يطلع هتان من غرفته بعد نص ساعه ويشوف ريناد جالسه على الاريكه وعندها شناطها.. اخذ مفتاح سيارته ولبس نظارته وقال وهو يمشي للباب: يالله..
•
قامت ريناد بدون ماتتكلم ولبست شنطتها الظهر وشالت شنطتها الكبيره ولحقته..
مد يده هتان عشان يأخذ الشنطه الكبيره منها بس ريناد طنشته وطلعت من الشقه واتجهت للمصعد..
•
ابتسم هتان لحركتها وناظر ليده الممدوده وقال بصوت واطي: يعنني زعلانه..
ودخل معها بالمصعد وهو يناظر لجواله..
ناظرت ريناد لجواله وتنهدت يشبه جوالها وبعدين ناظرت لشنطتها عقب شهقت يوم فتح المصعد وطلعت بسرعه ورمت الشنطه الكبيره على الارض وفتحتها..
•
هتان مطير عيونه مستغرب وش جاها ذي تفتش اغراضها بالممر والناس تمشي..
طلعت ريناد كرتون صغير من بين الملابس وضمته وهي تضحك وتقول : كنت ناااسيته.. ماطرى على بالي ابد..
قرب منها هتان وقال: ايش هو؟؟
•
فتحته ريناد وقالت: ذا الجوال من تركي..
عقد حواجبه هتان وقال: ومين تركي ذا؟؟ تقولين ماتعرفين احد.. من وين طلع ذا التركي..
تلعثمت ريناد.. وش ترد عليه.. هي خبله كل شوي تزل قدامه.. وقالت بتردد : تركي ذا اخو صديقتي..
•
ضحك هتان وقال: وتقولين ماعندك اصدقاء..
قامت ريناد بعد ماسكرت شنطتها بعصبيه وقالت: وانت شكوو عندي والا ماعندي..اووف..
فتحت الجوال وهي تسحب شنطتها وراها والشنطه اللي على ظهرها والجوال وحوووسه شكلها وهي تمشي..
•
ضحك هتان على حالها وقرب منها بحركه سريعه وسحب منها الشنطه الكبيره واسرع قدامها وهو يقول: انتظرك بالسياره..
شهقت ريناد انه خرعها عقب ابتسمت ورجعت تناظر لجوالها وهي تمشي.. فتحت الاستديو.. وشافت صورهم اللي نقلتها من جوالها القديم
•
وقالت بحزن: اشوا اني نقلت نص الصور والا اللحين ضاعت كل ذكرياتي معهم.. غرقت عيون ريناد وهي تشوف ابوها واخوانها وساره.. وقفت قريب من السياره بس مادخلت وهي تتصفح الصور ..
•
ضغط البوري هتان وانخرعت ريناد كانت ساهيه وناظرت له وقالت: عمى.. كل شوي تخرعني..
اختفت ابتسامة هتان وهو يشوف دموع ريناد وقال: اسف ماكنت اقصد..
ابتسمت ريناد ومسحت دموعها وقالت: لااا دموعي مو انك خرعتني.. بس الذكريات توجع..
•
ركبت ريناد بجنبه وقال هتان بتردد: الجوال باين جديد.. كيف صارت به ذكريات..وبه شريحه؟؟
تبتسم ريناد بحزن وهي تمرر اصبعها على تفاصيل وجه ابوها وتقول بدون وعي بصوت واطي: لا مابه شريحه بس نقلت الصور به.. كأني حاسه اني بفقد جوالي الاول.. لو تدري به كان كسرته بعد..
•
غمض عيونه هتان وعصر المقود منقهر من امها.. ليش تسوي كذا.. ريناد ماتستاهل اللي يسوي بها كذا..
ورفع صوت المسجل وقال بصوت عالي: مدرسة الامبراطور؟؟
•
تقصر الصوت ريناد وتقول: يعني تبي تسولف .. تعلي الصوت لييش.؟؟ عشان تصارخ مثلاً؟؟
يضحك هتان ويقول: ايه.. مشتهي اصارخ..
