(حكاية شمس)الجزء الرابع للكاتبة ياسمين العزاوي
دك جهازه باوعت حبيبة عمري باوعت عليه بنضرة عصبيه وكمت من الجربايه ورحت لفراشي كلي هاي وين كتله جوه ارتاح اكثر
دك جهازه مره ثانيه جاوب اسمعه يكول اسف
جنت نايم هسه اني شكو حاركه نفسي مو بيدي بعد صار زوجي
اليل كله ماكدرت انام من التفكير واسمعه شلون يشاقه ويضحك وياها امداني اي والله كله من اهلي اني شنو حتى يهدوني نمت على ضحكته واني الدمعه بعيني
كعدت من الصبح كمت باوعت عليه شلون نايم ماعرف ليش كل ما اشوفه اصفن على ملامحه واحس نفسي بغير عالم اخذت ملابسي وطبيت للحمام اسبح سبحت وطلعت باوع عليه كلي واني كتله شنو انت كلي اريد اسبح ضحكت كتله
لا عفيه لا تكوله كلي لا اكوله خوما اروح اصيح
اخواني واني عندي زوجه رحت اتقربت منه كتله
أنمار صدك تعتبرني زوجتك كلي هذا واقع انتي زوجتي وبسمي كلي يله ساعديني اروح للحمام
هنه كلمتين بس كلبي فرح كمت ساعدته
ارتجه عليه مات ضحك كتله هاي شبيك كلي اذا اوكع عليج هسه اموتج باوعت عليه بعصبيه وشنو قصدك كلي قصدي لو شبر طول انوب 😁
كتله روح وحدك كلي لالا اشاقه تعاي
طبيت وياه للحمام وهوه بس بالشورت احس نفسي صرت طماطه كلي يله ساعديني بس لا تخلين مي يوصل الجرح كتله ماشي كلي شبيج ترجفين خجلانه سكتت مارديت الحد ماطلع من الحمام حسيت كلبي خلص وكف طلعت ملابسه
واني دا البسه التيشيرت حسيت بيده على خصري كلي شمس انتي ودك الباب فتحت الباب الحجيه وأمنيه جايبين ريوك كتلها عمه هسه ردت انزل كالت لا انتي تبقين هنا يم زوجج مالج نزله باوعت على أنمار غمزلي عزه هذا شبيه والله
مدا اعرفه خلو الريوك وطلعو
كلي يله تعاي وكليني ضحكت كتله اظن رجلك الي مصوبه مو ايدك شنو هذا الدلال كلي هسه اصيح امي مو مشكله روحي انتي كتله لالا وين اروح اني اوكلك كعدت يمه ودا اوكله كلي شمس شنو هذا على خدج كتله شنو كلي اشو اتقرب مني باسني بين شفتي وخدي راسن كمت
كلي شمس وين كتله اروح اشوف البنات انت كمل الريوك نزلت جوه وكلبي يدك وحسيت نفسي طايره أمنيه كالت احم احم صاير بيها غمزات كتلها شنوو كالت اي عيني 😏
كتلها لا انتي متوهمه كالت اي اي اني متوهمه
مرت الايام وانمار بده يتحسن بس من ذيج البوسه حسيت ابتعد عني بس نضراته تلاحكني وين ماروح اجه يوم العمليه والكل خايف واني اول احس بحياتي هلكد اخاف
وره ساعات اتصلو وكالو العمليه نجحت الف حمد
وشكر يارب وكالو باجر يطلع اليل كله ماكدرت انام شلون راح استقبله باجر وشنو راح البس حسيت راسي انفجر من التفكير
طلع الصبح واني كاعده كمت سبحت ظفرت شعري خليت شوي مكياج ونزلت جوه رحت على أمنيه ها بشري شوكت يجون كالت هسه فد شويه من كالت هسه كتلها اني تعبانه ماعرف شبيه راح اصعد فوك كالت ولج شبيج كتلها ماعرف تعبانه حيل يمكن لان مانمت كالت خوش روحي ارتاحي صعدت فوك بقيت كاعده نص ساعه وماكو
كلت خلي امدد شوي ارتاح حسيت روحي غافيه انفتح الباب أنمار انت جيت باوعت عليه واكف انت تمشي الف الحمدالله ع السلامه كلي بس الحمدالله ع السلامه كتله يله اروح اسويلك ريوك اريد افتح الباب لزم ايدي واتقرب مني كلي
شمس مشتاقلج اتقرب مني اكثر حسيت بنفاسه دك الباب كال اهوو شنو هاي عناد بيه فتح الباب نور تعوج بحلكه كالت أنمار انزل بسرعه حبيبة عمرك اجت .....اتبع بارت قصير ان شاء الله باجر اعوضكم
