချစ်လင်ကြီးလာခဲ့ပါပြီ။ မိုးပွင့်သည် သူ့ကို စိုက်ကြည့်နေသော်လည်း သူက ကရုပင်မစိုက်ပဲ အိမ်ပေါ်တန်းတက်သွားသည်။
"ကိုကို ညက ဘယ်မှာအိပ်တာလဲ။ မိုး ကိုကို့ ကို တညလုံး စောင့်နေတာ။"
နှင်းထန်သည် သူမကို အရွဲ့တိုက်ပြောမည်ပြုပြီးမှ မိုးစက်ကို သတိရသွားပြီး ပြုံးကာ
"ဆောရီးမိုး။ ကိုကို ဖုန်းဆက်ဖို့မေ့သွားလို့။ ညက ကိုကို့ မိတ်ဆွေတစ်ယောက်ဆီမှာ ၀င်ရင်း ညဥ့်နက်သွားလို့ အဲ့မှာပဲ အိပ်လိုက်တာ။ မိုးက ဘာလို့စောင့်နေတာလဲကွာ။ အိပ်ရေးပျက်သွားတာ ကိုကို တောင်းပန်ပါတယ် ဟုတ်ပြီလား။ ဒေါ်ပို ကျွန်တော့် မိန်းမကို အားရှိတာလေး ချက်ကျွေးပေး ပါဦး။ မိုးလေးက ကျွန်တော့် မျိုးဆက်ကို မွေးပေးမယ့်သူ။ သေချာကရုစိုက်ပေးပါဗျာ။"
နှင်းထန်က နံဘေးတွင် အကဲခတ်နေသော ဒေါ်ပိုကိုပါ တခါတည်းမှာကြားလိုက်သည်။ ဒေါ်ပိုက တော့ သဘောရိုးဖြင့်ပြောသည်ထင်ကာ မမလေး မိုးပွင့်ကိုယ်စား ၀မ်းသာသွားပြီး
"စိတ်ချပါ မောင်နှင်းထန်။ မိုးလေးကို ဒေါ်ပို ကရုစိုက်ပြီး ချက်ကျွေးပါ့မယ်.။"
"ကဲ...မိုးလေး။ အေးဆေးနားလိုက်ဦးနော်။ ကိုကို အလုပ်သွားအုံးမယ်။ အားမွေးထားလိုက်နော်။ ကိုကို့အတွက် သားသားမီးမီးလေးတွေ များများမွေးပေး ဟုတ်ပြီလား။"
မိုးပွင့်သည် မိမိကို တမင် အရွဲ့တိုက်ပြောသွားသော သူ့ကို ငေးစိုက်ကြည့်ကာ ဧည့်ခန်းတွင် ကျန်ရစ်
ခဲ့သည်။ ဒေါ်ပိုကတော့ သူ့စကားကို အဟုတ်ထင်ကာ မိမိကို ဘာစားချင်သလဲဟုမေးနေသည်။ မိုးပွင့်သည် သူ ညက မိုးစက်ထံ သွားအိပ်သည်ကို သေချာသိသွားသည်။ သူ့မျက်ဝန်းက သိပ်ကို အားရကျေနပ်ပုံပေါ်နေသည် မဟုတ်လား။ မိုးပွင့်သည် သူ မိုးစက်ကို ဘယ်နေရာတွင် ထားသည်ကို သိအောင် စုံစမ်းမည်ဟု ဆုံးဖြတ်လိုက်သည်။ မိုးစက်ကို တွေ့လျှင် ဘာကြောင့် မိမိနှင့် သူ့ကြား ၀င်ဝင် ရှူပ်သည်ကို သိအောင် တခါတည်းမေးလိုက်မည်။
"မိုးလေး... မောင်နှင်းထန် ကို ဗွေမယူပါနဲ့။ သူက မိုးလေးကို တဖြည်းဖြည်း ကရုစိုက်လာပါပြီ။ သူ က တခုခု စိတ်ညစ်စရာရှိလို့နေမှာပါ။ သူ့အပေါ် စိတ်ရှည်ပေးပါကွယ်။"