ترجع ظهرها ريناد ع الكرسي وتقول: صارخ على كيفك.. السياره سيارتك والحلق حلقك.. وانا وش دخلني؟؟
•
يبتسم هتان ويقول: ايوه بالضبط.. واللحين جاوبيني.. مدرستك الامبراطور؟؟
ريناد بتفكير: الظاهر اسمها كذا.. ماعطوني اوراق.. على اساس اوراقي كلها مكتمله هنا..
هتان يبتسم بسخريه ويقول: واللي سجلك منو؟؟ اذا ماعندك اهل ولا اصدقاء؟؟
•
تقلب عيونها ريناد وتقول: سألتك عن اهلك؟؟؟ عن اخوياك؟؟ عن حياتك الخصوصيه؟؟؟ لاااا يعني رجاءً زي ماحترمت رغبتك احترم رغبتي..
يرفع هتان يدينه باستسلام ويقول: طيب طيب براحتك..
هذي المدرسه يالله تعالي.. وخلي شنطتك هنا لين نشوف اسمك هنا والا لا..
•
تومي له ريناد وتنزل وراه وهو يدخل المدرسه وكل الانظار عليه لأنه انيق وباين الغرور على وجهه.. نظرته متعاليه.. وريناد كانت تتأمل المدرسه..
سال هتان عن مكتب المدير ودلوه عليه.. وصل له هتان ولقى السكرتيره على مكتبها وتجمع ملفات وترتبهن..
•
ضرب باصبعه على الطاوله عشان تنتبه السكرتيره وقال: مرحبا....>>
ملاحظه>>**( ((اذا كانوا يتكلمون مع اجنبي بيكون بالفصحى واذا مع عربي بيكون بالعاميه)))
السكرتيره: أهلا سيدي.. مالذي تريده؟
•
هتان: نحن هنا من أجل تسجيل هذه الفتاه.. من المفترض ان تكون اوراقها جاهزه منذ زمن..
السكرتيره: هل لك ان تعطيني اسمها سيدي..
هتان يناظر لريناد ويقول: هويتك لو سمحتي..
تطلع ريناد بطاقتها الشخصيه من شنطتها وتعطيها هتان..
•
يعطيها السكرتيره ويقول: تفضلي..
تبتسم له السكرتيره باحترام وتناظر للاسم وتدوره بين الاسماء الموجوده عندها..
ابتسمت بذنب وقالت: أنا آسفه سيدي ولكن لايوجد هذا الاسم هنا..
•
ناظر هتان لريناد اللي تغيرت ملامحها.. وتفكر انه معقوله حتى حرموها من المدرسه..
ابتسم لها هتان وقال: لا عليك.. هل لي ان اقابل مدير المدرسه من فضلك.. انه امر هام..
توميء له السكرتيره وتقول: دقيقه من فضلك..
•
يناظر هتان لريناد ويقول: بدخل عند المدير انتي خليك هنا.. زين؟
ريناد: طيب بدخل معك..
هتان: لا مايحتاج.. انا بشوف ليش مالقوا اسمك وكذا.. ماعليك..
•
تبتسم ريناد له وتقول: مررره شكرا هتان..
يبتسم لها هتان ويقول: لسى ماسويت شي..
تطلع السكرتيره وتقول: تفضل سيدي..
يدخل هتان للمكتب ويسلم على المدير ويخبره بالموضوع..
•
المدير وهو يناظر للملفات: اعذرني سيدي ولكن لايوجد لها اسم ابداً.. هذه هي السجلات للمستجدين ولايوجد اسم ريناد بهن..
هتان يتنهد بخيبه ويقول: ارجوك سيدي ابحث جيداً.. هي بالفعل اخبروها اهلها انه تم تسجيلها هنا ولايوجد لها مكان اخر تمكث به غيره هذه المدرسه..
•
المدير: اتفهم الموضوع سيد هتان ولكننا بالفعل بحثنا بكل السجلات ولقد اخبرت السكرتيره بأن تبحث ايضاً.. لعلنا نجد شيء..
تطرق السكرتيره الباب وتدخل وهي تقول: سيدي لقد وجدت إشعار إلغاء تسجيل باسم ريناد..
