အချစ်စစ်၏ တည်နေရာ
Season (1)
အပိုင်း(၃၉)
မိုးစက်သည် အိမ်သို့ရောက်သော် သူ့ကိုလည်ပင်းညောင်ရေအိုးဖြစ်အောင်ကို မျှော်နေရသည်။ မိုးစက် ခြံထဲတွင် ထိုင်လိုက်လမ်းလျှောက်လိုက်နှင့် ကနာမငြိမ်အောင်ဖြစ်နေရသည်။ မြတ်လေးပန်း များဖွေးဖွေးလှုပ်အောင်ပွင့်နေသော ပန်းခြုံကို ကြည့်မိတိုင်း အရင်ကသူနှင့်အတူပတ်မိလို့ သူကဲလှ သဲလှသည်ကို ပြန်မြင်ယောင်ကာ ပြုံးမိသေးသည်။
ထိုအချိန်က မိမိသူ့ကို ဒီလောက်ချစ်မိသွားမည်ဟု နည်းနည်းမှ မထင်ထားခဲ့ပေ။ မိမိ အနမ်းဦးများကို ဇွတ်လုယူသည့် ကိုလူဆိုးကို စိတ်လည်းရှုပ်အမြင်လည်းကတ်မိသည်။ ထိုစဉ်က မိမိညီမလေးကြောင့် သူ့ဘေးမှ မခွာနိုင်ပဲ သူ့ရဲ့အချစ်ကျော့ကွင်းထဲ တဖြည်းဖြည်းကျဆင်းခဲ့ရခြင်းဖြစ်သည်။ သူပြောခဲ့ သည့် စကားများကို မိမိမယုံခဲ့ပါ။ မိမိကို သူ့အနားတွင်တသက်လုံးထားခဲ့ခြင်လို့ မိုးပွင့်ကို သူ လက်ထပ်ခဲ့သည်ဆိုသည့် စကားကို မိမိလှောင်ရယ်ခဲ့မိသည်။
လောကတွင် ယောက်ျားခြင်း ဒီလောက်စွဲစွဲလန်းလန်းချစ်တာ မဖြစ်နိုင်ဟု ထင်ခဲ့မိသည်။ သူက မိမိ ကိုဘယ်လောက်ချစ်သည်ဟု ပြောခဲ့သော်လည်း မိမိမယုံကြည်ခဲ့ပါ။ သူနှင့် ညီမလေး လက်ထပ်ပွဲ ပြီးသည်နှင့် ကိုရန်နိုင်၏ အကူအညီဖြင့် အမေရိကားတွင် အလုပ်သွားလုပ်မည့်သတင်းကို သူသိသွား သောအခါ မိမိကို သူခိုးပြေးရန် ကြိုးစားခဲ့သည်။ မိမိအရမ်းကို သွေးပျက်သွားသည်ကို ၀န်ခံပါသည်။ သူ့လုပ်ရပ်ကို ကြောက်ကာ သူ့ကို ဟန့်တားရန်ကြိုးစားရင်း ကားမှောက်ခဲ့သည်။
ကားမှောက်စဉ်ကို မိမိ တခါတည်းသေသွားခဲ့လျှင် သူနှင့် ညီမလေး လက်ထပ်ဖြစ်ကာ ပျော်ရွှင်သော မိသားစု ဘ၀ကိုရမည်ဟု ထင်ပါသည်။ သို့သော် ကံကြမ္မာကျီစားချက်က ပြင်းလှသည်။ မိမိက အ ကောင်းအတိုင်းဖြစ်ပြီး သူက မိမိကို ကာကွယ်ပေးထားသောကြောင့် သူ့မျက်လုံးကွယ်သွားခဲ့သည်။
မိမိသတိလစ်နေစဉ်အတွင်း သူက ညီမလေးကို ပြတ်သားစွာပြောကာ မောင်းထုတ်လိုက်သည်ကို မိမိ လုံးဝမသိခဲ့ပါ။
မိမိ သူ့ကို အသည်းအသန်ငြင်းခဲ့ခြင်းက သူ့ကိုစိတ်ဓါတ်ကျသွားစေသည်။ထို့အပြင်မိမိကိုလက်ထပ် ခွင့်မရလျှင် သူဘယ်သူ့ကိုမှ လက်မထပ်ဖို့ဆုံးဖြတ်ကာ မျက်မမြင်ဘ၀ဖြင့် နေသွားမည်ဟု ဆုံးဖြတ် ခဲ့ပြီး ညီမလေးကို စိတ်နာအောင်ပြောလိုက်သည်။
မိမိကတော့ ဘာမှ မသိခဲ့ပါ။ ဖေဖေ့စကားအရ ညီမလေးက သူနှင့် လက်ထပ်ပွဲကို လက်မခံနိုင်ဟု ပြောကာ စင်္ကာပူကို ထွက်သွားသည်ဆိုသည့် စကားက သတိရစ မိမိကို မူးဝေသွားစေသည်။သွားပြီ။