မိုးပွင့် ဘာမှ ဆက်မပြောချင်သဖြင့် ခေါင်းညိမ့်ကာ မိမိအခန်းထဲ သို့ဝင်ကာ တရေးအိပ်ရန်ကြိုးစား လိုက်သည်။ မိမိ စိတ်ဓါတ်ကျလို့မဖြစ်ပေ။ အားမွေးထားရမည်။ မိုးစက် လက်ထဲမှ သူ့ကို မိမိရ အောင် ပြန်လုရဦးမည်။ မိုးပွင့်သည် အိပ်ယာထက်တွင် လှဲလိုက်သော်လည်း တော်တော်နှင့် အိပ်မ ပျော်သဖြင့် အိပ်ဆေးသောက်က အိပ်လိုက်သည်။ အိပ်မက်ထဲတွင် မိုးစက် နှင့် မိမိငယ်စဉ် ကလေး ဘ၀က စိန်ပြေးတမ်းကစားနေသည်ကို မက်ကာ အိပ်လျက်နှင့် မျက်ရည်များ စီးကျလာသည်။ ငယ်စဉ်ကလေးဘ၀ကို ပြန်ရချင်သေးသည်။
မိုးစက်သည် ၀သုန်ထံသို့ထွက်လာခဲ့သည်။ ၀သုန်သည် သူငယ်ချင်းကို ပြေးဖက်ကာ ၀မ်းသာ ၀မ်းနည်းဖြစ်ပြီး မျက်ရည်ပင်စို့လာသည်။
"မိုးစက် ... မင်း ငါ့ကြောင့် နွံနစ်ပြန်ပြီ။ ငါ မင်းကို ဘယ်လိုတောင်းပန်ရမှန်း မသိတော့ပါဘူး။"
မိုးစက် သူ့ကို ပြန်ဖက်ထားကာ
"ဒါ ငါ့ ကံကြမ္ပ္မာဖြစ်လိမ့်မယ်ထင်တယ် ၀သုန်။ ငါ သူ့ကို ချစ်မိနေပြီထင်တယ်။"
ဝသုန်လန့်သွားပြီး သူငယ်ချင်းကို တွေတွေကြီးကြည့်ကာ
"မင်း... မင်း ဘယ်လိုဖြစ်သွားတာလဲ မိုးစက်။ မင်းက ယောက်ျားစစ်စစ်ပါကွာ။"
"အခုလည်း ယောက်ျားစစ်စစ်ပါ။ ဒါပေမယ့် ဘာကြောင့် သူ့အပေါ် ခံစားချက်ရှိသွားတယ်ဆိုတာ ငါ မသိတော့ဘူး။ ပြီးတော့ သူက ညီမလေးရဲ့ ယောက်ျားလေ။ ငါ ရူးပြီထင်တယ် ၀သုန်။"
ဝသုန် ဘာမှဆက်မပြောနိုင်တော့ပေ။ သူငယ်ချင်းကိုသာ ဖက်ပြီး မျက်ရည်ကျနေမိသည်။ ၀သုန်၏ မျက်ရည်ကိုတွေ့သော် မိုးစက် ပျာပျာသလဲဖြင့် အာရုံပြောင်းရန် နောက်လိုက်သည်။
"ဟာ... ဟေ့ကောင် မငိုနဲ့လေကွာ။ ငါ မသေသေးပါဘူုး။ အလတ်ကြီးရှိသေးတယ်။ ဘာလဲ။ မင်း ကောင်မလေး လင်နောက်လိုက်ပြေးလို့လား။ ဒါဆို ငါပြန်လိုက်ခိုးပေးပါ့မယ်။"
ဝသုန်သည် မိုးစက် ပေါက်တတ်ကရပြောသည်ကို ကြားသော် မနေနိုင်တော့ပဲ ဆဲကာ မျက်ရည်သုတ် ပြီး ပုခုံးကို မနာအောင်ထိုးကာ
"အေး... လင်နောက်လိုက်ပြီးသား ကောင်မလေးကို မင်းပဲယူ။ မင်းလုပ်တာနဲ့ ငါ့ ဖီးလ်တောင် ဘယ်ပျောက်သွားပြီလဲ မသိဘူး။ လဒ။ ဒီလို အခြေအနေမှာတောင် ပျော်နေနိုင်သေးလား မိုးစက်ရာ"
