اندفعت الباب وطبوا جيش ورادوا ابوية من الفزة ختلت بين الحايط والكومدي وصارت عياطات وصياحات بين جدي وعمي والجيش واخذوا عمي بمكان ابوية قبل ليطلعون اجة علية واحد من الجنود وجان اكرع وعيونة كبار قرب وجهة من وجهي واني ارجف من الخوف باسني بخدي وكلي لتخافين احنة منأذيكم .... وراها ابوية رجع ع البيت وجدي حجالةالي صار وبعدين ماعرف شصار ماذكر بالضبط بس اذكر انو ابن عم ابوية جان يكره جدي وكل ولدة وسوة سالفه وجذبة في سبيل انو يدخل ابوية السجن وصدك وراها بمدة عمي طلع ودخل ابوية بمكانة واتهموا انو هو ارهابي لان عمي جان محتجز لفترة بين ميلقون القبض على ابوية ولمن لزموا طلع عمي .... بهاي الفترة امي مرت بمرحلة اكتئاب وصارت تبجي هواية واني من حمسة كلبي على امي جنت احضنها واكعد ابجي على بجاها بعدها بمدة كامت امي تمشي و على غفلة تتخربط وبس تستفرغ جانت جيرانة دكتورة صديقة العائلة اسمها نوال جتي فحصت امي وطلعت امي حامل المسكنة حتى فرحتها ما تمت لان ابوية مو يمها وحالتها زادت سوء وكامت متاكل وضعفت بس تتخربط حالتها ابد مو تمام ... راحت ايام وجتي ايام كمت ابجي على ابوية وابوية جان يكلة العمي جيبها اريد اشوفها مشتاقلها صرت اروح وية عمي اشوف ابوية واعرف هو انحكم ضلم جنت اموت الف موتة من اشوف الجهال ابهاتهم شايليهم وانقهر اكول ليش راح ابوية ليش اخذوا وجنت كومة ادعي انو يطلع لان مشتاقتلة وجانت امي تكلي ادعيلة لان انتي طفلة صغيرة الله يحبج ويستجيب دعائج جنت اروح واشوفه من بعيد جان اكو تيل هويلزمة وتيل اني الزمة يبعد متر او اكثر عنة جنت من اشوفة يوصيني على ماما وينطيني علاكة بيها نساتل وجبوسة وببسي جنت دائما احاول اضم دموعي عنة حتى ليشوفني ابجي كدامة ومن ارجع اطك من البجي مرت علية وعلى امي سبع اشهر بدون ابوية وبيوم من الايام اجة خبر انو راح يتم الافراج عن كل الي بالسجن وطرنا من الفرح واجة ابوية وامي بطنها عالية وشافتة ركضت علي تبجي وهو يبجي ويضحك واني ابجي والكل جان يبجي امي جانت تكلة متت بغيابك ماتحمل تعوفني بعد وراها جدي سوة ذبيحة واكلنا وكعدنا وابوية جان يسولفلنا عن الب مر بي وع التعذيب ولون جانوا يعاملوا هناك كام رفع التشيرت وطلع ضهرة كلة مشكك احمر وازرك ودم يابس كامت امي .......
وللحكاية بقية ...... يلا يلا اريد مشاهدات داكمل
