(حكاية شمس) الجزء السادس والاخير للكاتبه ياسمين العزاوي..
شنو بكيفج ماتبقين دقيقه سجى كالت اني صار
لازم اروح راح وراه أنمار وماعرف شنو يحجي وياها ومبين معصب أمنيه كلتلي شمس اكعدي
واسكتي وين رايحه يمعوده ماتعرفين أنمار من يعصب شلون يصير كتلها والله على نفسه ميهمني
البنات تجيه للبيت ودور منه زواج اني ليش اجه عليه كلي شنو ماسمعتج شنو كلتي كتله اي ليش جذب مو هياته هسه راحت وان شاء الله انوب وعدته تزوجه كلي شمس كافي كتله اي كافي يله
اخذني لهلي كلي شمس لا تعصبيني اكعدي واسكتي كتله مشتاقه لهلي واريد اروحلهم شنو
حرام من ازوجنه مارحت كلي ماشي امشي اوديج
صعدت بالسيارة وهوه ساكت ماحجه شي من وصلنه كلي شكد واجي اخذاج كتله ماعرف اريد
أرتاح شويه عود اني اخابرك كلي ماشي الله كريم يله نزلي اني عندي شغل نزلت طبيت للبيت
الكل فرح بيه وكانو الكل يكول بعيونه هنيال شمس واني راسمه ضحكه كعدت وياهم اتعشينه
وبابا يسألني شلونهم وياج وانتي مرتاحه كتله الحمدالله وبكلبي هواي تهمك راحتي من هديتني
بدون حتى ماتسالني كمت للغرفه وصحت امي
حجيتله كلشي اتخبلت ولج شلون تعوفين بيتج وتجين هسه شكول لابوج كتلها لا يمه ماكو داعي لا تخافين اني جايه زياره لا ضوجين كالت أي عفيه بنتي اريدج ترفعين روسنه وطلعت بقيت كاعده وابجي بالله هسه شسوي لا اهل ولا زوج الكل ضدي احسن شي هسه اكعد هنا وكول مريضه بقيت سبوع وأنمار ابد ماتصل معقوله ازوجه لا جان سمعت شسوي اتصل لا خلي انتضر يمكن هوه يتصل احس نفسي كوه صابره
وره يومين كلت اتصل على أمنيه واشوف الاخبار
اتصلت عليه ها أمنيه شلونكم شخباركم الحمدالله شمس ليش هيج رحتي ومارجعتي أمنيه ليش ماشفتي أنمار شلون سوه بيه كلتلي هذا قبل بس من ازوجج هوه بده يحبج ويتعلق بيج بس انتي مشيتي وعفتيه كتلها وينه هوه وشخباره كلتلي والله كوه فض مشكلة سجى
كتلها شلون فضه كالت هوه متعاركين وتريد يطلكج وهوه كايل اله لو بس انتي تبقين ماطلك شمس كتلها وتالي شصار كالت تالي هيه مامجبوره تجي على ضره حسيت نفسي ملكة الدنيا من هيج كالت كتلها اي خوش بعدين نتخابر كلتلي شنو ماراح تجين كتلها لا ان شاء الله اجي
طرت من الفرح شلون اتصل بيه بس اذا اتصل شكله اتصل وعليك يالله دك مره مرتين ماجاوب اكيد زعلان مني وميجاوب اف اني شجاني اسرعت وطلعت من البيت وره شويه اتصل هلو شمس شلونج كتله الحمدالله انت شلونك كال من الله زين كتله ليش ماجيت اخذتني كلي مو انتي تردين ترتاحين ارتاحي كتله اي ارتاحيت تعال اخذني
كلي شمس اني لعبه عندج ها يعني امشي على مزاجج روح تعال ليش مو طلعتي من البيت واني ماراضي كتله جنت معصبه كلي واني هسه معصب مفهوم يله باي وسد الخط بالله اني شسويت بروحي اكيد كرهني من بعد ماحبني
مرت ايام لا اتصلت ولا هوه اتصل يوم نايمه العصر اجت امي شمس شمس اكعدي اجه أنمار