"ပျော်တော့ ဘယ်ပျော်မလဲ ၀သုန်ရာ။ ဒါပေမယ့် ငိုနေလို့လည်း ပြီးသွားမယ့် ကိစ္ပ္စမှ မဟုတ်တာ။ ဒီလိုပဲ ပျော်အောင်နေရတော့မှာပေါ့။"
မိုးစက်သည် ၀သုန့်ဘေးတွင် ၀င်ထိုင်ရင်း အကြာကြီး ငြိမ်နေပြီးမှ နောင်တရစွာပြောသည်။
"မင်းပြောတာမှန်တယ် ၀သုန်။ ငါ အစကတည်းက သူ့ဘေးကို မသွားသင့်ဘူး။ ငါ ကိုယ့်ကိုယ်ကို စိတ်ခိုင်မယ် ထင်ထားခဲ့တာ။ ကိုရန်နိင်ကို ပြောခဲ့မိတာ ၀ဋ်လည်ပြီထင်တယ်။"
ဝသုန်သည် သူငယ်ချင်းဖြစ်သူ အားငယ်ကာ နောင်တရ ညှိုးငယ်နေပုံကိုတွေ့တော့ စ်ိတ်မကောင်း ဖြစ်မိသည်။ ထို့ကြောင့် မိုးစက်ကို အားပေးလိုက်ရသည်။
"မဆိုင်ပါဘူးကွာ။ မင်းနဲ့ အကိုနှင်းထန်ရဲ့ ဖူးစာလို့ပဲ ပြောရမှာပဲ။ ဒါနဲ့ မင်းညီမ မင်းပြန်ပါလာတာ သိသလား။ "
"မသိဘူးထင်ပါတယ်။ သိရင် သူငါ့ကို လာဆဲပြီပေါ့။ အကို့ကိုတော့ တတ်နိုင်သလောက် ချော့ပြော နေရတယ်။ မိုးလေးနဲ့ ကလေးရရင် ငါကျေနပ်ပါတယ်။ ကလေးရရင် သူ မိုးလေးကို ချစ်သွားမှာပါ။"
"ဒီလိုဖြစ်ပါစေလို့ ဆုတောင်းရမှာပဲ။ ကဲ ဒါတွေထားလိုက်ပါတေ့ာကွာ။ ငါတို့ အပြင်ထွက် တခုခု စားကြတာပေ့ါ။"
"ဖြစ်ပါ့မလား။ အကိုနှင်းထန်သိရင် မင်းကို ပြောနေဦးမယ်။ သူက မင်းနဲ့ငါ အတူသွားတာကို သိပ် မကြိုက်ဘူးကွ။"
"ရပါတယ်။ ငါ သူ့ကို ပြောထားပြီးသားပါ။ မင်းနဲ့ငါက ညီအစ်ကိုတွေဆိုတာ။ "
ဝသုန် ဘာမှ ဆက်မပြောတော့ပဲ မိုးစက်နှင့်အတူ အပြင်သို့ထွက်လာခဲ့သည်။ သူငယ်ချင်းကို ၀သုန် အဖော်လုပ်ပေးရင်း ကိုနှင်းထန်နှင့် မိုးစက်၏ အချစ်ကို တွေးကာ အံ့သြနေမိသည်။ ယခင်က အကို နှင်းထန်သည် မိန်းကလေးများဖြင့်သာ နာမည်ထွက်သူဖြစ်သည်။ မိုးစက်သည်လည်း မိမိကဲ့သို့ လူငယ်ပီသစွာ မိန်းကလေးများကို ငမ်းရင်း ကြီးပြင်းလာသူဖြစ်သည်။ သူတို့နှစ်ယောက်ဆုံမိမှ ဒီလို ဖြစ်သွားသည်ဆိုတော့ ဖူးစာပဲပြောရတော့မည်။
နှင်းထန်သည် အလုပ်မှပြန်သောအခါ အိမ်သို့တန်းမသွားပဲ မိုးစက်ထံသို့ဝင်ကာ ညစာ အတူစားကြ သည်။ ညစာစားပြီးတော့ သူက ဖောက်လာပြန်သည်။
"ကိုယ် ဒီည ချာတိတ်နဲ့ အတူအိပ်မယ်။"
မိုးစက် သောက်လက်စ ရေပင်သီးသွားသည်။ သူက မိုးစက်၏ ကျောက်ို နှိပ်ပေးကာ