•
يعقد حواجبه هتان بصدمه ويقول: مااااذاا؟؟
تمد السكريتره الورقه لهتان وتقول: لقد تم إلغاء تسجيلها وسحب المبلغ المدفوع.. لذلك لا يوجد لها اسم هنا..
يرجع راسه هتان لورى ويقول: يلعن شكلهم.. قطوعها خير شر.. وش هالعايله هذي..
•
وناظر للمدير وقال: شكرا لك .. لقد أخذت من وقتك الكثير.. انا اسف..
يبتسم المدير ويصافح هتان ويقول: لاعليك سيدي.. نحن بالخدمه..
يناظر هتان للسكرتيره ويقول: هل علمت الفتاه بالامر؟؟
تهز راسها بالنفي وتقول: ليس بعد سيدي..
•
هتان: سأكون شاكر لكي ان لم تخبريها ابداً..
تبتسم السكرتيره وتقول: كما تشاء سيدي..
يطلع هتان ويقول لريناد: ضيعنا وقتنا على المدرسه الخطا..
تناظر له رينادمستغربه وتقول: لا مو خطا.. هم قالوا اسمها كذا..
•
يسحبها هتان معه ويقول: ايه.. قال لي المدير ان صار عندهم ضعط.. ونقلوا اغلب الطلاب لمدرسة اليكسندر..
ريناد تقول باستغراب: اليكسندر؟؟؟
هتان وهو يحاول يطلع كذبات ويقول: ايه هنا كان السكن زحمه.. ومالك مكان.. واهلك الله يلعنهم.. اووه اقصد الله يعينهم.. عشان ماتسكنين برى المدرسه نقلوك لمدرسة اليكسندر..
•
وقال بضحكه: واللي بالصدفه تصير مدرستي بعد..
ريناد تفكر بالموضوع مادخل مخها.. وش امبراطور وش الكسندر.. وش السالفه..
دخل هتان سيارته وقال يوم ركبت ريناد: الكسندر ذي مجمع بها مبنى للمتوسط ومبنى للثانوي ومبنى للجامعه.. كلهن يجتمعون بسور واحد.. مبنى الكسندر فيرست الاول والثاني وهكذا..
•
ريناد بضياع: طيب ماقالوا لي..
هتان بصوت واطي: ملاعين..
ريناد تناظر له وتقول: هه؟؟ وش قلت؟؟
هتان بابتسامه: قلت الله يعين..
.................................
•
في السعوديه>>
ساره بغرفتها مضربه عن الطعام .. والشغاله تطق الباب عليها وتقول: ساره بابا يقول لازم انتي ياكل..
ساره بصوت عالي: ماراح اكل ابي امووووت..
•
الشغاله: لايسوي جنجان.. كول يالله..
ساره بعصبيه: ميري انقلعي عني لا أحط الحره فيك ..
تبزم الشغاله وتمشي وتخليها..
يدق الباب على ساره وتقول ساره بصراخ: ميري ياااازفت قسم ان طلعت دقيتك..
يضحك ابوها ويقول: يالعوبا.. افتحي هذا انا مو ميري..
•
تحضن دبدوبها ساره وتقول بزعل: مابي افتح.. انت ماتلبي طلباتي.. ماااتحبني..
يبتسم ابوها ويقول: ماعاش اللي مايحبك حبيبي انتي.. افتحي ومايصير خاطرك الا طيب..
•
تروح تفتح ساره الباب وتناظر له بزعل وهي ماده بوزها بدلع.. يمسك بوزها ابوها ويقرصه خفيف بمزح ويقول: يممممه فديييت الزعلانين.. اللي مسوين اضراب عن الاكل وهم توهم جايين من مطعم..
تطير عيونها ساره وتصد بوجهها عن ابوها.. هي صدق جايه من مطعم وتضحك عليهم على اساس انها مضربه عن الاكل..
•
وقال ابوها: تبين تسافرين وتخليني؟؟ وانا وش يصير بحالي؟؟
ساره وهي ماده بوزها: مو صاير بحالك شي.. عندك اخواني واخواتي.. ريناد محتاجتني بابا.. الكل تخلى عنها.. تبيني حتى انا اتخلى عنها؟؟
ابوها: ودراستك؟؟
•
ساره تحضن ذراع ابوها وتقول: اسجل هناك وادرس.. واوعدك اول مايتحسن وضع ريناد نرجع..