မိမိကြောင့် လက်ထပ်ပွဲပျက်သည့်အပြင် ဆွေမျိုးများအကြား မိမိတို့ ခေါင်းမဖော်ရဲတော့ဟု တွေးကာ ထူပူသွားသည်။ ထို့ကြောင့် သူ့ကိုတွေ့ကာ တောင်းပန်စဉ် သူက ကိုရန်နိင်ထံမှ အကူအညီမယူပဲ သူ အမေရိကားကို ပို့ပေးမည်ဟုပြောလိုက်သည့်စကားက မိုးစက်၏ ရင်ကို ဘယ်လိုမှ တင်းမခံနိုင် အောင်ဖြစ်သွားစေသည်။
ညီမလေးအစား သူနှင့်လက်ထပ်ကာ သူ့ကို ပြုစုပေးရန် ဆုံးဖြတ်လိုက်သည်။ သူက လုံးဝလက်မခံခဲ့ ပေ။ သူ့ကို အကြိမ်ကြမ်တောင်းဆိုသောအခါ နောက်ဆုံးသူက လက်ထပ်လျှင် တကယ့်လင်မယား လိုနေမှ လက်ခံမည်ဟု ဆိုသဖြင့် မိုးစက် သူ့တောင်းဆိုချက်ကို လက်ခံကာ လက်ထပ်ခဲ့သည်။
မိမိ၏ ပထမဆုံးလူပျိုဘ၀ကို သူ့ထံသို့ပေးအပ်ခဲ့သည်။ ရှက်သည်၊ ကြောက်သည်ဆိုတာထက် သူ့ကို သနားတာကပိုသောကြောင့် မိုးစက် သူ့အလိုကို အမြဲလိုက်လျောခဲ့သည်။ မိမိ၏ ပြုစုပေးမှု ကြောင့် သူတဖြည်းဖြည်း စိတ်အားပြန်တက်လာပြီးမျက်လုံးပြန်ခွဲစိတ်ရန် သူ့ကို တိုက်တွန်းနိုင်ခဲ့ သည်။
သူမျက်လုံးအမြင်ပြန်ရသည်နှင့် မိုးစက်သူ့အတွက်ကို အလေးအနက်ထားစဉ်းစားရတော့သည်။ မိမိ ကိုသူအရမ်းခင်တွယ်ကာ အလိုလိုက်အကြိုက်ဆောင်ခံရသည်ကို မိမိသဘောကျသော်လည်း မိမိက ယောက်ျားလေး။ သူ့မယားဘ၀တွင် သူ့အရ်ိပ်ခိုကာ ညာစားမနေချင်ပေ။ ထို့အပြင် သူ့အတွက်ကို မိမိအလေးနက်ထား စဉ်းစားပေးစရာတွေ ရှိလာသည်။ သူ့အနား နှစ်ပေါင်းတစ်ရာနေပေးသည့်တိုင် သူ့အတွက် မျိုးဆက်သွေးကို မိမိမွေးမပေးနိုင်ပါ။သူက တစ်ဦးတည်းသောသားဖြစ်သဖြင့်သူ့အတွက် သားသမီးများ မွေးဖွားပေးနိုင်သည့် မိန်းကလေးနှင့် သူလက်ထပ်ရန် လိုအပ်ပါသည်။
မိမိကလွဲရင် သူဘယ်သူ့ကိုမှ မယူနိုင်ဟု အပြတ်ပြောထားသဖြင့် လုပ်စရာတစ်ခုသာ ကျန်တော့ သည်။ မိမိနှင့် ရုပ်ချင်းတထေရာတည်းတူသော ညီမလေးနှင့် သူ့ကို မိမိရအောင် ကြံစည်ပေးမှ ဖြစ် မည်ဟု တွေးကာ မိုးပွင့်ကို ရှိခိုးဦးတင်မတတ် တောင်းပန်ကာ ပြန်ခေါ်ပြီး သူ့အနားတွင် ပြန်ပို့ပေးခဲ့ သည်။ မိမိကတော့ နာကျင်သောရင်အစုံဖြင့် သူလိုက်မမှီနိုင်အောင် တိုင်းတပါးသို့ထွက်ပြေးခဲ့ပါ သည်။
ဝသုန်၏ဦးလေးအဆက်အသွယ်ဖြင့် လုပ်ငန်းတစ်ခုတွင် မိမိဝင်လုပ်ကာ ခြေရာဖျောက်နေခဲ့သည်။ အထီးကျန်သော မိမိဘ၀တွင်ခမ်းလောင်ဆိုသည့် ရိုးသားလှသောမိန်းကလေးအား ချစ်သူအဖြစ် ရရှိ ခဲ့ပြီး အသက်ဝင်စပြုလာသောအခါမှ သူလွှတ်လိုက်သော မိမိသူငယ်ချင်း ကျော်သက်ထွန်းကြောင့် သူ့လက်ထဲ ပြန်လည်ရောက်ရှိခဲ့သည်။
ခါးခါးသီးသီးငြင်းဆန်နေသော မိမိထံမှ အချစ်ကို ဓါးပြတိုက်ယူရုံမျှမက သူ့ဘေးတွင်နေရန် မိမိတန်ဖိုး
