حكاية شمس)الجزء الثاني للكاتبه ياسمين العزاوي
كلي ماعرف شلون راح ابدي وياج
بس اني اخذتج لان ماكدر اكسر كلمة الشيخ
كتله مافهمت كلي اني انجبرت عليج ماكدر اكسر كلمة لابويه حسيت داخلي انكسر وكرامتي انكسرت بس جان لازم اجاوبه كتله اني هم انجبرت عليك بقه صافن عليه كتله اني عندي حلم واحد هو دراستي بس مثل متشوف وين صرت كتله اني بنت وانجبرت بس انت رجال شلون تنجبر كام ورفع ايده كلي ديري بالج اطولين السانج ابوج لزكج علينا شنسوي كمت وعفته طلعت ملابسي ودخلت للحمام اكو حمام داخل الغرفه فتحت المي وكعدت ابجي امداني اي والله شلون قبلت ليش مارفضت فوك ما عفت كلشي وزوجته هوه الي ميريدني يارب شلون راح اتصرف وشسوي جمعت قوتي سبحت ولبست تراك وردي ولفيت شعري وطلعت
شفته كاعد ع الجربايه وكانو يريد يحجي شي اني ماهتميت نشفت شعري فرشت بالكاع
كلي اني انام جوه انتي نامي ع الجربايه
كتله تسلم ماريد اتغطيت وراسن نمت
من التعب كعدت باوعت ع الساعه
6 باوعت عليه نايم صفنت
شكله حنطاوي رموشه طوال
كلشي بيه حلو كلت اوي اني
شبيه رحت للحمام بدلت
طلعت من الغرفه واني خجلانه
شلون راح انزل اجت اخته هلا شموسه
تعالي دا نحضر ريوك كتله اي يله
طبيت وياها للمطبخ لا هاي صاله مو مطبخ
كتلها كلشي ماندل شلون اساعدج كالت لا انتي
بس اكعدي هسه اصيح نور تساعدنه كتله انتو شكد بالبيت كالت ابويه وامي بعدهم نايمين
وعدنه 5 اخوان كتله ماشاءالله وعندي بس نور اختي كتلها انتي شكد عمرج كالت اني 24 واسمي أمنيه و بس انمار اكبر مني كتلها ربي يخليكم
راحت صاحت نور واني كاعده ع الميز
طبت نور تعوج بحكله صباح الخير
كتلها صباح النور أمنيه كلتلي
يله روحي كعدي أنمار
واني اروح اكعد الولد وابويه وامي
صعدت فوك واني متردده مالي خلك اشوف شكله من الصبح طبيت للغرفه وبعده على نومته
كتله أنمار أنمار يله اكعد كلي اي كعدت لازم بلش الازعاج كتله اهلك دزوني عليك كلي ديله حضريلي ملابسي اروح اسبح طب للحمام ياربي شلون راح اخلصه وياه فتحت الكنتور كل ملابسه تخبل😏
دك جهازه رحت شفت منو يتصل باوعت والصدمه حبيبة عمري حسيت نفسي دخت
طلع من الحمام شاف جهازه بيدي كلي منو اتصل
رجعت دكت اخذه من ايدي كال الو هلو حياتي اسف جنت بالحمام
بقيت اخزر بيه يعني اتصرف ولا كانو اني موجوده كال حبيبتي فد نص ساعة واجي
سده كلي شبيج خير ليش واكفه كتله سلامتك
نزلت جوه رحت للمطبخ أمنيه كلتلي ها أنمار كعد كتلها اي كالت مابقه وكت على دوامه كتلها ليش هوه وين يداوم كالت جامعة طب اخر سنة اني بقيت مصدومه هذا شكل طب بالله كتلها وشكد عمره كالت 27 ضحكت هاي كلشي متعرفين عن زوجج كتلها لا بس ماصارت فرصه اسأل كالت يله امشي نتريك كتلها خلي هنا نتريك والله استحي كالت لا ميصير لازم كلنا نكعد وامي وابويه سألو عليج لازم اتروحين تسلمين عليهم رحنه طبيت للصاله كلهم كاعدين فوك هذا كلهم شباب وياهم أنمار كاعد بس حتى مارفع راسه سلمت وكعدت بصف أنمار الحجيه كالت يمه شلون ابنيه حليوه وعاقله الحجي كال اي بعد هاي بنت ابو مسلم حسيت كل العيون صارت عليه وخجلت كملو الريوك يمكن يادوب اكلت لكمه من الخجل
الكل طلع حتى نور تدرس راحت للمدرسه
أمنيه راحت يم الحجي والحجيه واني بقيت بالمطبخ اغسل اماعين كملت كلت يله اغسل المطبخ هم نزعت الحجاب ورفعت الدشاشه
ومسويه شعري كصيبه مدنكه ودا اغسل
رفعت راسي واشوف أنمار متخوصر واكف ع الباب راسن نزلت الدشاشه كلي اي حيل مستحيه لو واحد من اخواني جاي وراح للغرفه صاح شمس تعااااالي
صعدت واني احجي وي نفسي بالله هذا شبيه
لا والمصيبة راح يصير دكتور طبيت للغرفه كلي شنو انتي ماعندج خجل اذا اهلج ماعلموج اني اعلمج كتله دير بالك اجيب طاري اهلي
اتقرب مني شنو شكلتي تحذريني مووو
ولج لو ما اهلج لزكوج عليه جان هسه حبيبتي زوجتي كتله وذيج حبيبتك منو مانعك الله ومحمد وعلي وياك كلي يصير خير ونزل
نزلت وراه عشتو على شنو شايف حاله
وصل الباب طبكت سياره بالباب وماسمع غير صوت الرمي طلعت اركض واشوف أنمار غركان بدمه......اتبع
