#الكاتبة_عسل
وجانت الصدمة انو بابا راح ياخذنا لأربيل عااا وصعدنا بالسيارة ومرة ثانية باوعن ع البيت واحنا نبتعد عنة .....البيت الي عشت بي ايام حلوة ومرة بجيت وضحكت انقهرت وفرحت ولمن طلعت احاسيسي ومشاعري تخالطن ومن الانسان ميكدر يعبر عن الي بداخله ويعجز اللسان عن الوصف يبجي بوكتها بجيت وعرفت انو بعد مراح اشوف البيت ولا المدرسة ولا الصديقات صدك شعور محلو من الانسان يعوف حياتة المتعود عليها ويبدي حياة جديدة .....
وأخيرا وصلنا لأربيل وصعدنا جبل عالي على طولة كلها اشجار والشوارع كلها صعدة ونزلة مو عدلة هههه بقينة اسبوع بأربيل وخلال هذا الاسبوع بدت المدارس ابغداد واني المفروض رابع بس مدرست هناك وملحكت انقل اوراقي المدرسية لان اجا تلفون البابا انو لازم نرجع البغداد ... وثاني يوم من بعد التلفون رجعنه البغداد بس يافرحة الما تمت مرجعنة البيتنة رحنة البيت بيبي ام امي وبقينا اسبوعين لان حرمت علينا دخول العامرية بسبب التنظيم الارهابي الي جان يكرهنا احنا العشيرة مدري ليش ولو هو التنظيم ميحب احد هههه وبعد هاي الاسبوعين بابا كال لمو غراضكم دنروح البيتنة الجديد طبينا للبيت وابد محبتة ولا ارتاحيتلة كلش قديم ويخوف وبي رطوبة بالمناسبة نسيت اكول احم احم (كل الاحداث الي صارت لعبالكم احنة عائلة متكونة من ام واب واولاد بوحدنا هههه لا لا عمي وجدي عاشين ويانا من اول مأجرنا بالعامرية ) فد يوم نايمين وكعدنا الصبح فتحنا باب المطبخ وجان نلكي دجاجة بالحديقة صغيرة وحلوة ههه كل يوم تبيض بيضه صغيرونة واحنا يومية نشيلها يوم اني اكلها يوم اخوية وهمزين شوية هاي الدجاجة غيرت من نفسيتي والتهيت وياها ههههه دجاجة مخبلة حتى دجاج تاكل وبابا بالكوة قنعني اداوم لان مقبلت كمت ابجي واعيط لو مدرستيي القديمة لو ماداوم وقبل نص السنة بشهر مدري بشهرين يلا داومت وبابا رجع اشتغل بالدولة.. وتعودت شوية ع الدوام وصارت مدرستي مختلطة لان قبل جنت بس بنات شوية تغيرت نظرتي للعالم الخارجي بالنسبة الي ....
نوعا ما كدرت انو اتعود ع البيت بقينة كاعدين بالبيت بكل هدوء وراحة بس !!! بيوم من الايام جتي ام البيت يمنا خطار وكالت لأبوية انو تريد تهدم البيت وتبني من جديد بطريقة حديثة وكالتلة انو ورة متبني البيت اول شخص يكعد بي هو انت وبابا اقتنع لانو المرة تريد بيتها بعد كعدنا تقريبا شهرين بالبيت بين ما بابا لكة بيت نفس نفس البناء مال بييت الكاعدين بي نفسسسة بس شوية انضف واجدد واخذنا للبيت بس مو ايجار لان المرة بدبي ومحد يعرف منو المسوؤل ع البيت .. فأعتبروا بيت مال دولة واخذة بابا وكعد بي وطبعأ جبت الدجاجة ويابة ههه بس شنو الدجاجة جانت مبيضة وراقدة ع البيض متكدر تكوم شلناها هية وعشها سوة وكعدنا بأول اسبوع جانت بادية امتحانات اخير السنة وعندي اخير امتحان والي هو رياضة رحت امتحنت ورجعت بالرجعه مالتي فتحت الباب ودخلت لان مدرستي قريبة ارجع مشي طبيت ولكيت الدجاجة ماكو بس ريشها بالكاع ودمها بكل مكان وحتى البيض ماكو باقي شوية من الكشر ... بجييييت بجي يبووو يومين اني ابجي واعلنت الحداد عليها وكلها تصبر بية من اهلي هههههه
جتي الشهادة اول يوم العيد والصدمة انو جانت درجة الراضيات 9 مو 10 بس ليش اني كلة جاوبتة بس هي من البداية ام الرياضيات تكرهني لان اني اشطر من بتها وبتها ثولة ههههه والله يا الله عالم مدري شون تفكر ..... بس ابوية مدار بال وكال اعتبرها 10 انتي شاطرة وادري بيج ومن هالحجي ونجحت للخامس بس بعدني بالعطلة جان نكتشف انو ماما حااامل لولولوليييش واخيرا راح يجي طفل يغير النا جو البيت الكـأبة كلت بكلبي ...
يتبع .... اريد مشاهدات يلااا جاية احداث صواريييخ