ချစ်ခင်ရသောသူများနှင့် အကြပ်ကိုင်ကာ မိမိကို မြန်မာပြည်အတင်းပြန်ခေါ်ခဲ့သည်။ ညီမလေးက ကတိဖျက်သော မိမိကို အရမ်းကိုမုန်းတီးသွားခဲ့သည်။ ညီမလေးနှင့် သူ့ကြား တွင်ကြားညှပ်မိပြီး ညီမလေးက သူ့ကို လက်တုန့်ပြန်ရန် သူ့ကိုယ်ကို အနစ်မွန်းခံလိုက်သည်။
သူနှင့်မဟုတ်သည့် ကိုယ်ဝန်ကို ဆောင်လိုက်ပြီး ညီမလေး သူ့ကို လက်တုန့်ပြန်လိုက်ပါသည်။ သူက ရူးနေသည့်လူပမာ မိမိနှင့်မဝေးရလျှင်ပြီးရော ညီမလေး၏ ကိုယ်ဝန်ကို သူလက်ခံခဲ့သည်။ ထို အကြောင်းကို မိမိသိလိုက်ချိန်တွင် မိမိကြောင့် သူဒီလောက်နွားကျသော အလုပ်ကို လက်ခံလိုက် သည်ကို မိမိလုံးဝလက်မခံနိုင်ခဲ့ပါ။
ညီမလေးကလည်း မိမိမရှိမှ သူ့ရင်သွေးကို မွေးဖွားပေးမည်တဲ့၊သူကလည်း မိမိကိုလုံးဝ ထွက်သွား ခွင့်မပြုခဲ့ပေ။ ဒါ့အပြင် သူ့ဒယ်ဒီက အိမ်လိုက်လာပြီး မိမိကို အထင်မြင်လွဲစွာပြောဆိုခဲ့သည်။ မိမိတို့ အကြောင်းကို ဖေဖေ့အား အကြောင်းကြားမည်ဟုဆိုလာသောအခါ မိမိလုပ်စရာ တစ်ခုသာကျန် တော့သည်။ မိမိကိုယ်ကို အဆုံးစီရင်လိုက်လျှင် အားလုံးအတွက်အဆင်ပြေသွားပါလိမ့်မည်။
အဲ့ဒီအခါမှ ပိုဆိုးတော့သည်။ သူနှင့်စကားများပြီး ညီမလေးအိမ်ပေါ်မှဆင်းသွားခဲ့သည်။ မိမိသတိရ လာသောအခါ သူ အိမ်ပေါ်မှဆင်းခဲ့ကာ မိမိကိုခေါ်ပြီး သူ ပင်လယ်ကမ်းခြေကိုထွက်လာခဲ့သည်။ မိမိ နေကောင်းလာသောအခါမှ သူက ညီမလေးအကြောင်းပြောခဲ့သည်။
မိုးစက်၏ ရင်အစုံကွဲကြေရလေပြီ။ ကိုယ်ဝန်နှင့် ညီမလေးကို သူနှင်ချရက်သည်ဟုတွေးကာ အသည်း
ဆတ်ဆတ်ခါနာကျင်ခဲ့ရသည်။ သူ့ကို ရန်လုပ်ကာ ညီမလေးကို ရှာပေးရန် တောင်းဆိုခဲ့သည်။ မိမိ အရမ်းနာကျင်ခံစားခဲ့၇သည်ကို ကြည့်ပြီး သူ လိုက်လျောပေးခဲ့ပါသည်။
ညီမလေးကို လိုက်ရှာရင်း ညီမလေး၏ ချစ်သူကောင်လေးထံမှ မိမိကို ညီမလေး ဘယ်လောက် မုန်းတီးခဲ့သည်ကို သိရပြီး အကြီးအကျယ်စိတ်ညစ်ခဲ့ရသည်။ သြော် မွေးကတည်းက မိမိက ညီမလေး ထံမှ ကံကောင်းခြင်းအားလုံးကို လုယူခဲ့သည်ဟု ညီမလေးက ထင်ခဲ့သည်။
ထိုသို့မဟုတ်ကြောင်း မိုးစက် ညီမလေးကို ရှင်းပြနိုင်ရန် ညီမလေးကို အရမ်းတွေ့ချင်ခဲ့သည်။ ထို့ကြောင့် သူတားသည့်ကြားမှ ကိုရန်နိုင်လာခေါ်သောအခါ မိုးစက်လိုက်သွားခဲ့သည်။ သူ့စကားကို တမင်ဖောက်ဖျက်ခဲ့သည်မဟုတ်ခဲ့ပါ။ ညီမလေး နောက်ဆုံးအခြေအနေတွင် ရောက်နေပြီဆိုသော စကားက မိုးစကိကို အရာအားလုံးကို မေ့သွားစေခဲ့သည်။
နှာခေါင်းပိုက်တန်းလန်းနှင့် နှလုံးပျက်စီးကာ ဘ၀နေ၀င်ချိန်ကိုရောက်နေသောညီမလေးကို တွေ့ သောအခါ မိုးစက် တင်းထားသောစိတ်အားလုံးပြိုကျသွားခဲ့သည်။
"ညီမလေး အဖြစ်နဲ့ ရှင်သန်ပေးပါ......မိုးပွင့်ဘ၀နဲ့ ဆက်နေပေးပါ..."
