يجي شاب من ورى جاك ويمسك يده ويسحبه عن ريناد.. ويعطيه بوكس على وجهه وطاح جاك على الارض.. ريناد تناظر لجاك مستغربه وتتفاجأ بالشاب
•
يمسك يدها ويسحبها معه وهو يقول: وش موديك مع الصايع ذا؟؟ تركتينا وتورطتي بهالاشكال..
وريناد عيونها طايره ومتفاجئه.. وش هالصدفه اللي جابته لهالمكان.؟؟؟؟؟؟؟؟؟؟
•
تناظر وراها ريناد وتشوف انهم ابعدوا عن جاك اللي كان جالس على الارض ويتألم..
سحبت يدها ريناد وقالت: انت وش تسوي هنا؟؟؟
جاسر وقف وناظر لها وقال: تو انا وهتان متقهوين بذاك المقهى..
•
تناظر ريناد للمقهى وتقول: وهتان اللحين وينه؟؟
جاسر : مشى للشقه.. منعفس جوّه من يوم ما بعض الناس تركوا الشقه..
ريناد تمسك شنطتها وتقول: طيب.. يسلمووو انك تدخلت وساعدتني.. واللحين اسمح لي.. بمشي..
•
يمسك شنطتها جاسر ويرجع ريناد بجنبه ويقول: وين وين ؟؟ مو بهالسرعه؟؟ قولي لي اول وين ساكنه وكيف تمشين امورك واللي اعرفه انك حتى مامعك فلوس..
انصدمت ريناد.. ايش مفكرني؟؟ شحاذه؟؟
وقالت: لا من قال مامعي؟؟ الا اكيد معي.. ووين ساكنه هذا شيء راجع لي..ساعدتني وانا شاكره لك.. واللحين اعذرني تأخرت..
•
رفع جواله جاسر وفتح الكاميرا بوجه ريناد وصورها فيديو استغربت ريناد من حركته انه رافع الجوال بوجهها وعقدت حواجبها ومشت.. وبقى يصورها جاسر وهي تمشي حتى اختفت من قدامه.. وقال جاسر: وهاهي تختفي مره اخرى....
•
ركب دبابه جاسر وراح للشقه..
واول ماوصل للشقه دخل بسرعه وشاف هتان منسدح على الكنبه ومغمض عيونه وباين انه مو نايم..
رمى الجوال عليه وقال له وهو يروح لغرفته: شوف هالمقطع لايفوتك.. قااادح..
•
أنت تقرأ
Renad ~ ريناد
Adventureقرب عزوز بخوف وقال: وش تاخذونها.. وين تاخذونها وليش؟؟ تناظر له ساره بطرف عينها وتقول : وانت قاط اذنك عندنا؟؟ وش دخلك؟؟ تبتسم ريناد وتقول: ماياخذوني على طول .. بس اليوم سارون عازمتني.. عزوز يبلع ريقه بصعوبه ويقول: ومتى ترجعين؟؟ ترفع كتوفها ريناد وتقو...
