رجع هتان لشقته بعد مافقد الامل انه يلقاها..
دخل شقته ورمى المفاتيح على الارض وضرب المزهريه اللي على الطاوله وقال بعصبيه: غبيييييه..
طلع جاسر من غرفته وقال: خييير خييير وش صاير بعد؟؟ بس تتهاوشون..
•
ناظر له هتان والتفت ورى يدور احد ثاني يقصده جاسر وقال: نتهاوش انا ومين؟؟
جاسر وهو يلبس ساعته: انت وريناد.. لحد من شوي قبل تطلعون وانتم متهاوشين واللحين بعد..
•
هتان يجلس على الاريكه ويحط اصابعه على عيونه ويقول: تركتني.. رااحت..
يعقد حواجبه جاسر ويناظر للشقه يدورها ويقول: تو تقول غبيه لميين؟؟
يتنهد هتان ويقول: لريناد..
•
جاسر يحرك بؤبؤة عينه يمين ويسار ويقول: اللي هي وينهي؟؟
ينفخ هتان ويقول: يااااغبي ياتنكه.. اقولك رااااحت تركتنااااا..
يبزم جاسر ويقول : مافهمت بس ماعلينا.. مو لازم افهم.. بس وين راحت؟
•
هتان بعصبيه: تصور اهلها مرسلينها لامريكا بدون مصروف بدون اي وسائل اتصال.. وملغين تسجيلها بالمدرسه.. تصوور.. يعني هم يبون الفكه منها... ارسلوها هنا وماتعرف احد ولا معها شي تدبر نفسها فيه..
جاسر يقلب عيونه لان هتان ماجاوبه وقال: وين راحت طيب؟؟
•
هتان بنفس العصبيه: سجلتها بالمدرسه على حسابي بس ماعلمتها.. خفت تحسس من السالفه.. بس من خلصت التسجيل قالت بدبر نفسي ومانت ملزوم فيني وهالخرابيط..واختفت...'!!
•
جاسر بهدوء: طيب معها حق.. انت قلت لها قبل تروح امشي للمدرسه عشان افتك منك.. يعني بالله تدوس على كرامتها وترجع معك؟؟ مثلاً..
هتان يناظر لجاسر ويقول: انااا قلت كذااا؟؟؟
جاسر: اييه يوم تتزاعلون وهي ردت عليك وقالت احسن بعد وش بفقد نومة الصاله مثلا ومدري ايش..
•
يضرب راسه هتان وهو يتذكر انها قالها وقال لجاسر: انا كنت متنرفز مو قصدي اجرحهاا..
جاسر يجلس على الارض ويلبس نعوله ويقول: عاد انت تعرف حساسية البنات.. وخاصتا هالبنت احسها حساسه حيل من هالناحيه يعني ماتعرفك وجالسه بشقتك اكيد بتقول انها ثقلت عليك ومن هالكلام..
•
يغمض هتان ويرخي راسه على الكنبه وراه ويقول: هي فعلا حساسه من هالناحيه وتحسبني اقصد اني فعلا بفتك منها مثل اهلها..
جاسر يقوم ويقول وهو ياخذ جواله ومفاتيحه من على الطاوله: وانت متضايق لهالدرجه ليش؟؟؟ خلاص عاد سويت اللي عليك وجزاك الله خير.. لايكون بس تحبها..؟؟
•
يناظر له هتان بحده ويقول: وانتم اي واحد يساعد وحده تخلونه يحبها؟؟ تفكيركم عقيم..
جاسر يضحك ويقول: لا بس يعني خلاص ساعدتها وخلصت.. تزعل انها راحت وانت ماعمرك اهتميت ببنت راحت والا جت.. عشان كذا شكيت انك تحبها..
•
شال هتان المخده الصغيره وحذفها على جاسر وقال: فارق بالله .. انقللللع..
ضحك جاسر وهو يمسك المخده ويقول: تذكر انها مو نوعك على قولتك..
سوى نفسه هتان بيقوم عليه وهج جاسر لبرى وهو يضحك...
ابتسم هتان وناظر للكنبه واختفت ابتسامته وهو يقول: وين طست ذي؟؟ وشلون بتدبر امورها؟؟
———————-
•
ريناد كانت ورى المدرسه جالسه بحديقة المدرسه..
تناظر للرايح والجاي..
فتحت شنطتها وطلعت الفلوس اللي معها وماتعتقد انهن بيكفن..
•
تنهدت بقوه وهي تحس بالعجز.. وش تسوي ووين تروح؟؟ حتى هتان يبي الفكه منها.. بس مالقى سكن بالجامعه يعني بيبلش فيني مره ثانيه..
فتحت جيوب الشنطه وهي تدور لعل وعسى تلقى فلوس هنا والا هناك تدبر حالها فيهن..
•
لقت كرت وظرف بالجيب الصغير للشنطه..
قرت الكرت وكان لهيثم.. به ارقام التواصل والايميل حقه..