သေခါနီးညီမလေး၏ ဆန္နကို မိုးစက် ဘယ်လိုမှ မငြင်းနိုင်ခဲ့ပါ။ ညီမလေး၏ အသုဘပြီးသောအခါ ကိုရန်နိုင်ကို တောင်းဆိုပြီး မိန်းမဖြစ်အောင် ခွဲစိတ်ပြုပြင်ခဲ့သည်။ မိမိဘ၀ကိုလည်း စိတ်နာသည်။ မိမိ သာမရိခဲ့လျှင် အကို ညီမလေးကို သေချာပေါက်ချစ်ခဲ့မည်ဖြစ်သည်။ ဒါဆိုလျှင် ဒီလို အဖြစ်ဆိုးလည်း ညီမလေး ကြုံတွေ့ရမည်မဟုတ်ပေ။ အခုတော့......ငယ်ကတည်းက ပိုးမွေးသလိုမွေးခဲ့ရသော မိမိ ညီမလေးသည် တရပ်တကျေးတွင်း အရှက်ကွဲကာ သေဆုံးခဲ့ရသည်။ ရုပ်ချင်းတထေရာတည်းတူ သည့်တိုင် ညီမလေးကို ကြိုက်ပါဆိုသည့်စကားကို ခေါင်းမာမာနှင့် ငြင်းပယ်ကာ မိမိကိုမှ ချစ်ခဲ့သော သူ့ကိုစိတ်လည်းနာသည်။
ထို့ကြောင့် မိုးစက် ကိုရန်နိုင်အတန်တန်တားသည့်ကြားမှ မိန်းကလေးဖြစ်အောင် ခွဲစိတ်ပြုပြင်ကာ သူ့ကျေးဇူးကိုပြန်ဆပ်ပေးရန် မိတဆိုးမလေး ဆောင်းနှင်းဖြူကို ထိန်းကျောင်းပေး၇န် သူနေထိုင် သည့် အမေရိကားသို့လိုက်လာခဲ့သည်။ သို့သော် သူက မိမိကိုရအောင်စုံစမ်းကာ နောက်မှ လိုက်လာ ခဲ့သည်။ သူထင်သည်က မိမိက မိုးပွင့်။ မိမိကလည်း သူမုန်းသွားအောင် တမင်ပြော လိုက်သည်။ သူ မိုးစက်သေပြိဆိုသည့် စကားကိုကြားသည်နှင့် မိမိကို လည်ပင်းညစ်သည်အထိ မုန်းတီးသွားခဲ့သည်။
သူပြန်သွားပြိးနောက် မိမိလည်း နာကျင်စွာငိုကြွေးခဲ့ရသည်။ မိမိကို သူမုန်းသွားပါစေတော့ဟု အတန် တန် ဆုတောင်းခဲ့သည်။ သို့သော် ဆုတောင်း မပြည့်ခဲ့ပါ.။ သူ မိမိကို မိုးစက်မှန်း ရိပ်မိ သွား ခဲ့သည်။ ကစားကွင်းတွင် သူ့နူတ်ခမ်းမှ 'မိုးစက် ' ဟု ခေါ်လိုက်သံကို ကြားလိုက်စဉ် မိုးစက် အံ့သြ ရင်ခုန် သွားခဲ့သည်။ သူနှင့်ဝေးနေသည့်တိုင် မိမိနှလုံးသားက သူ့အသံကြားတိုင်း ဘာလို့ထိန်းမရအောင် ခုန်ရသည်ကို မိုးစက် နားမလည်တော့ပေ။
သူ့ကိုမိုးပွင့်ပုံစံဖြင့် လှောင်ရယ်လိုက်သည့်တိုင် သူကမိမိကိုမိုးစက်မှန်းဘယ်လိုသိသွားမှန်းနားမလည် နိုင်တော့ပေ။ မိမိသိသည်က သူမကြာခင် မိမိကိုရအောင်ပြန်ခေါ်တော့မည်ကိုဖြစ်သည်။ မိုးစက်ထင် သည့်အတိုင်း သူမိမိကို ရအောင်ပြန်ခေါ်ခဲ့ပါသည်။ သူ့ကို အရင်လို မိမိချစ်ဆဲပါ။ သို့သော်ညီမလေး နာကျင်ကြေကွဲပြီး သေဆုံးသွားရသည်ကို မိမိမမေ့နိုင်သေးပါ။ သူ့ရင်ခွင်ထဲမှာ မိမိပျော်နေလျှင် တမလွန်မှ ညီမလေး မကျေမနပ်ဖြစ်နေမည်ကို စိုးရိမ်ရပါသည်။
ထို့ကြောင့် မိုးစက် မိမိနှလုံးသားခံစားချက်ကို တင်းကြပ်စွာထိန်းထားကာ သူ့ကို ပြန်မချစ်မိသွား အောင် ထိန်းထားစဉ် ချောမောလှပသော သူ့ညီမနှစ်ဝမ်းကွဲ စောမြ၀တီ ပေါ်လာသောအခါမှ သူ့ကို အခြား မိန်းကလေးနှင့်မဆိုထားနှင့် သူ့ညီမချောလေးနှင့်ပင် မိမိတွဲမတွေ့ချင်လောက်အောင် သူ့အပေါ် မိမိချစ်နေမိပြီကို သိလိုက်ရသည်။