ابوها يضمها ويقول: البلا اني ماقدر ارفض لك طلب.. تم يالله بكمل السكرتير يسوي لك الاجراءات.. ويسجلك بالمدرسه بعد..
•
تضمه ساره وهي تقامز وتقول بصرااخ: يسلمووو يسلمووو يااااا احلى اب بالدنيااااا.. فديتك وفديت روحك ياروووحي..
يضحك ابوها بقوه ويقول لها: يالعياره.. توك زعلانه وتقولين ماتحبني.. هاللحين صرت احلى اب؟..
•
تدفن ساره وجهها بصدر ابوها وتقول: ايوه احلى اب بالدنيا عندك مانع..
يحاوطها بيدينه ويقول: لا ماعندي مانع..
يبوس راسها ويبعدها وهو يقول: بروح اكلم السكرتير ينظم امورك..
تبتسم له ساره وتقول: وانا بجهز نفسي..
•
يضحك ابوها ويقول: مو بهالسرعه حبيبي.. التسجيل يبي له كم يوم والفيزا كذلك.. يالله عن اذنك..
ساره بخيبه: اذنك معك..
كانت مفكره ان من يوافق ابوها تركب الطياره وتروح لريناد مادرت عن الاجراءات اللي بتصير..
•
اخذت جوالها ودقت على عزوز وقالت يوم رد: ترى ابوي وافق وكلم سكرتيره يسوي اوراقي.. اذا فيك روحه جهز حالك..
عزوز وهو فيه نوم: الناس تقول السلام .. مرحبا كيف الحال.. مو على طول تدخل بالموضوع.. على الاقل قولي الووو...
•
ساره تقلب عيونها وتقول: والله انك فاضي... تبي تروح والا لا.. ترى انا بديت أتجهز.. انتظر اوراقي تخلص..
عزوز وهو يتثاوب: ايييه برووح وعامر بكره يطلع لي فيزا.. وحجز التذاكر خليها علي عشان تكون رحلتنا مع بعض..
•
ساره وهي تطلع اغراضها من الدرج وتحطهن على السرير عشان تشوف وش تأخذ وش تخلي وتقول: صاحي انت؟؟؟ اقول لابوي بروح مع عزوز اخو ريناد .. هو بيحجز لي عشان يقول انثبري بالسعوديه مافي سفر..
عزوز: أجل كيف بالله.. نروح مع بعض..
•
ساره: انا بسأل سكرتير بابا.. اذا بيحجز يعلمني واقولك تحجز معي اوك.؟!
عزوز يتنهد ويقول: اوك..
ساره: يالله ضف وجهك..
يطير عيونه عزوز وهو يسمع انها قفلت بوجهه..
وقال: شف الحيوانه ماتحترم..انا اوريها..'
..............................
•
في امريكا>>
وصل هتان للمدرسه ودخل على العميد لحاله وخلى ريناد برى عشان ماتدري باللي يصير..'
ريناد يوم قالت له بدخل معك قال لها مايصير ممنوع لازم شخص شخص بس يدخل عليه ذا النظام.. وصدقته ريناد بما انها مدرسته ويدري بنظامها..
•
هتان يجلس قدام العميد ويقول له سالفة ريناد انه بيسجلها هنا للدراسه والسكن..
العميد: نأسف لذلك هتان.. لايوجد حيز لطالب آخر..
هتان: ارجوك حاول سيدي.. وسأدفع لك المبلغ اللذي تريده..
•
العميد: إن المسأله ليست مسألة اموال ياهتان.. ان سكن الطلاب ممتليء بالفعل.. كل غرفه يوجد بها طالبان وسريران ولايوجد مكان لطالب اخر..
هتان: اذن لاداعي للسكن انا فقط اريدها ان تدرس هنا.. سوف اتدبر امر سكنها لاحقاً..
•
العميد وهو ينظر للاوراق ويقول: من الممكن ان نسجلها لدينا .. لكن امر السكن مستحيل..
هتان: الدراسه هي الاهم.. وسوف ادفع لكم مقدم..
