مسك وجهها هتان بحركه سريعه وطبع بوسه على شفايفها وانفتح الباب بقوه وصوت يقول بغضب : وش اللي قاعد يصير هناا..؟؟
يبعد هتان عن ريناد بصدمه........
•
وكان ابو هتان واقف بصدمه وغضب قدام الباب..
هتان تلعثم مايدري وش يقول يناظر لابوه ويناظر لريناد ويقول بتردد: هذي البنت اللي راح اتزوجها..
شهقت ريناد وقالت: لا والله على كيفك..
•
يسحب يدها هتان عشان تسكت وريناد تبعد يدها عنه وتقول بعصبيه مكتومه: عطيناك وجه وتماديت..
يتكتف ابو هتان وهو يشوف هتان وريناد ويقول: ماشوف انها اعجبها كلامك عن الزواج..
تقول ريناد وهي تبي تطلع: ماعليك منه لافي لا زواج ولا شي..
•
يمشي وراها هتان ويسحبها له ويقول وهو يناظر لعيونها: ماراح اتزوج غيرك.. تفهمين......... وأشر بعيونه عشان تفهم وتجاريه باللي قاعد يسويه..
اساسا هتان كان يتكلم جد بس حطمته ريناد برفضها له..
•
سكتت ريناد وقررت تجاريه بالكذبه وقالت: المفروض تشاورني بهالشيء قبل تفاجئني به..
يبتسم هتان بخيبه ويقول : حبيت افاجئك..
•
يضحك ابوهتان ويقول: حلوه مسرحيتكم بس للاسف.. هتان خاطبين له بنت غيرك وبيتزوجها قريب.. ويمكن بكره كأقرب شي..
ينصدم هتان ويناظر لابوه ويقول: بس انا احب ريناد..!!
•
أنت تقرأ
Renad ~ ريناد
Adventureقرب عزوز بخوف وقال: وش تاخذونها.. وين تاخذونها وليش؟؟ تناظر له ساره بطرف عينها وتقول : وانت قاط اذنك عندنا؟؟ وش دخلك؟؟ تبتسم ريناد وتقول: ماياخذوني على طول .. بس اليوم سارون عازمتني.. عزوز يبلع ريقه بصعوبه ويقول: ومتى ترجعين؟؟ ترفع كتوفها ريناد وتقو...
