اسفه ع التأخير بس انگطع النت البارحة وماكو متابعين محد يسوي واهس 😂😂
صدك نسيت اكتب #الكاتبة_عسل😉
المهم واحنا وصلنا الحدود رجع انلزم ابوية بتهمة جديدة وهو سودة علية لايمها ولا عليها بس بسبب العداوة الي صارت بينة وبين ابن عمة نفسية امي تدمرت بقة ابوية فترة طويلة طويلة طويلة اخوية صار عمرة سنتين فد يوم عمي صار عندة شغلة ابغداد واصر على امي تروح ويا لان هي بغدادية واهلها هناك ونانتي ام امي خابرت وتوسلت بس امي مقبلت مدري شون وقنعوها وبيبيتي متدري راح نجي ولمن وصلنا البغداد وللمنطقه بيت بيبي ناس بسيطين على كد حالهم گاعدين بعمارة لمن صعدت امي واني وراها دتنزل بيبي دتجيب ببسي لان فعلآ انصدمنا جان النيشان مال خالي ونزلت جان تشوف امي ع الدرج ... جان تتخربط بيبي 😂😂 عايشين حياتهم بس يتخربطون ههههه لان صارلها 6 سنوات مشايفتها وامي اله شوية توكع من طولها شافت اخوها الصغير ديلبس مرتة نيشان مصدكت تكول هذا شوكت كبر كلها مصدومة الله واكبر 😂😂 الة اني شفت بت خالتي جنت اتذكر منها شي بسيط وكلش حبيتها لمن تعرفت عليها اكثر بقينة هناك يوم ورجعنا بس عشت احلى يوم وراها رجعنا للموصل ابيت جدو .....
بيوم من الايام جانت شتا وباردة اجة عمي على امي ولطش احميلي كتلي مي حار دا اغسل لان بوكتها مجان اكو سخان كلة يحمون جداري وكتليات حتى يغسلون بالشتا وبيومها عمي لزكلها الامي وامي تكلة يابة دطير هستوني كعدت ميتة تعب همة بنفس الاعمار ومثل الاخوة وميانة عادي يعني جان امي ترزلة وكلتلة متروح انتة قابل متعرف تحط مي ع النار ههههه وفشلتة ومنشوف الا بهاي الاثناء طب ابوية ..... يااااا يابة شون بوكتها صارت مفاجأة بحيث مداصدك هذا ابوية شون متغير شكلة وعندة لحية هههه كلنا استقبلنا احلى استقبال وجدي ذبح خرفان وصار الليل واحنة كلش تعبنة من العالم كلها تجي تزور ابوية احنة اسبوع كامل بيتنا ابد مفرغ من العالم وخلص الاسبوع واتذكر اجة عيد ميلاد بابا بس هوة ناسي وميتذكرة بقه براسة عيد ميلاد سودة علية هههههه ......
وجااان ماما تسويلة مفاجأة جابت نفس شكل الكيكة مال نيشانهم وردية على شكل قلب جبيرة وطفينا الاضوية وعلكنا شموع ورحت اني ركضت على بابا كتلة انزل انزل جدو صاير عصبي ويريدك بسرعه ههههه هبطتة خطية من اني صغيرة مشعوذة وبس نزل طب للهول كلها صاحت (هااابي بييييرذ دييي توو يووو )هههههه وبابا جان بحالة صدمة ميعرف شيسوي طفه الشموع وكلها حضنتة وبوستة عايدنا وكلمن راح الغرفتة ,,,
#تسريع_الاحداث
مختصر مفيد اول ست سنين من عمري مشفت ابوية ولا شبعت منة بس الله ميعوف عبدة وتجيكم الاحداث
مرت ساعات وايام واشهر وبابا اضطر انو يطلع من الموصل لان الارهاب يريدوا واني صرت اول ابتدائي وداومت وية مرت جدو وجنت شاطرة وكل يوم اروح لابسة كوستم شكل طبعا لان اني بت المعلمة محد يكدر يحجي وياية خاصة انو كل المعلمات مدرسين بابا من جان صغير هههه وكلهم يحبوني على محبتة
واذكر جنت من ماعرف هي مرت جدو تضربني بالعودة على ايدي لان جانت تدرسني عربي ورياضيات خررب بالحظ ههههه بس جنت مدللة بالاكل كلة دولمة وبرياني اكعد بغرفة المعلمات واذكر مرة الفشلة الزينة كومتني كلتلي كتبي ع الصبورة (دق) ههههههه وصفنت معرفت اكتبها ع الصبورة استحيت من الجهال هههه الفشلة الزينة والله وعبرت نص السنة بتفوق بس بأخير السنة ممتحنت لان ماما كلتلة البابا مداتحمل اريد اجي يمك وكامت تبجي وتكول اني اشفت من حياتي وياك اشو بس دمار وتعب وقهر
ملاحظة: بابا راح كعد ابيت خالي ابغداد علمود الشغل لان طلع من الموصل
نرجع نكمل وتاالي ممتحنت لان سافرت البغداد وجانت هاي اخير مرة شفت الموصل بيها عشت بيها ست سنين من عمري بيها ضحكت وبجيت وفرحت وانقهرت بهاي المدينة وبهذا المكان وبهذا البيت اشكااال الوان عشت بي شغلات واحداث وعفت صديقاتي واصدقائي لحد هسة ماعرف عنهم شي مع الاسف شون دنيا دوااارة ماكو شي يبقة بمكانة ماكو شي يبقه نفسة وسافرنا البغداد ورحنا كعدنا ابيت خالي ووصلتني الشهادة مال اول ابتدائي ناجحة الاولى ع الصف هههه شكد كيفت بوكتها كلة عشرات هههه ...... يتبع