သူနှင့် စောမြ၀တီ၏ ဆက်ဆံရေးက မိမိထင်သည်ထက် နက်ရှိုင်းပုံရသည်။ ရောက်ကတည်းက တပူးပူးတတွဲတွဲနှင့် တီးတိုးလုပ်နေသည်များက စူးချွန်ချွန်ဖြင့် ထပ်တလဲလဲဆွနေသလို ခံစားရသည်။ စူးဆူးတာ မသေနိုင်ပေမယ့် ခုလုခုလုနှင့် နေရခက်ပါသည်။ ဒါကြောင့် စကားပုံက 'မျက်စပ်ပိုးဝင်၊ ဆံ တပင်တင်း၊ ချစ်ခြင်းမယား၊ရည်းစားလူလု ၊ အူနုကျွဲခတ်' လို့ပြောခဲ့တာ ဖြစ်မည်။
မိမိနှင့် ကိုရန်နိုင်တပူးပူးတတွဲတွဲ ရှိလျှင် သူလည်းဒီလိုခံစားရတာဖြစ်မည်ဟု မိုးစက် ပထမဆုံး ကိုယ်ချင်းစာလိုက်မိသည်။ မိုးစက် မည်မျှကြာအောင် အတွေးထဲနစ်မျှောနေသည် မသိတော့ပေ။
အေးလာတော့မှ ညဥ့်နက်ပြီမှန်း သိတော့သည်။ သူ့ကိုစောင့်ရင်း မိုးစက် ရင်ပူသည်ထက်ပူလာခဲ့ သည်။ သူဘာလို့ နောက်ကျတာလဲ။ သူ တခုခုများဖြစ်နေလို့လား။ မိုးစက် သူ့လက်ကိုင်ဖုန်းကို ဆက် လိုက်မိပြီးမှ သူနှင့် ၀တီကို မယုံသလို မေးသည်ဟု ထင်မည်စိုးသဖြင့် ဖုန်းဝင်သွားပြီးမှ လိုင်း ဖြတ်ချလိုက်သည်။ မိုးစက် ဖုန်းလေးကို ငိုင်တွေကာ ကြည့်နေစဉ် သူ့ထံမှ ဖုန်းဝင်လာသဖြင့် မိုးစက် ပျော်သွားသည်။
"ဟယ်လို..."
"ချာတိတ် ကိုယ့်ကို ဖုန်းခေါ်ထားလို့။ ဘာဖြစ်လို့လဲ။ ချာတိတ်ဘယ်မှာလဲ။"
"ကျွန်တော် အိမ်မှာပါ။ အကို နောက်ကျနေလို့ စိတ်ပူလို့ ဖုန်းဆက်လိုက်တာပါ။ အကို ပြန်လာတော့ မလား။ "
"၀တီနေသိပ်မကောင်းလို့ ကိုယ်သူ့ကို ဆေးခန်းပို့နေတာ ချာတိတ်။ မိုးချုပ်နေပြီ.။ ချာတိတ် ကိုယ့် ကို စောင့်မနေနဲ့တော့နော်။ အိပ်နှင့်တော့။ ၀တီ့အခြေအနေကစိုးရိမ်ရလို့ ကိုယ်ဆေးရုံမှာ သူ့ကို စောင့်ပေးဖြစ်ရင် ဒီည ပြန်မအိပ်တော့ဘူးနော်။ "
မိုးစက်သည် သူ့စကားကြောင့် မျက်ရည်များက စီးကျလာခဲ့သည်။ ဘာကြောင့် လူတစ်ယောက်က ကိုယ့်ကိုဒီလောက်နာကျင်စေနိုင်သည်ကို မိုးစက်နားမလည်တော့ပေ။မိမိကိုချစ်တတ်အောင် သင်ပေး
ခဲ့သော သူ့ကို မိုးစက်မုန်းသွားသည်။ သူ့စကားများကို နားထောင်ရင်း အမှတ်တမဲ့ ရှိုက်လိုက်မိစဉ် မိုးစက်လန့်သွားပြီး ပါးစပ်ကို အမြန်ပိတ်လိုက်မိသည်။ သို့သော် တဖက်မှ သူက ကြားဖြစ်အောင် ကြားသွားပြီး
"ချာတိတ် ငိုနေတာလား။"
မိုးစက် လည်ချောင်းရှင်းကာ
"မဟုတ်ဘူး။ နှာစေးနေလို့ နှပ်ရှုံလိုက်တာပါ။ ကောင်းပြီလေ။ ခင်ဗျား ဘာမှ မဖြစ်ရင်ပြီးရော။ ကျွန်တော် အိပ်တော့မယ်။ ဒါပဲ။"
သူ့ဖုန်းကို မိမိဘက်မှ အရင်ချလိုက်ပြီး မိုးစက် ငိုချလိုက်သည်။ အားရအောင်ငိုပြီးမှ မျက်ရည်သုတ် ကာ အိမ်ထဲဝင်ခဲ့သည်။ ဒေါ်ပိုက ဧည့်ခန်းတွင် သူ့ကို စောင့်ပေးနေသဖြင့် မိုးစက် အိမ်ပေါ်သို့တခါ တည်း တန်းတက်ခဲ့သည်။ သူပြန်လာသည်ဖြစ်စေ၊ ပြန်မလာသည်ဖြစ်စေ လင်ကိုစောင့်မျှော်နေရ သော အဖြစ်က်ိုသည်းမခံနိုင်သောကြောင့် မိုးစက်ဆေးသောက်ပြီး အိပ်လိုက်သည်။