ابتسمت وهي تتذكر يوم ترميه بالارض.. وتقول انها ماتحتاجه.. بس شكله دخله بشنطتها وهي ماتدري.. وفتحت الظرف وشهقت يوم شافت الفلوس بالظرف..
•
تضحك وتبكي وهي تعد الفلوس.. لقت ورقه صغيره مع الفلوس وقرتها ودموعها تنزل مكتوب: آسف على اللي حصل لك.. وهالمبلغ الصغير اتمنى انه يفك لك ازمه لحد ماتتواصلين معي... ولو بيدي اعطيك اكثر.. بس ماكان في جيبي غير الفين ريال.. ماكنت احسب بيصير فيك اللي صار..على العموم ارقامي موجوده بالكرت وانتظر منك اتصال.. صديقك هيثم..
•
غمضت عيونها ريناد بألم.. هيثم يحتاج الفلوس اكثر مني.. حالتهم الماديه صعبه.. وقالت: لازم ارجع له المبلغ بعدين..
قامت ريناد وراحت لتاكسي واقف قدام المدرسه وقالت له انها تبحث عن غرفه للايجار واذا كان يدل واحده يدلها عليها..ووافق سواق التاكسي وخبرها ان في غرفه عند اهله يأجرونها للطلاب المغتربين..استانست ريناد ان الحظ بدا يزين معها..
•
وصلت ريناد والسواق للبيت وكانت خايفه ومو واثقه بهالسواق بس وش تسوي مافي غير هالحل..
وقفت ريناد برى متردده تدخل وابتسم السواق وعرف انها خايفه.. راح دخل داخل البيت ونادى زوجته..
وخبرها بأمر ريناد وانها بتستأجر عندهم بس شكلها خايفه..
•
طلعت زوجة السواق لريناد وهي مبتسمه وترحب فيها وقالت لها: لا داعي للقلق عزيزتي..أنتي مرحب بك هنا.. نحن نعيش مع ابنائي ..جاك و اندريا..
تبتسم لها ريناد وتقول: أنا آسفه لم اقصد ذلك.. ولكني وحيده هنا لذلك لا أعلم بمن اثق..
•
تمسك يدها زوجة السايق وتقول: لاداعي للاسف عزيزتي.. لنلقي نظره على المنزل ان لم يعجبك فسوف يرجعك زوجي للمكان اللذي اتيتي منه..
توميء لها ريناد وهي تمشي وراها وتفكر بأنه راح يصير بها زي افلام الرعب.. تدخل بيت مهجور ويطلعون عايله مختله عقليا ويقطعون الاوادم وياكلونهم.. وو.. انخرعت ريناد يوم مسكت كتفها الزوجه وضحكت وقالت: اين ذهب تفكيرك؟؟
•
ريناد بابتسامه: ذهب الى افلام الرعب والبيوت المهجوره..
ضحكت الزوجه بقوه وقالت: صريييحه جدا..
وأشرت على المطبخ وقالت : هذا المطبخ.. صغير ولكنه يفي بالغرض وهنا طاولة الطعام وهناك غرفة المعيشه وفوق توجد ثلاث غرف.. غرفه لي انا وزوجي وغرفه لجاك
•
ريناد بتردد: وغرفه لاندريا؟؟
تبتسم الزوجه بحزن وتقول: اندريا تعيش مع حبيبها الان.. لذلك غرفتها شاغره..
تبتسم لها ريناد وتقول: ياحبيبي عايشه مع حبيبها وعادي عندهم..
•
صعدت معها ريناد وشافت الغرف ودخلت غرفة اندريا اللي ماتحتوي على كثير من الاثاث بس سرير وخزانه ومكتب صغير وكرسي.. رضت بها ريناد لانها مو بموقف يقدر يخليها تتشرط على احد .. زين انها لقت بيت يضفها..
•
دخل السايق شنط ريناد لغرفتها وقال لها تاخذ راحتها وتسوي اللي تبي والعشاء الساعه السابعه مساء.. تبتسم له ريناد وتشكره وتسكر الباب وراه وتنسدح على السرير وهي تتمغط وتقول: ياااازييين الخصوووصيه.. غرفه لحااالي مو صاله...ولهاا باب يقفل مو اصحى والعالم فوق راسي.. وتنهدت وهي تتذكر هتان وابتسمت وقالت: بس راح اشتاق له الوصخ..
نامت ريناد وهي تفكر بحياتها..
___________
•
أنت تقرأ
Renad ~ ريناد
Adventureقرب عزوز بخوف وقال: وش تاخذونها.. وين تاخذونها وليش؟؟ تناظر له ساره بطرف عينها وتقول : وانت قاط اذنك عندنا؟؟ وش دخلك؟؟ تبتسم ريناد وتقول: ماياخذوني على طول .. بس اليوم سارون عازمتني.. عزوز يبلع ريقه بصعوبه ويقول: ومتى ترجعين؟؟ ترفع كتوفها ريناد وتقو...