"ချာတိတ်ကလည်းကွာ။ ကိုယ် ညအိပ်မယ်ပြောတာနဲ့ ရေတောင်သီးရလား။ ဘာလဲ။ကိုယ့်ကို မရှိစေ ချင်တာလား။ "
"အကိုက ဆိုးပြီဗျာ။ ဘာကြောင့်လဲ ဆိုတာ သိလျက်နဲ့။ အိမ်ပြန်အိပ်ပါ။ ကျွန်တော် အကိုနဲ့ အတူ ရှိနေပြီပဲ။"
"ကိုယ် ညတိုင်း ချာတိတ်ကို ဖက်အိပ်ချင်တယ်။"
"အကိုရယ်။ တိတ်တိတ်ပုန်းဇာတ်လမ်းက ဒီလိုနေလို့ ဘယ်ရမလဲ။"
မိုးစက်၏ စကားကြောင့် နှင်းထန် ခံရခက်သွားသည်။ အမှန်တရားက နားခါးလွန်းလှသည်။
"ကိုယ်က တိတ်တိတ်ပုန်း မနေချင်တော့ဘူး။ မင်းကို ပွင့်ပွင့် လင်းလင်းချစ်ချင်တယ်။ ရှုပ်တယ်။ မင်းညီမကို ကွာရှင်းပြီး မင်းကို တရားဝင် လက်ထပ်မယ်ကွာ။"
သူကပြောရင်း ဖောက်လာသဖြင့် မိုးစက်လန့်လာသည်။ သူတကယ်လုပ်လိုက်မှဖြင့် မိမိ သာမက ဖေဖေပါ အရှက်လုံးလုံးကွဲရချေတော့မည်။
"အကိုနော်။ ကျွန်တော် ငိုချင်လာပြီ။ အကို့ကိုချစ်တယ် ပြောမှ အကိုက ဆိုးပြီ။ ကျွန်တော့်ကို မနှိပ် စက် ပါနဲ့ဗျာ။"
"မင်းကို ချစ်တာက နှိပ်စက်ရာကျနေသလား မိုးစက်။"
သူစိတ်ထိခိုက်စွာပြောတော့ မိုးစက် စိတ်မကောင်းဖြစ်ရပြန်သည်။
"မဟုတ်ပါဘူး အကို။ ကျွန်တေ်ာက အားလုံး အဆင်ပြေစေချင်လို့ပြောတာပါ။ အကို့အချစ်ကို ပိုင်ဆိုင်ရတာ ကျွန်တော် အရမ်းပျော်ပါတယ်။ တကယ်ပြောတာပါ။ အကို့ကိုလည်း အကို့ဒယ်ဒီ နဲ့ ပြဿနာ မဖြစ်စေချင်ဘူး။ ဒါကြောင့် အကို အိမ်ကို ပုံမှန်ပြန်ပါလို့ ကျွန်တော် ပြောနေတာပေါ့။"
နှင်းထန် သက်ပြင်းရှိုက်လိုက်မိသည်။ အင်မတန်ကို လိမ္မာကာ တဖက်သားကို စဉ်းစားပေးလွန်းသော ချစ်သူလေးကို မြတ်နိုးစွာ ဖက်ကာ
"အဲ့ဒီစိတ်လေးကြောင့် ချာတိတ်ကို အရမ်းချစ်ရတာပေါ့။ ကဲ.. ကိုယ် ပြန်ပါ့မယ်။ မပြန်ခင် လာပါအုံး။ ချာတိတ်လေးကို ချစ်ပါရစေ။"
"အကိုကလည်းဗျာ။ တခါတလေ ဘာမှ မပြုပဲပြန်ကြည့်ပါအုံး။"
"မရဘူး။ ညစာလေးမှ မစားရရင် ကိုယ် ညဘယ်အိပ်လို့ပျော်ပါ့မလဲ။"
"အကိုနော်။ ည ညီမလေးရှိရဲ့နဲ့၊ နှာဗူးကြီး။ မောင်နှမ နှစ်ယောက်လုံးကို စားချင်နေတယ်ပေါ့။"
"နှာဗူးကြီးလို့ခေါ်တော့ နှာဗူးပြရတာပေါ့.. လာ..."