မိုးစက် နိုးလာသောအခါ မိမိကို စိုက်ကြည့်နေသော သူ့ကိုတွေ့လိုက်ရသဖြင့် မိုးစက် မျက်နှာလွှဲကာ
အ်ိပ်ယာမှ ထလိုက်သည်။ သူက နံဘေးမှ ကွေ့ရှောင်သွားသော မိမိကို လှမ်းဆွဲကာ
"ချာတိတ် ညက ပြန်မလာတော့ဘူး ပြောလို့ ကိုယ့်ကို စိတ်ဆိုးပြီးမှ အိပ်သွားတာမဟုတ်လား။ "
မိုးစက် ဗြောင်ငြင်းလိုက်သည်။
"မဟုတ်ပါဘူး။ အားတိုင်းစိတ်ဆိုးရအောင် ကလေးမှမဟုတ်တာ။ ကျွန်တော့ကိုလွှတ်။ အိမ်သာတက် ချင်တယ်။"
သူလက်ကို လွှတ်ပေးလိုက်သောအခါ အိမ်သာထဲ အမြန်ပြေးဝင်သွားလိုက်သည်။ အထဲရောက်မှ လော့ခ် ချလိုက်ပြီးမျက်နှုာသစ်ရင်း ရေတခါတည်း ချိုးလိုက်သည်။သူ နှင့် မျက်နှာခြင်းမဆိုင်ချင်သောကြောင့် ဇိမ်ဆွဲကာချိုးနေလိုက်သည်။
"ဒေါက်...ဒေါက်... ချာတိတ် ကြာနေပြီနော်..ဘာလဲ... ကိုယ့်ကို ရှောင်နေတာလား.။"
"ခင်ဗျားကို ဘာလို့ရှောင်ရမှာလဲ။ ကိုယ့်ဖာသာ အေးအေးဆေးဆေးတောင် မချိုးရဘူးလားဗျ။"
သူက ရေချိုးခန်းအပြင်ဘက်မှ ရယ်နေသံကိုကြားလိုက်ပြီး
"မလိမ်တတ်ပဲနဲ့ ဘာကြောင့် လိမ်ချင်ရတာလဲ ကလေးရာ။ ကိုယ်က ညကတည်းက ပြန်ရောက်တာ။ ညအိပ်ရင်း ချာတိတ်ငိုနေတာ ကိုယ် တွေ့ပြီးသားပါ။ ချာတိတ်ကို ရှင်းပြစရာရှိလို့ကိုယ်ပြန်လာခဲ့တာ၊ ကဲ ချာတိတ်လေး မြန်မြန်လုပ်နော်။ကိုယ် ချာတိတ်နဲ့ မနက်စာအတူစားချင်လို့ စောင့်နေတာ"
သူ့စကားကြောင့် မိုးစက်ရှက်သွားသည်။ တကယ်ပဲ မိမိအ်ိပ်ရင်း မျက်ရည်ကျနေသလားဟု တွေးကာ သူ့မျက်နှာက်ိုပင် မကြည့်ရဲတော့ပေ။ ရေချိုးခန်းထဲမှ ထွက်လာသောအခါ သူကဆီးကြိုဖက်ထားကာ
"ကဲ ချစ်သူလေး...မြန်မြန်လုပ်။ ကျူပ်ခင်ဗျားလေးကို စောင့်ရင်း ဗိုက်ဆာလို့ အူလိမ်နေပြီဗျ။"
"ဆာရင် သွားစားနှင့်ပါလား။ ခင်ဗျားကို ဘယ်သူက စောင့်ခိုင်းနေလို့လဲ။"
နှင်းထန်သည် ရန်တွေ့နေသော ချစ်သူလေ၏ နူတ်ခမ်းလတ်လတ်ဆတ်ဆတ်လေးကို နမ်းလိုက်ပြီး
"ဟား....မနမ်းရတာကြာလို့လားမသိဘူး။ နူတ်ခမ်းလေးက ချိုနေတာပဲကွာ။ချစ်က မစောင့်ခိုင်းပါဘူး၊ ကိုယ်ကိုယ်တိုင်က်ိုက စောင့်ချင်လို့စောင့်နေတာပါ ခင်ဗျာ။ကဲ ကျေနပ်ပြီလား။"
သူ့အဖြေကြောင့် မိုးစက် အနည်းငယ်ကျေနပ်သွားသည်။
"အင်း။ ဖယ်ဦးလေ။ အ၀တ်စားဝတ်လိုက်ဦးမယ်။"
သူက ရယ်ကျဲကျဲဖြင့်
"ကိုယ်ဝတ်ပေးမယ်လေ။"
"တော်ပါဗျာ။ ၀တ်ပေးစရာလား။ "
"ကိုယ့်မိန်းမကို ၀တ်ပေးတာ ဘယ်သူ့ကို ကရုစိုက်ရမှာလဲ။ ကဲလာ ကိုယ် ၀တ်ပေးမယ်။"
