(قصة شمس) الجزء الأول للكاتبة ياسمين العزاوي..
شمس يمه شمس كعدي الساعه صارت 6 ونص اي يمه كعدت يله كومي على مدرستج ماضل وكت اي كمت
كمت لبست صدريتي وسويت شعري كصيبه
اني ملامحي حلوه عيوني سود كبار بس كصيره يطلع طولي متر هههه لا شويه اطول.😥 خشمي حليو بشرتي سمره شعري اسود طويل جوه خصري الكل يحسدني على شعري حتى امي كامت تخاف عليه وتريدني اتحجب بس اني اكول لا يمه بعدني صغيره من اخلص الثالث اتحجب وطلعت اني صف ثالث متوسط
احنه 3 اخوات اخواتي سجى وزهراء واخ واحد
مسلم.
وامي وابويه عايشين الحمدالله
كعدنه اتريكنه وصلني مسلم للمدرسه
كملت دوامي ورجعت اني وصديقتي
دخلت البيت اني كاعده وتبجي
ها يمه خيرج شكو ليش تبجين شصاير
كالت ولج مسلم اليوم ضارب واحد
والولد هسه بالمستشفى
يمه شتحجين صخام بس لا يموت كالت ولج اسكتي اتخبلت يمه اخويه لا يسوون بيه شي
البيت صار جحيم مسلم راح يم بيت عمي
وابويه تعب حيل الولد الي ضربه ابن شيخ
ياربي شيخلصه كاعده واصلي وادعي اسمع امي تكول لبويه وين رايح بهل ليل ابو مسلم
طلعت ركض ها يابه وين رايح كال اريد اروح الشيخنه بلجي يشوفلنه حل امي كالتله اني اروح وياك كال ماكو داعي اخوي يروح وياي انتي كعدي ويه جهالج طبعاً اكبر واحد بينه مسلم عمره 20 واني 16 واخواني لخ كلهم صغار
طلع ابويه واني كاعده ويه امي واهدي بيها لحد مارجع ابويه امي ركضت عليه ها ابو مسلم بشر كال الشيخ طمنه وكال سالفتكم عليه ومايصير خاطركم اله طيب امي شويه فرحت واني
واني هم كلبي ارتاح شويه
ثاني من الصبح كعدنه ابويه وعمي راحو لشيخ
وهم يشوفون الولد شلون صار
مارحت لدوام كعدت ويه امي لظهر وماكو احد
وره الظهر دا اباوع من الشباك واشوف ابويه وعمامي باوعت زين واشوف مسلم وياهم
ركضت على امي يممممه مسلم اجه
امي طلعت تركض والكل فرحان الف الحمدالله رجع اخويه سالم
طبو وكالو الشيخ حل الموضوع وهوه اتكفل بكلشي امي طارت من الفرحه وابويه يكول مادري شلون ارد جميل الشيخ كالو يله نكوم نروح نتشكره راحو كلهم حتى امي اني بقيت بالبيت وي الجهال والتهيت انظف البيت بيتنه جبير احنه بقضاء من اقضية الحله
كملت شغلي وكاعده انتضر
دخلو اهلي راسن امي جرتني تعالي عندي حجي وياج كتلها ها يمه شكو خوفتيني كالت لا لا عندي الج اخبار اتفرحج كتلها شكو يمه كالت راح تزوجين كتلها شنو واني عساس ميته على زواج كالت ولج ابن الشيخ وهوه الجبير اتروحين تصيرين الكل بالكل كتلها يمه هاي شدا تحجين اني عندي اهم شي دراستي ماريد لا زواج ولا غيره كالت اي مو بكيفج احنه ست شمس
ابوج اهداج لابن الشيخ وخلص الموضوع اني انصدمت شنو يمه اني تنطوني هديه ليش اني شنو سلعه كالت اشش لا يسمعج ابوج ماريد تفكين حلكج بكلمه وحده كتلها شنو يعني اتريدون تزوجوني بالكوه هسه اني اكوم احجي ويه ابويه تصيح عليه تعالي طلعت اركض صحت يابه اجه ها شمس شبيج كتله يابه الي سمعته صحيح كال اي صحيح اني راسن نزلن دموعي كتله وماكو غيري هديه كال شوفي بنتي صدكيني ماتلكين احسن منهم ناس ذهب صدكيني راح ترتاحين يمهم والولد خوش ولد جبير وفاهم ودارس كتله بس اني ماقبل كال لا شمس شنو هل كلام يعني تكسرين كلمتي كتله لا يابه حشاك كلي اني انطيت كلمه وعيب اتراجع كتله هاهيه يابه الي يريحكم باسني من راسي وراح رحت لغرفتي كعدت ابجي
الحد ماغفيت كعدت الصبح على صوت امي كومي شمس كتلها ها يمه كالت كومي نروح لسوك اليوم يجون يعقدون نروح نشتري فستان مرتب كتلها والمدرسه كالت مو وكت مدرسه هسه يله كومي لسوك كمت بدلت ورحنه لسوك مالي خلك شي اخذت فستان ذهبي واسود واخذت كعب عالي ومكياج وشغلات ورجعنه للبيت حضرت نفسي لبست لفستان وخليت مكياج بسيط طلعت كلش حلوه امي دخلت شافتني وتصلي على محمد كلتلي اليوم بس يشوفج يطير عقله عشتو اني بيا حال
صار اليل واجو اهله وهواي عالم امه واخواته اتخبلو عليه عقدو النه وماشفت العريس بله اني المن هلكد حضرت نفسي انقهرت على نفسي حسيت فشلت بس روحي ممهتمه مرت ايام وامي فرحان بالتجهيز
واني بالي يم مدرستي
بعدني طفله ماعرف
ليش هيج سوه بيه
ابويه مابيدي شي
غير اسكت
اجه يوم العرس
رحت لصالون
رفعو شعري
وطلبت
مكياج بسيط
ماحب الهوسه اصلا الكل انبهر بجمالي
وامي طايره من الفرح ارجع اقنع نفسي
اهم شي اهلي فرحانين اني بعدين
اتعود رجعنه للبيت والبيت هوسه
وره ساعه اجت الزفه حسيت كلبي
راح يوكف امي خلت الطرحه
على وجهي دخل العريس
كعد يمي بس ممبين زين
بس مبين طويل وظخم
كلت بكلبي شراح اطلع يمه
زفونه للبيت هوسه واني
دخت حتى راسي مارفعته
وخجلانه حيل وكلبي يدك
زفونه للغرفه كعدت ع الجربايه
اجه كعد بصفي كلي اسمج شمس مو
كتله اي كلي واني انمار كتله اي اعرف
كلي ماعرف شلون راح ابدي وياج
بس اني اخذتج لان ماكدر اكسر كلمة الشيخ...اتبع