"ဟာ.. အကို..."
မိုးစက် စကားဆက်မဆိုနိုင်အောင် သူပြုစားလိုက်ပြန်သည်။
ဒီလိုနှင့် သူ့အချစ်ထောင်ထဲ ၁လကြာ ပိတ်မိပြီးနောက် တစ်ညနေတွင် သူနှင့် အတူရှိခိုက် ဘဲလ် မြည်လာသဖြင့် မိုးစက် သူနှင့် အတူဇာတ်ကားကြည့်နေရာမှ တခါးထဖွင့်ပေးလိုက်သည်။ မိမိက ၀သုန် လာသည်ထင်ပြီးဖွင့်ပေးလိုက်စဉ် တံခါးဝတွင် မိုးပွင့်ကို တွေ့လိုက်ရစဉ် မိုးစက် ရင်ထိတ် သွားသည်။
"မိုးလေး .."
"ဖြန်း.."
မိုးစက် ဘာမှ ရှင်းပြချိန်မရသေးခင် မိုးစက်က မိမိပါးကို ရက်ရက်စက်စက် ရိုက်ချလိုက်သဖြင့် ပါးတဖက် ထူပူသွားသည်။ မိုးစက်သည် ညီမရိုက်သဖြင့် အသားနာသွားသည်ထက် အကိုနှင်းထန် ရှိနေသဖြင့် သူသိသွားလျှင် ညီမလေးနှင့် ပြဿနာတက်မည်ကို စိုးရိမ်ကာ သူမလက်ကို ဆွဲကာ အခန်းအပြင်သို့ ထွက်ရန် ကြိုးစားသည်။
မိုးပွင့်သည် မိမိခင်ပွန်းနောက်ကို လိုက်ချောင်းရင်း သူဝင်သွားသည့် ကွန်ဒိုတံခါးဘဲလ်ကို နှိပ်လိုက် စဉ် မိုးစက်ကို တွေ့လိုက်သည်နှင့် စိတ်မထိန်းနိုင်တော့ပဲ ပါးကို ရိုက်ချလိုက်သည်။ မိုးစက်က လာမှ မပြောပဲ မိမိလက်ကို ဆွဲကာ အခန်းပြင်ကို အတင်းခေါ်နေသဖြင့် မိုးပွင့် လက်ကို ခါချကာ
"မိုးစက် နင် အရှက်မဲ့လှချည်လား။ နင် ငါ့ ယောက်ျားကို ခိုးရဲတယ်။ နင် ကတိဖျက်တယ်။ နင် ငါ့ကို ဘယ်လို ကတိပေးပြီး သူ့ဘေးကို လာခိုင်းခဲ့တာလဲ။ နင် အဲ့လောက် ယောက်ျားရှားနေသလား ဟင် မိုးစက်။ ငါ့ကို ပြောစမ်းပါ။ "
"မိုးလေး.. အပြင်မှာ ပြောရအောင်။"
မိုးစက် သူမပါးစပ်ကို လှမ်းပိတ်ကာ အခန်းပြင်ကို ခေါ်ရန်ကြိုးစားလေ သူမက ခါးခါးသီးသီးဖြစ်ကာ
"နင် ငါ့ အသားကို မထိနဲ့။ နင့်ကို မုန်းတယ်။ နင် လူယုတ်မာ။ ငါ ချစ်တဲ့ယောက်ျားကို မြူဆွယ် တယ်။ နင့်ကို လုံးဝခွင့်မလွှတ်ဘူး။"
"မိုးလေး.. အထဲမှာ အကိုရှိတယ်။ လာပါ။ သူသိသွားလိမ့်မယ်."