"ဟာ ..မလုပ်နဲ့နော်။ ခင်ဗျား မရှက်ပေမယ့်။ ကျွန်တေ်ာရှက်တယ်ဗျ။ အောက်ကို သွားပါတော့ဗျာ။ တောင်းပန်ပါတယ်။ "
သူက မိုးစက် လန့်သွားပုံလေးကိုကြည့်ကာ သဘောကျစွာရယ်ပြီး မိုးစက်ကို အောက်သို့ချပေးကာ အောက်သို့ဆင်းသွားသည်။ မဆင်းခင် မိုးစက်ကို ခြိမ်းခြောက်လိုက်သေးသည်။
"ငါးမိနစ်အတွင်း ဆင်းခဲ့နော်။ ဆင်းမလာရင် ကိုယ့်ကို အဆိုးမဆိုနဲ့။"
မိုးစက် သူ့ကို နှာခေါင်းတစ်ချက်ရှုံ့ပြလိုက်သည်။ သူက သဘောကျစွာရယ်ရင်း အောက်သို့ဆင်း သွားသည်။ သူထွက်သွားမှ မိုးစက်သည် တဒိတ်ဒိတ်ခုန်နေသော ရင်ဘတ်ကို ဖိလိုက်မိသည်။ သူ့ အပြုံးမျက်နှာက စွဲဆောင်မှုရှိလှချည်လား။ သူ့အပြုံးကိုကြွေသည့် ကောင်မလေးများစွာ ရှိမှာသေချာ သည်။ မိုးစက် အ၀တ်မြန်မြန်လဲကာ အောက်သို့ဆင်းလာခဲ့သည်။
ထမင်းစားပွဲတွင် သတင်းစာဖတ်နေသောသူက မိုးစက်ကို ခြေဆုံးခေါင်းဆုံးကြည့်ကာ
"ကိုယ့်မိန်းမက ပြောလို့ပြောတာ မဟုတ်ဘူး။ အရမ်းချောတာပဲ။"
"တော်ပါ။ အခြားကောင်မလေးတွေကို ချွဲဖို့ချန်ထားလိုက်ဦး။ ကိုယ့်ကိုယ်ကို ချောမှန်းသိပါတယ်။ အခြားသူတွေကလည်း ပြောကြတယ်လေ။"
မိုးစက်၏ ဘုစကားကြောင့် သူက အရယ်မပျက်ပဲ မေးလိုက်သည်။
"ဘယ်သူပြောတာလဲ။ ကိုရန်နိုင်ကလား။"
မိုးစက် သူ့ကို ဒေါသနှင့်ကြည့်ကာ အရွဲ့တိုက်ပြီးပြောလိုက်သည်။
"ဟုတ်တယ်။ ကိုရန်နိုင်ကပြောတာ။"
"ဟုတ်လား။ သူက အဲ့လိုပြောသလား။"
သူ မျက်နှာတည်ကာပြန်မေးလိုက်သဖြင့် မိုးစက် မိမိ လွန်သွားမှန်းသိလိုက်သည်။ ကိုရန်နိုင် နှင့် ပတ်သတ်လာလျှင် သူအမှားမခံမှန်း မိမိသိလျက်နှင့် အမှတ်တမဲ့ ပြောလိုက်မိသည်။ သူမျက်နှာပျက်
သွားသည်ကို တွေ့တော့ မိုးစက် စိတ်မကောင်းဖြစ်သွားပြီး စကားလွှဲလိုက်သည်။
"ဗိုက်ဆာပြီဆို။ စားကြမယ်လေ။"
သူ့ရှေ့ ကော်ဖီခွက်ကို ချပေးလိုက်တေ့ာမှ သူပြုံးသွားတော့သည်။
"ဟဲ..ဟဲ...ဒီလို အလိုက်သိလို့ မိန်းမကို ချစ်နေရတာ။"
မိုးစက်သူ့ကို မျက်စောင်းထိုးမကြည့်မိရန် မနည်းထိန်းထားရသည်။ သူ့ပုံက ဒီနေ့အူးမြူးနေသည် မဟုတ်လား။
"ဘာတွေ လျှောက်ပြောနေမှန်း မသိဘူး။ ဒေါ်လေးပို တို့ရှိတယ်လေ။"
သူက တဟဲဟဲရယ်က
"ဒေါ်လေး...မိုးက ရှက်လို့တဲ့ ရှောင်ပေးစမ်းပါဗျာ။"
"ဟုတ်ကဲ့ပါရှင်။"
ဒေါ်လေးပိုက ပြုံးပြုံးကြီးလုပ်ကာ ရှောင်သွားသဖြင့် မိုးစက် ကပျာကယာလေး တားလိုက်သည်။
"ဟာ...ဒေါ်လေး မသွားနဲ့လေ။ "
ဘယ်သူမှ မရှိလျှင် သူကဲတော့မည်ကိုစိုရိမ်သဖြင့် မိုးစက် လှမ်းအော်သော်လည်း ဒေါ်လေးက ပြန်လှည့် မလာတော့ပေ။
"အဟဲ.. ဒါကြောင့် ဒေါ်လေးကို ချစ်နေရတာ။"
"အကိုနော်။ လူကြီးကို ပြောင်စပ်စပ်နဲ့။"
"ဘာလဲ။ ဒေါ်လေးရှေ့မှာ အယုယခံချင်လို့လား။ ဒါဆိုလည်း ရတယ်လေ။ပြန်ခေါ်လိုက်မယ်။"
