#الكاتبة_عسل
واخيراً انتقلنا من البيت🏡 الى بيت اكبر🏘️ واوسع واحلى ومكانة افضل .. بس !!
مگعدنا بوحدنا ... جان اكو بيت بصف بيتنا ومشتركين وياهم بالحديقة والكراج ... يعني اذا نطلع برة يشوفونا
واذا طلعوا نشوفهم وهكذا .. !!
هنا اني عمري ١٥ سنة .. ومن اجة الدوام داومت ثالث متوسط بس جانت مرحلة دراسية كلشش صعبة ..
بطلعان الروح يلا نجحت وبمعدل مو كلش عالي يعني الكل انصدم ... ومنهم اني هه يعني عذورة الشاطرة تطلع هيج معدل لا لا لا منو يصدگ
*** نرجع اول ماكعدنا بالبيت
#الاحدااث
اول يوم داومت جانوا اهل البيت اليمنا مصارلهم هواية من كعدوا ... فـ دينضفون ويعزلون واني ..
جنت دائماً اسمع صوت ولد بس كلللش خشن صوتة ورجولي ... حرام نفس صوت عمي ايمن 😫😫
كلبي يرجف من اسمعه يحجي هو اني مشايفتة بس مدري ليش اخاف 🤔🤔🤔
بيووم من الايااام 😍😍 طبيت ع البيت راجعه من الدوام واشوف ولد شوية بعيد ابيضاني وشعرة اشگر .. وعندة كفشة ولحية خفيفة اني منتبهت علي زين ها وچان لابس تشيرت اسود همين 😀😀😀
بقة صافن علية واني ركض ركض طبيت للبيت مدري شصار بية 😂😂 ... طبيت ركض على امي كتلها يووم يووم يوم ....
كالتلي هاا شكو .. كتلها جيرانة عدهم ولد شكد حلو شعرة اشگررر وابيضاني .. كالت وين اكو 😐😐
عدهم بس ولد واحد اسمر املح اچلح شون شفتي مهند 😒😒 !!
اني ضحكت هههه كتلها شمدريني يمة 😅😅 يمكن الشمس ضاربة بوجهة وشفتة حلو طلعت من المطبخ اركض ... خوية عامر اركض **
بقت صورة هذا الولد أبالي وكلت لازم اعرف اسمة 😉 .. اجة اخوية الصغير وبلشت تحقيق ويااا ...
لان كل الاخبار الاريدها الگيها يم اخوية 🤣🤣 وطلعوا يصيحولة حمندلي بس ميدري اسمة احمد لو محمد 😂😂😂
طبعا اني من اسمة اخترعت وكلت خل يولي ههههههه وراها بشكم يوم صاحني ابوية 😐😐 💔
... يمة شيريد طلعتلة برة اركض .. هايابة صحتني .. اي بابا صعديلي للسطح قبل شوية شمرت مفتاح فوگ جيبيليا ....
صعدت اركض ادور ادور ماكو ... ادور ادور ماكو مديت راسي من السياج وابوية جوة 😂✋ .. اني ودنجت شفت هذا الولد ابو صوت الخشن حمندلي
واكف يم ابوية ورافع راسة ... خرب حظي اريد اكلة لابوية المفتاح ماكو انعگد 👅 لساني ... اني صافنة بوجهه وهو صافن بوجهي 😑😑
ياربي شون موقف ... بس استغربت من شغلة 🤔 ابوية معاط بية ولا شي .. رفع راسه جان يرفع ايدة ويلوح بيهن يمنة ويسرة ويضحك ..
جان يكلي بابا اني هنا ( ويأشر على نفسة ) مو هناك ( ويأشر ع الولد ) عزززة غير فشلة تمنيت الكاع تنشگ وتبلعني 😣😣 ... اشو الولد ضحك بصوت عالي يبووو
كتلة يابة المفتاح ماكو مدالگي .. بابا دوري زين .. ماشي يابة اني وانداريت لكيت المفتاح يم رجلي .. وهاي هم فشلة ثانية 😂😂
صارلي ساعه احلف واكول ماكو تالي طلع يم رجلي ... بس صدك من صفنت ع الولد طلع شعرة اسود واسمراني شون شفتة يخبل مادري 😅😅
.. المهم شلتة من بالي وخليت بالي بدراستي وصار فد شغلة عادية يعني .. بس مرات نتشاوف لو برة لو بشارع .. اصلا عاتي 😀😀
... بعدها تعرفت على بت عمتة هي جانت تجيهم وصارت صديقتي كلش .. تجي يمي ونكعد برة وكلش عادي ...
ونجحت من الثالث وخلصتة ... وصرت رابع علمي 😍 فديتني ... هالسنة احسن من العام بالدراسة ..
وماما وبابا هسة احسن من قبل ( قلت عركاتهم ) ... طبعاً شي طبيعي ماكو بيت يخلص من المشاكل شي طبيعي لازم تصير عركة 😂😂
اني دا اقرة واذب نفسي ع القراية اريد احقق حلمي وادخل كلية قانون او لغات انكليزي 😍 ماحب سوالف الحب والفستق 😂
اخوية صار سادس ابتدائي بس بالگوة يقرة راح يجلطنا ... ورفيف صار عمرها ٣ سنين شيطانة البيت وكحةةة وتموت ع المكياج والكعب 😂😍 جيل دعدع
وعمي بعدة كاعد يمنة 😒😒 ينتظر ورث جدي يلة يتزوج .. بس ما اكسر واهسة خلي على احلامة الوردية 😂😂
ولهنا انتهت قصتنا 😀😀 ...
مفتهمتوا شنو العبرة مو 😂😒
هسة اني اكلكم 😁
ــــــ العبرة ــــــ
انو الانسان لازم ما ييأس من الحياة ولو حتى لو جانت صعبة لان المؤمن مبتلى ...
رغم اكو ايام قاسية مريت بيها ... وبعض المواقف الي مذكرتها ... والي ما اكدر اذكرها ... ضليت واكفه على رجلي
مع العلم هسة صار عمري ١٦ هاي مو نهاية قصتي هاية بدايتها بهاي الدنيا ...
محد يعرف الله شضام النا وشراح يصير .. الانسان هواية يمر بضروف يمر بأيام حلوة وايام مرة ويعيش بفرح ويعيش بحزن ...
بس ابد الدنيا متوگف على موقف معين ... دائما بعد العثرات نكوم ونبدي بداية جديدة ونتعلم من اخطائنا ....
ماكو انسان معصوم عن الغلط بس اليغلط لازم ميعيد غلطة لا المفروض يتعلم ...
اتعلمت من هاي الدنيا انو ماكو شي يبقى على حالة لازم يجي يوم ويتغير بمرور الايام او الشهور او السنوات ....
وتعلمت الثقة بنفسي وعدم الانكسار وصرت انسانة قوية كد نفسي عقلي يوزن بلد ومحد يكدر يندگ بية ...
الانسان القوي كل الناس تهابه وتحترمة ... بس !!
الانسان الضعيف ميعيش بهاي دنيتنا القاسية ...
واتمنى تكونون استمتعوا بالقصة 😊😊
واسفه اذا ضوجتكم بشي او تأخرت بس شوية ضروف 🌸😐
وانتظروني بقصة جديدة ... 😉