"ဘာလဲ။ သူရှိတာနဲ့ ငါက ရှောင်ထွက်သွားရမှာလား။ ဝေးသေးတယ်။"
မိုးစက် သည် သက်ပြင်းချကာ သူမကို အတင်းအပြင်ဆွဲခေါ်သောအခါ မိုးပွင့် မိုးစက်၏ ပါးကို နောက် တဖက်ထပ်ရိုက်လိုက်ပြန်သည်။ တချက်နှင့် အားမရသောကြောင့် နောက်တဖက်ကို ထပ်ရိုက်မည် အပြု လက်တဖက်က မိုးပွင့်၏ လက်ကိုဆုပ်ကိုင် တားဆီးကာ နောက်ကိုတွန်းလွှတ်လိုက်သဖြင့် မိုးပွင့် ယိုင်သွားသည်။
"မိုးပွင့် ... တော်လောက်ပြီ။ မင်း အကိုကို ဘာကြောင့်ရိုက်ရတာလဲ။"
မိုးပွင့်သည် ခက်ထန်မာကြောစွာဖြင့် မိမိကို စိုက်ကြည့်ကာ တင်းမာစွာပြောနေသော ကိုကို့ကို ကြည့်ကာ ရင်ဝယ် နာကျင်ခြင်း၊ ခံပြင်းခြင်းတို့ တားဆီးမရ ထွက်လာသဖြင့် အရွဲ့တိုက်ကာ ပြော လိုက်သည်။
"ကျွန်မ ယောက်ျားမှာ တိတ်တိတ်ပုန်းရှိလို့ လိုက်ချောင်းတာလေ။ အခု လက်ပူးလက်ကြပ်မိလို့ လင်ခိုးတဲ့သူကို ဆုံးမနေတာ။"
"မင်း ဘာစကားပြောတာလဲ မိုးပွင့်။ မိုးစက် က မင်းလင်ကို ခိုးတယ် ဟုတ်လား။"
မိုးစက်သည် ညီမ၏ ရင့်သီးသော စကားကိုကြားသော် ရင်ကိုခွဲကာ ဆားနှင့်ပက်ခံရသည့်ပမာ ခံစား လိုက်ရသည်။ ပြီးတော့ သူမ၏ စကားများက အကိုနှင်းထန်၏ ဒေါသကိုဆွပေးရာကျသဖြင့် မိုးစက် ၀င်တားရန်ကြိုးစားလိုက်သည်။
"အကို တော်ပါတော့။ မိုးလေး.....တော်ပါတော့။ အိမ်ပြန်ပါတော့။ ငါ တောင်းပန်ပါတယ်။"
"နင် ပါးစပ်ပိတ်ထား မိုးစက်။ ငါ့ကို ဘာလုပ်ပါလို့် နင်ပြောစရာမလိုဘူး။"
နှင်းထန်သည် မိုးပွင့်ကို စိုက်ကြည့်ကာ
"မင်းပြန်တော့ မိုးပွင့်၊ ကျုပ်ဒီည ဒီမှာအိပ်မှာ။ မင်းကို ကျုပ်အပြတ်ပြောလိုက်မယ်။ မင်း ကျုပ်ချစ်သူ ကို နောက်တခါ လက်ဖျားနဲ့ ထိရဲရင် ထိကြည့်လိုက်။ မင်းကို ကျုပ်လုံးဝ မညှာဘူး။ အခု ကျုပ်ရှေ့ ကနေ ထွက်သွားတော့။ "
"ကိုကို မပါရင် ကျွန်မ မပြန်နိုင်ဘူး။ "
နှင်းထန်၏ နားထင်သွေးကြောမှာ သွေးတဒိတ်ဒိတ်တိုးလာသလို ခံစားလိုက်ရသည်။ မိုးစက်က နှင်းထန်၏ လက်ကိုဆွဲကာ သတိပေးလိုက်သည်။ နှင်းထန် မိုးစက်၏ အသနားခံနေသော မျက်နှာ လေးကိုငုံ့ကြည့်ကာ စိတ်ကို ထိန်းလိုက်သည်။
"မင်းပြန်တော့ မိုးပွင့်။ ပြီးရင် ကျုပ်လာခဲ့မယ်။ အေး မင်း ကျုပ်စကားကို နားမထောင်ရင် ဘယ်သူက ကျုပ်တရားဝင်လက်ထပ်ခဲ့တဲ့သူလဲ ဆိုတာ တလောကလုံးကို သိအောင် ကြေငြာပြလိုက်မယ်။ "
သူ့မျက်နှာထားနှင့် လေသံကြောင့် မိုးပွင့် နူတ်ခမ်းကို သွားနှင့်ဖိကိုက်ကာ စိတ်ကိုထိန်းပြီး မိုးစက်ကို နာကြည်းစွာကြည့်ကာ လှည့်ထွက်သွားတော့သည်။
"အကို... ပြန်တော့နော်။"
နှင်းထန်က မိုးစက်၏ လက်ကိုဆွဲကာ အိမ်ထဲခေါ်သွင်းပြီး နူတ်ခမ်းလေးကို ကြမ်းတမ်းစွာနမ်းကာ
"မင်းရဲ့ ပါးကို ရိုက်လိုက်တဲ့ မင်းညီမကို ကိုယ်အရမ်းမုန်းတယ် မိုးစက်။ ပြီးတော့ မင်းညီမအတွက် ဘာမဆို ပေးနိုင်တဲ့မင်းကိုလည်း မုန်းတယ်။ မင်းကို အရမ်းချစ်မိတဲ့ ကိုယ့်ကိုယ်ကိုလည်း မုန်းတယ်။."