"အကိုနော်။ ဒီနေ့ ဘယ်လိုဖြစ်နေတာလဲ။ အရမ်းအူမြူးနေတာလား။"
"အင်း... ကိုယ့်ချစ်သူလေးကို ကိုယ့်ကို ဘယ်လောက်ချစ်တယ်ဆိုတာ သိလိုက်ရလို့ အရမ်းဝမ်းသာ နေတာ။"
"ဘယ်သူက သူ့ကို ချစ်လို့လဲ။ ကိုယ်ရည်သွေးနေလိုက်တာဗျာ။ မုန်းစရာကြီး။"
"ကဲ... ညတုန်းက ကိုယ်ပြန်မလာတော့ဘူးထင်ပြီး ငိုပြိး အိပ်ပျော်သွားတာ ဘယ်သူလဲ။"
မိုးစက် သူ့ကို အကြည့်လွှဲကာ
"ဘယ်သူလဲ။ မသိဘူးလေ။"
သူက မိုးစက် ၏ မေးကိုပင့်မကာ
"ဘာကြောင့် ၀န်မခံချင်သေးတာလဲ မိုးရယ်။ ည မိုးဆီကိုယ်ပြန်လာတော့ မိုးအိပ်ပျော်နေပြီ။ ဒါပေမယ့် မိုးမျက်နှာမှာ မျက်ရည်စီးကြောင်းတောင် မခြောက်သေးဘူး။ ကိုယ့်ကို လွမ်းလို့ ငိုနေ တာလားဟင်။"
မိုးစက်သူ့လက်ကိုပုတ်ထုတ်ကာ
"ခင်ဗျားကို ဘာလို့လွမ်းရမှာလဲ။ ဝေးသေးတယ်။ ယောက်ျားတစ်ယောက်ကြောင့် မျက်ရည်ကျရမှာ လား။ ဝေးသေးတယ်။"
မိုးစက်၏ စကားအဆုံးတွင် သူက လိမ်ပြောသောနူတ်ခမ်းလေးကို အနမ်းပေးလိုက်သည်။ မိုးစက်သည် သူ့အနမ်းကြောင့် ရင်ထဲလှုပ်ရှားလာပြီး မျက်ရည်က အလိုလိုရစ်ဝဲလာခဲ့သည်။
"တောင်းပန်ပါတယ် အချစ်ရယ်။ ကိုကို့ ညီမရဲ့ အိမ်ထောင်ရေး ကိစ္စကို လိုက်ကူညီနေရလို့ ခုတ လော ချာတိတ်ကို ပစ်ထားမိသလိုဖြစ်သွားတာ ခွင့်လွှတ်ပေးပါ။ ၀တီ့ ခင်ပွန်းက ကိုယ့်သူငယ်ချင်း လေ။ သူတို့နှစ်ယောက်ကွာရှင်းမယ့်ကိစ္စကို လိုက်ကူညီပေးနေရလို့ပါ။ မနေ့က ၀တီ မူးလဲလို့ ဆေးရုံတင်လိုက်ရသေးတယ်။ ဒါကြောင့် ကိုယ် အိမ်ပြန်နောက်ကျသွားတာပါ။ ချာတိတ် ဖုန်းဆက် လာကတည်းက ကိုယ်ပြန်လာတော့မလို့ပါ။ ချာတိတ်ကို တမင်စလိုက်တာ အဟုတ်ထင်သွားတယ်။"
မိုးစက်၏ မျက်နှာသည် ဟန်မဆောင်နိုင်အောင်ကို ပြုံးသွားမိသည်။
"တကယ်လား"
"တကယ်ပေ့ါ။ ကိုယ်ဘယ်တုန်းက ချာတိတ်ကို လ်ိမ်ဖူးလို့လဲ။ ကြည့်ပါအုံး။ ကိုယ့်ချစ်သူလေး ကို့ကို လွမ်းနေတဲ့မျက်နှာလေး။ ကို ချစ်လွန်းလို့ပါ။"
မိုးစက် ရှက်ရှက်နှင့် သူ့ကို တွန်းဖယ်ကာ
"တော်ပါ။ အခုမှ။ ခင်ဗျား ကျွန်တော့်ကို စိတ်ကုန်သွားရင် ကွာရှင်းဖို့ စဥ်းစားပြီးသားနော်။"
"ကိုယ် ချာတိတ်ကို ဘယ်တော့မှ စိတ်မကုန်ဘူး။ ကဲ ဒီနေ့ညတော့ တပတ်စာ အတိုးနဲ့ပေးဖို့ ပြင်ထားတော့နော်။ "
"ဟာ...ဘာတွေပြောနေုတာလဲ။ တော်ပြီ။ ခင်ဗျားနော်.။ တော်ရုံပဲကောင်းတယ်။"
"အင်းပါ။. တော်ရုံ တညလုံးပဲ။"
"နားရှက်စရာတွေ မပြောနှဲ့ဗျာ။"
နှင်းထန်သည် အရှက်ကြီးလွန်းသော ချစ်သူလေး၏ စကားသံကို အနမ်းဖြင့် ပိတ်ပေးလိုက်တော့ သည်။ ဒေါ်ပိုက ဘာလိုသေးလဲ လာကြည့်ရင်း ထိုမြင်ကွင်းကို တွေ့သော် ရှက်ရှက်နှင့် မီးဖိုဘက် သို့ ပြေးထွက်သွားတော့သည်။
~ ဆက်ရန်