العميد بابتسامه: لا عليك هتان.. نحن نثق بك.. انت لم تتاخر بدفع اقساطك ابداً.. ولكن سوف يكون اقساط الطالبه ريناد خمسون الف للترم الواحد..
•
هتان بسخريه: انت تستغلني ياسيد..
العميد بنفس الابتسامه: انت أتيت متأخر ياهتان.. وانا سوف افعل مابوسعي لإيجاد مكان مناسب لها..
هتان وهو يوقف ويقول: حسناً.. لايهم... انا موافق.. ولكن لا اريدها ان تعلم انني من دفع اقساط دراستها..
العميد وهو يقف ايضا : لا عليك.. لن نخبرها بشيء..
ابتسم هتان وقال: اذن وداعا ..
•
طلع هتان وقفزت ريناد قدامه وقالت بحماس: هااه وش قال؟؟؟ لقى اسمي؟؟
يضحك هتان ويسحبها معه يوم سمع ضحكات الطلاب على حركاتها وقال وهو يمشي: ايه لقوا اسمك.. بس الشي الوحيد اللي مالقوه لك.. هو مكان بسكن الطلاب..
•
شهقت ريناد وسحبت يدها وقالت: وين اسكن طيب؟؟؟
هتان يرجع يمسك يدها ويسحبها معه ويقول: المهم ان اسمك موجود.. للدراسه والسكن يقولون اذا صار في مكان يحطونك..
وأشر على مبنى بجنب المبنى اللي طلعوا منه وقال: هذاك المبنى حقنا.. اذا بغيتي شيء تلقيني هناك..
•
ناظرت له ريناد وتنهدت وتجاهلت سالفته وقالت: يعني مافي سكن.. وشلون يعني ادور شقه قريبه للمدرسه؟؟؟
يناظر لها هتان ويقول: ليش شقه قريبه؟؟ بتسكنين معي.. حنا بنفس المدرسه..
•
تضحك ريناد بسخريه وتقول: وأعيش بالصاله؟؟؟ لا لا شكراً.. انت سويت الكثير لي وانا شاكره لك مواقفك معي.. بس مابي اكون ثقيله عليك اكثر من كذا..
•
طلعت شنطتها من السياره وقالت لهتان اللي يناظر لها بدهشه وكملت: انت سويت اللي عليك وجبتني للمدرسه وكملت اجراءات التسجيل .. يعطيك العافيه ماقصرت..
هتان تختفي ابتسامته ويقول: ايوه وبعدين؟؟
•
ريناد: بعدين خلاص.. بدبر حالي انا.. مانت ملزوم فيني .. مشكور على كل شي..
يمد يده هتان بيسحب الشنطه من ريناد بس ريناد وخرتها عنه وقالت: تقدر تعيش حياتك زي ماتبي بدون اي التزامات مع شخص دخيل عليك.. اتكلم جد انا.. مامزح وفرصه سعيده هتان.. اللي خلتني اقابل شخص مثلك.. وان شاءالله بنتقابل دامنا بمدرسه وحده..
يالله سلام..
•
هتان من الصدمه ماتكلم.. وين بتروح وين بتجلس وليش اختارت انها تبعد.. مابينت اني متضايق منها.. بالعكس.. وجودها بالشقه مسوي جو ثاني..
انتبه ان ريناد مو قدامه.. مشت.. ناظر يمينه ويساره يدورها وركض للممر الرئيسي يدورها ومالقاها.. وقاال وهو يلهث: ويين راااااحت؟؟؟
وغمض عيونه ومسك شعره وهو يقول :حتى جوووال ماعندهااا..
التفت وراه وهو يدور عليها وقال بصوت عالي: ريناااااااااااد..
....................
أنت تقرأ
Renad ~ ريناد
Adventureقرب عزوز بخوف وقال: وش تاخذونها.. وين تاخذونها وليش؟؟ تناظر له ساره بطرف عينها وتقول : وانت قاط اذنك عندنا؟؟ وش دخلك؟؟ تبتسم ريناد وتقول: ماياخذوني على طول .. بس اليوم سارون عازمتني.. عزوز يبلع ريقه بصعوبه ويقول: ومتى ترجعين؟؟ ترفع كتوفها ريناد وتقو...