မိုးစက် သူ့စကားကြောင့် မျက်ရည်များစီးကျလာသည်။ နှင်းထန်၏ ဒေါသများသည် မိုးစက်၏ မျက်ရည်ကို တွေ့သည်နှင့် ငြိမ်းသွားပြီး မိုးစက်၏ မျက်ရည်များကို အနမ်းဖြင့်ဖယ်ရှားကာ
"မငိုပါနဲ့... ချာတိတ် ကိုယ့်ကြောင့် မငိုပါနဲ့။ ကိုယ် ချာတိတ် စိတ်ညစ်အောင် မပြောတော့ဘူး... လာ ပါးက ဒဏ်ရာကို ပြပါအုံး။ ပါးနှစ်ဖက်လုံး နီသွားပြီ။ တောင်းပန်ပါတယ်။ကိုယ့်ကြောင့် ချာတိတ် အရိုက်ခံရတာ တောင်းပန်ပါတယ်ကွယ်။"
မိုးစက်သည် သူ့လည်ပင်းကို သိုင်းဖက်ကာ
"အကို ညီမလေးကို အပြစ်မတင်ပါနဲ့နော်။ သူ အကို့ကိုချစ်လွန်းလို့ အသိစိတ်လွတ်သွားတာပါ။ အိမ်ရောက်ရင် ညီမလေးကို မရိုက်ပါနဲ့နော်။ ကျွန်တော် တောင်းပန်ပါတယ်။ ကျွန်တော့် ညီမလေး ကိုနာကျင်အောင် မလုပ်ပါနဲ့ဗျာ။"
မိုးစက်၏ ကိုယ်လေးကို သိုင်းဖက်ကာ နှင်းထန် ချော့လိုက်သည်။
"စိတ်ချပါ။ ကလေးရဲ့ ညီမလေးကို ကိုယ်လက်ဖျားနဲ့တောင် မထိပါဘူး။ တိတ်တော့နော်။ "
"အကို တကယ်ပြောတာနော်။"
"အင်း။ ကိုယ် ဘယ်တုန်းက လိမ်ဖူးလို့လဲ။ ချာတိတ်သာ ကိုယ့်ကို ခဏခဏလိမ်တာ။ "
သူ့စကားကြောင့် မိုးစက် မျက်ရည်များစဲသွားသည်။ မိုးစက် သူ့မျက်နှာကို မော့ကြည့်လိုက်စဉ် သူက မိမိကို ကြင်နာစွာငုံ့ကြည့်နေသည်ကိုတွေ့သော် သူ့ပါးပြင်ကို နမ်းလိုက်ပြီး
"ကျေးဇူးတင်ပါတယ် အကို။ အကို့ အချစ်တွေ အတွက်ကော၊ ကြင်နာမှုအတွက်ကော ကျေးဇူးပါ။"
"ချာတိတ် စိတ်ချမ်းသာမယ်ဆိုရင် ကိုယ်ဘာမဆို လုပ်ပေးမှာပါ။ ချာတိတ်သာ ကိုယ့်ဘေးမှာ နေပေး ပါ။ မိုးပွင့် ဘာတောင်းဆိုသည်ဖြစ်စေ ကိုယ်လိုက်လျောပေးမှာပါ။ "
"အကို ပြန်တော့နော်။ ညီမလေးကို ကောင်းကောင်းရှင်းပြပေးပါ။ အကိုတို့ အိမ်ထောင်ရေးကို အထိခိုက် မခံရဘူးနော်။"
နှင်းထန် ပြုံးကာ မိုးစက်၏ ခေါင်းလေးကိုပွတ်ပြီး
