#الكاتبة_عسل
بعد ماعرفت انو ماما حامل الدنيا ماوسعتنا من الفرحة بس ماما جان وحامها قوووي حيل متتحمل لا ريحة ولا اكل وكلسع متخربطة لحد الاربع اشهر هي على هاي الحالة وجان الحمل شوية خطر ولازم ماما تضل كاعدة ومتتحرك وبعدين تمرضت وصخنت يبوو كومة صار بيها امراض بهذا الحمل دخلت بشهر الخامس جان جدي يكللها احنة نسواننا من يحبلن ميضلون كاعدين بالفراش روحي شوفيهم بطنهم عالية ويشتغلون ويمسحون المهم ضوجها بالحجي شوية .... كامت ماما ونضفت البيت تنضيف مو طبيعي عبالك وحدة ممصدكة بنفس اليوم صار عدها مغص كوولش قوي ضلت على هالحالة يومين وراها جتي بيبي (امها ) واخذتها للدكتورة فحصتها معرف شنو جان تكلها ماماتي الطفل ميت ابطنج هسة نسويلج عملية لان الطفل جبير ورة مسوولها عملية طلع ولد وامي هي وبالبنج بس تبجي وتصيح ابنيييي ابني حالها يبجي الصخر ورة مرجعوا للمغرب لازمتها بيبي وخالتي وابوية وراهم ومرت خالي كتلهم ها شبيها ماما لان اني مرحت ع المستشفى مرادوا يقهروني كالولي ماما طلعت مو حامل ماكو طفل ابطنها دمرتني هاي الحجاية واني ادري جذب والطفل مات هدت الاوضاع شوية .... وراها بشكم يوم بابا تعارك وية جدو وصارت صياحات وعياطات بسبب مشكلة ماكدر احجيها وجدو طلع من البيت زعلان وجانت هاي اخير مرة جدو يطب البيتنا وبابا نفسيتا اتدمرت ....
خلصت الخامس وبقت بس الامتحانات وبيوم من الايام جانت امي تنشر هدوم بالطرمة جان تدفع الباب مرة شكلها من ذني القويات جان تعيط بأمي (انتي شعندج ابيتي حرامية منو سمحلج تطبين ومنو انتي وشون دخلتي يلا كلكم تطلعون من البيت )وجايبة وياها رياجيل بيدهم من هذا الجاكوج الجبير الي يكسرون بي الحياطين امي كبل خابرت على ابوية ..... دقيقتين وصل ابوية ع البييييت وصارت مشكلة ويكلها هذا البيت مال وحدة مسيحية انتي جذابة وهي تكلة هاك شوف هذا الطابو مال بيت بأسمي وهو يحجي منا وهي منا يبووو اني طفلة ولعبت نفسي من هاي المشاكل شكد احاول انسى لو اتجاهل بس ماكدر ما عدا المشاكل بين امي وابوية لازم كل خميس وجمعة مشكلة
المهم كعد ابوية وياها وحجوا بعدين بهدوء وتفاهموا بيين ما اني اكمل امتحانات حتى نكدر نطلع وندور على غير بيت وهي هم اقتنعت
وكملت امتحانات وانتقلنا لغير بيت وكل هذا بعدنا بالمنصور بنفس المنطقة بس اليفرق فروع وكعدنا بيت اكبر وبي كراج يوسع ست سيارات وحديقة كللللش جبيرة وحديقه ورة البيت هم يعني بيت دبللل
همزين كعدنا ارتاحينا ورة كل هذا التعب وبيوم من الايام جتي بيبيتي على اميي جان تكلها بيت خالتج رجعوا روحي سلمي عليهم شونهم درة مال الله وخوش عالم امي كلتلها صارلي 12 سنة مشايفتهم شون ومدري شنو المهم بيبي قنعتها ورحنا هناك اول مطبينا اميي وبت خالتها تحاضنوا ووحدة بوست الثانية هاي تكول مشتاقتلج وهاي تكول اني اكثر لان همة صديقات الطفولة وبقينة يمهم ولحوا علينا الة نتعشة ...
راحت ايام وجتي ايام ورجعت العلاقة بين امي وبيت خالتها وصاروا اربعه وعرين ساعه يمنا والمشاوي والاراكل متخلص من بيتنا وراها جوي بنات خالاتها ثنين وحدة من عمان وجايبة وياها بناتها ثنين والثانية من الصليخ وعدها بنية و3 ولد وبيتنا صار ميفرغ ابببددا هاي رايحة وهاي جاية وكلهم مطلقات بس وحدة مزوجة وكاموا دائما يحتاجون بابا تعال ساعدنا احنة بمشكلة احنا بورطة طلق هاي وزوج هاي وساعد هاي ماكو هيج لزكوا لزكة ههههه مو طبيعيين يمعودين حسوووو مو لعبت نفسي حتى امي كامت تضوج منهم ومن تصرفاتهم وهمين بطلعان الروح يلا كدرنا نخلص منهم وكطعنا العلاقه بس بعديش بعد العركات وامي تطلع زعلانة وابوية يطلع زعلان وبيوم من الاييام .....يتبع
اريد مشاهدات حبابين ,,,حتى القصة مدتخلص ضجت ههههه
