(حكاية شمس)الجزء الثالث الكاتبة ياسمين العزاوي
وصل الباب طبكت سياره بالباب وماسمع غير صوت الرمي طلعت اركض واشوف أنمار غركان بدمه عطت وطلعت اركض صارت هوسه حتى ماكدرت اوصله اخذوه للمستشفى
بقيت بالبيت اني وعمتي والبنات ونور تحجي عليه وتكلي وجهج مبين خير علينا سكتت وعمتي صاحت عليه رحت لغرفتي واني ضايجه حيل هاي يارب بس لا يصيرله شي اوف معقوله صوجي اوو واني شعليه نزلت جوه رحت على
أمنيه كتلها ها بشري اكو اخبار كالت اي خابرو وكالو وضعه زين اي الحمدالله وشوكت يطلع كالت لا وين يطلع بعد اجه الحجي والولد بس واحد باقي وياه بالمستشفى
من جوي اني استحيت صعدت لغرفتي حسيت نفسي صدك وجهي مو خير خابرت امي حجيتله وصتني على زوجي وشلون لازم اهتم بيه مرت ثلاث ايام وانمار بالمستشفى والناس تجي وصرت اسمع كلام اشكال الوان رحت لغرفتي دك الباب طبت أمنيه كالت عندي الج ابشاره كتلها كولي كولي كالت اليوم أنمار اليوم يطلع كتلها صدك كولش فرحت كتلها أمنيه ممكن سؤال كالت كولي كتلها أنمار عنده حبيبه
سكتت كتلها جاوبي عنده كالت اي وياه بالجامعة بس ابويه مقبل كتلها يعني يريد يزوجه كالت اي بس اهلي محد يقبل كلتلي شوفي شمس انصحج
اكسبي أنمار والله ماكو مثله كتلها شلون وهوه عنده حبيبه كالت خلي تروح بشنو هيه احسن منج انتي صيري شاطره واكسبي زوجج
كالت يله اني عندي شغل انتي حضري نفسج طلعت واني كاعده معقوله اكدر اخليه يحبني
اي ليش ماكدر هوه مو زوجي اهو يازوج ليش مو كلي اني مجبور عليج حسيت روحي دخت كمت طلعت كلبيه لونه احمر كلش حلوه وخليت مكياج بسيط ونزلت جوه شافتني الحجيه اي عفيه بنتي رتبي نفسج هسه يجي زوجج😊
طبيت للمطبخ نور وامنيه أمنيه كالت هلا شموسه شلون طالعه حقهم من سموج شمس كتله لا عاد شدعوه نور كالت وصلو وصلو طلعت الحجيه تهلل والكل راح يسلم عليه واني مجمده
ماعرف شسوي كلت احسن شي اغلس بعدين اروح اسلم عليه
جابو ذبايح وسوو عزيمه بس شفت أمنيه دمعته بعينه وضايجه رحت عليه كتلها شبيج ليش ضايحه كالت ليش ماشفتي أنمار كتلها لا شبيه كالت الضربه صاير برجليه وهسه ميكدر يمشي بعد فتره يسوي عمليه ضجت حيل كتلها الله كريم ان شاء الله فتره ويرجع بحيله صار اليل والعالم راحت واني بالمطبخ لا شفت أنمار ولا شافني اجت أمنيه كالت ولج رحتي على أنمار لو بعد كتلها لا والله بعد خجلانه ولج عزه بعينج من
شنو خجلانه غير اتروحين تشوفين زوجج كتلها
العالم هسه يله راحت شسوي كالت ديله اخذي فواكه وروحي هوه هسه اخذوه للغرفه كتلها اي
راح اروح اخذت فواكه وعصير ورحت وصلت الباب واني خايفه يمكن هسه يرزلني وهم يكول من وره وجهج الفكر طبيت رفع راسه عليه كتله الحمدالله ع السلامه كلي الله يسلمج كلي بس مو بعد وكت
كتله والله حقك بس التهيت بالمطبخ كتله يله جبتلك فواكه وعصير كلي ماشتهي كتله مو بكيفك خزرني كتله العفو اقصد لازم تاكل كعدت ع الجربايه يمه هوه امدد كتله يله كوم كلي ساعديني كمت خليت مخده وره ظهره حسيت راسه وانفاسه بركبتي راسن وخرت كتله ها مرتاح كلي اي يله لعد اكل كلي ماكدر انتي وكليني ضحكت حسيته فرحان واني اوكله
كمل شلت الصينيه كتله تريد اجيبلك شي بعد كلي لا نزلت جوه وديت الصينيه ورجعت
قبل لا افتح الباب واحد من اخوان أنمار صاح شمس كتله هلا خويه كلي شلون صار أنمار كتله الحمدالله اكل وراح ينام كلي خوش وطبيت للغرفه أنمار باوع عليه بعصبيه ويامن جنتي تحجين كتله اخوك يسأل عنك كلي وهيج شعرج طالع باوعت على نفسي الكصيبه طالعه من جوه الشال كتله مانتبهت عليه كلي اخر مره والله ثاني مره اكسرج لج بابا عيب
كتله حاضر تدلل كلي صايره تسمعين الكلام ضحكت كتله اي مو لان انت مريض كلي شنو
مريض او مامريض تسمعين الكلام كتله ماشي طلعت فراشي اريد انام كلي شمس كتله نعم كلي لا تنامين بالكاع تعاي نامي ع الجربايه كتله لا انت تعبان اخذ راحتك يله تكفيك كلي لا تعاي اخاف بليل احتاج مي او شي حتى انتي يمي كتله وعساس هسه اني ويني هياتني بسدك
سكت ماعرف شلون رحت مددت يمه باوع بعيوني كلي شمس كتله نعم افتحي شعرج مو راح تنامين خجلت منه حيل لان حتى صوته هادئ كتله اي صح ناسيه كعدت اريد افتح شعري دك جهازه باوعت حبيبة عمري.......اتبع