"ကောင်းပါပြီ။ ကလေး အိပ်ပျော်အောင် အိပ်နော်။ မနက်စာ အတူတူ စားကြမယ်။ ကိုယ့်ကိုစောင့်။"
"ဟုတ်ကဲ့"
နှင်းထန်သည် မိုးစက်စိတ်ချမ်းသာစေရန် အိမ်သို့ပြန်လာခဲ့သည်။ အိမ်သို့ရောက်သော် မိုးပွင့်၏ အိပ်ခန်းထဲ ၀င်သွားပြီး မိုးပွင့်၏ ကိုယ်ကို ဆွဲထူကာ နံရံနှင့် ဖိကပ်ထားပြီး သူမမျက်ဝန်းကို စိုက်ကြည့်ကာ
"မင်း ငါနဲ့ မိုးစက်ကြားကို ထပ်ပြီး ရှုပ်ဖို့ မစဉ်းစားနဲ့။ ဒါ နောက်ဆုံးဖြစ်ပါစေ။ ပြီးတော့ မိုးစက် အသားကို မင်းနောက်တခါ ထိရဲရင် ကျုပ်ကို အဆိုးမဆိုနဲ့။ မင်းကို အမှုန့်ချေလိုက်မယ်။ မိုးစက်က မင်း ယောက်ျားကို ခိုးနေတာ မဟုတ်ဘူး။ မင်းကသာ မင်းအကိုရဲ့ ချစ်သူကို လုဖို့ကြိုးစားနေတာ။ မင်းကို ကျုပ်လုံးဝ မချစ်ခဲ့ဘူး မိုးပွင့်။ ကျုပ်ချစ်တဲ့သူက မိုးစက်ပဲ။ မင်းကို ကျုပ်ဘေးမှာထားနေတာ မင်းအကို ကျုပ်ကို လိုက်လျောအောင်လို့ဆိုတာ စိတ်ထဲမှာ မြဲမြဲမှတ်ထားပါ။ မဟုတ်ရင် မင်းကို ကျုပ်ကန်ထုတ်ပစ်တာ ကြာပြီ၊ မင်းက ကျုပ်အတွက် အမှိုက်ပဲ မိုးပွင့်။ မင်း ပါးစပ်ပိတ်ပြီး ကျုပ်ဘေး မှာ ငြိမ်ငြိမ်နေရင် ကျုပ်ရဲ့ မယားဆိုတဲ့ ဂုဏ်နဲ့ ငွေကို စိတ်ကြိုက်သုံးလို့ရမယ်။ အေး... ပါးစပ်ပိတ် မထားရင် မင်းကို မြောင်းထဲ ကန်ချလိုက်မယ်။"
နှင်းထန် သူမကို ကြမ်းတမ်းစွာ သတိပေးကာ အခန်းပြင်သို့ထွက်လာခဲ့သည်။
မိုးပွင့်သည် သူ လွှတ်လိုက်သည်နှင့် ကြမ်းပြင်ပေါ် ပြိုလဲကျသွားပြီး တုန်တခိုက်ခိုက်ဖြစ်ကာ ကြမ်းပေါ် တွင် မှောက်အိပ်ကာ လူးလိမ့်ပြီး ငိုလို့သာ နေတော့သည်။
အားရအောင် ငိုပြီး မုိးပွင့် ကြမ်းပေါ်တွင် အိပ်ပျော်သွားတော့သည်။ မနက်လင်းလို့ နိုးလာသော အခါ အခန်းအောင်းပြီး ငြိမ်သက်စွာ နေတော့သည်။
~ ဆက်ရန်
