بجت اختي رجع الدم يمشي بجسمها عاطت وضلت تبجي وتباوع بالوجوه جوي بيت خالي وبيبتي كلهم ع المستشفى وطلعت من المستشفى اني كعدت برة وكلهم داخل المستشفى بقيت ابجي واحمد الله وراها بشوية طبيت بابا كلي رجعوا ع البيت وة خالتكم وباجر الصبح نرجع لان اختج لازم تبقه بالمستشفى وعندج دوام باجر اني مقبلت ارجع كتلة ابقى يم اختي بس مقبل ..... المهم رجعت وكعدت ثاني يوم داومت من رجعت لكيتهم راجعين ورفيف زينة مابيها شي ومرت على هاي الحادثة ايام ,,,,
وراها اجة عيد ميلاد رفيف وقرر عمو انو هو يسويلها حفلة بما انو اول عيد ميلاد الها .... بالمناسبة عمو كام يحب رفيف من يوم الحادثة مالتها مو بس يحبها يعشقها كلمتها متصير ثنين والتريدة يجرالها
بعدها بأيام بابا كال لازم نتيل لغير بيت الحكومة تريد هذا البيت ومدري شنو ورجعنا لنفس دوخة الراس هنا اني نجحت للثاني متوسط بعد بحث طويل بابا لكه بيت بنفس المنطقه بس شون بيت الله ليراوي لاحد مدري لان اني متعودة على بيوت كبار وهذا بيت صغير بس الهول شوية جبير بس باقي البيت مطبخه صغير الغرف صغار ما اكلكم ولا تكلولي سنة مطولنا بي ملياااااااان ارضه لا وفوكاها مسكوووون حظي الاغبر مسكون والجني ميعجبة يكعد الة بغرفتي خرب بالحظ راواااني الويييييل يدك ع الكنتور يحرك اللعابات يفصل التلفون من ع الشحن يطفي نقطة الكهرباء ع الحاسبة لا وفوكاها تجر الغطة عن اخوية وتكرصني برجلي لعبت بينة جولة طبعا باخير اسبوع كعدنا بالبيت جبنا شيخ طلعها من البيت كال جنية مو جني عمرها 3 سنين فوك القهر جانت اختي تلعب وياها وتصيحلها جوجو عشت اقل السنة برعب رعب رعب ههه ماكدر اختصر هواية مثلا جانت تروح يم امي بشكلي مفتهمتوا قصدي مو اوكي !!!
مثلا مرة جنت كاعدة الصبح طبيت كعدت بالمطبخ يم امي كتلها صباح الخير جاوبتني صباح النور يلا طبي ع الحمام كتلها اي هسة راح اطب اندارت حطت القوري ع الطباخ رجعت اندارت ع الميز جان تكلي يمة اسم الله شجابج هنا كتلها شنو شجابج اني مو كاعدة قابل وين رحت كلتلي هستوج كمتي مشيتي من يمي وطبيتي ع الحمام كتلها لا والله بعدني على نفس كعدتي ولا تحركت .....
المهم ماريد اذكر بعد اووي الله ليعيد هذيج الايام
شلنا واخيرا من هذاااك البيت لولولولوليييش
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
