(حكاية شمس)الجزء الخامس للكاتبة ياسمين العزاوي
دك الباب كال اهوو شنو هاي عناد بيه فتح الباب نور تعوج بحلكه كالت أنمار انزل بسرعه حبيبة عمرك اجت بقيت اباوع عليه ومصدومه كتلها اي جيت نزل اني هم نزلت وياه واشوفه كاعده بالصاله هيه والحجيه وبنات ثنين سلم عليهن وكلوله الولد هم اجو ويانه حجه وياهن شوي وراح
واني رحت للمطبخ أمنيه كلتلي هاا شمس شبيج
لا ظوجين اصدقائه وجوي يسلمون عليه كتلها وحبيبة عمره هم صديقته سكتت كتلها ها شو سكتي كالت شمس والله أنمار معجب بيج وهاي هيه لازكه نفسه كتلها وهيه هم جبرته يكتب حبيبة عمري كالت ياعيني مو كتلج انتي اكسبي زوجج بس الظاهر انتي كلشي متعرفين كتلها وشنو الي ماعرفه كالت هسه خلي يروحون وبعدين نحجي روحي ودي عصير
اخذت العصير وطبيت جوه حبيبته باوعت عليه صفح كالت هاي مرت أنمار الحجيه كالت اي يمه فدوه الكلبه كالت اي الله يخليه ان شاء الله يوم الي نشوفج احلى ام حسيت بكلامه بسمار وانو تعرف ماكو شي بينه اني وأنمار ماهتميت رحت للمطبخ وسوينه الغده وانمار يطب ويطلع واني ماباوعت عليه اجه واحد من اخوانه منتظر
كملنه الغده وكعدنه اني وياه بالمطبخ ونضحك ويحجيلي عن دراسته طب أنمار كال صوتكم العالم كاعده وانتي نصي ضحكتج منتظر كال خطيه وين صوته انت الي مخلي اذنك يمنه عصب وطب جوه يمكن يم حبيبة الكلب اني ضجت من كلامه كلت لمنتظر يله اني اروح اصعد فوك كلي لضوجين من أنمار هوه هيج عصبي على طول كتله لا يمعود على شنو اضوج
طلعت من المطبخ شفته كاعد بالصاله ويضحك
كلت اي بس يمي العصبيه صعدت فوك ماردت اقهر نفسي وكل الوم اذبه على اهلي يسوون مواقف بروسنه كعدت واني افكر المفروض هسه دا ادرس مو مكابله هذا العقده دمعتي نزلت فتح الباب أنمار شافني دا ابجي كعد يمي كلي شبيج كتله سلامتك مابيه شي كلي اسف مو قصدي اصيح عليج بس صوتج عالي كتله لا العتب مو عليك العتب على اهلي المفروض هسه اني بمدرستي كلي شمس ماريد تكعدين وتضحكين وي اخواني رفعت راسي عليه كلي اي شمس احبج واغار عليج كتله واظح حبك من تروح تحجي كلشي للناس عن علاقتنه كلي ياناس وشنو قصدج تقصدين سجى اي سجى تكلي ان شاء الله يوم الي اشوفج ام وتتمضحك
كلي احسابه عندي اتقرب مني اكثر كلي شمس عوفج من العالم اني احبج واريدج ويهمس بذني وانتي شمس تحبيني كتله اي أنمار احبك كلي ياعمري واني احب كلشي بيج اتقرب لشفتي وباسني حيل وووووووووووو باسني وكام كلي هسه انتي مرتي وان شاء الله ام جهالي بس كومي شوفي وجهج بالمرايا كتله شبيه كلي كومي شوفي كمت عززه حكلي مزورك ليش هيج أنمار هسه شلون راح انزل كلي خرب اني نسيت الخطار ولج هسه شيكولون عليه كتله هيه نص ساعه محد يكول شي سبح ونزل اني بقيت سبحت والله استحي انزل خليت مكياج شويه بس ميفيد اهوو شسويله
نزلت جوه شافتني سجى اجت عليه كلتلي تلعبين وياي مو يصير خير كتلها وانتي منو حتى العب وياج هذا زوجي انتي شنو كالت اني اعلمج اني شنو بس انطيني صبر صاحت يله بنات نروح
راحو اجت أمنيه كالت شبيه هاي وياج كتلها شمدريني باوعت عليه زين ضحكت كالت لا تدرين شبيج مزوركه كتلها او عفيه اسكتي اي اي
سكتت يعروس وتضحك
كتلها أنمار وينه كالت طلع بالسياره كالت اني وامي راح نروح لسوك تجين ويانه كتلها ماكلت لنمار كالت هسه اني اخابره انتي روحي بدلي كتلها ماشي فد شويه واجهز رحت بدلت فرحت صار هواي ماطالعه رحنه لسوك والحجيه تكلي امانه يعجبج اشتري لا تخجلين كتلها لا عمه ماخجل تسلمين أمنيه كالت هذا محل ملابس بيه
شغلات حلوه خلي نطب نشوف شبيه طبينه عجبني سيت نوم احمر كلش حلو طويل وبيه فتحات ثنين من كدام أمنيه كالت ها عجبج اخذيه استحيت من الحجيه كالت اي يمه اخذيه انتي بعدج عروس اخذته واخذنه هواي شغلات
رجعنه للبيت حيل تعبت وأنمار بعده ماكو دا ارتب الملابس دخلت أمنيه كالت شمس المفروض انتي تعرفين مو اني العزبه اعلمج عشتو كتلها شنو كالت ولج شبيج البسي وتمكيجي ليش تخلين زوجج يباوع ع الغير كتلها
وليش اني مقصره كالت لا عيني مامقصره بس ادري بيج تبيعين ثكل ولج هذا زوجج
كتلها ان شاء الله كالت يله تعاي وياي نسوي عشه كتلها يله جيت رحنه سوينه عشه وأنمار اجه وكل شوي يغمزلي واني احس نفسي طايره كملنه العشه أنمار دا يحجي ماخليته ينتبه عليه
صعدت فوك طلعت السيت اوف والله مشلح زايد
استحي البسه يله خاي البسه لبسته وفتحت شعري وخليت مكياج باوعت على نفسي ماعرفته جنت قافله الباب دك رحت كلت منو اني أنمار افتحي عزه والله استحي فتحت الباب باوع عليه كلي شنو هاي اليوم شمسويه بروحج كتله محلوه مو اتقرب مني ويلعب بشعري كلي ليش اكو بعد اكثر من هذا الجمال اموت عليج يسمره وووووووو يمكن مانمنه للصبح
كعدت ساعه 9 واسمع صوت وصياح كعدت أنمار كوم شوف شنو هاي الهوسه بدل واني بدلت ونزلت وراه واشوف سجى تبجي وكاعده يم الحجي والحجيه الحجي كال تعال أنمار شنو هل حجي الي سمعته كال ياحجي يابه شكو سجى كالت ياحجي مو خليت الجامعة كلها تعرف بعلاقتنه وتوعدني بالزواج وتالي تعوفني وتمشي
الحجي كال أنمار صحيح هل حجي ليش بنات الناس لعبه اني انصدمت راسن صعدت فوك وماريد بعد اسمع شي ولا بعد اتحمل
طلعت ملابسي وشلت الجنطه ونزلت جوه شافني أنمار اتخبل كال شمس هاي وين كتله على اهلي وسجى واكفه كلي ومنو سمحلج اتروحين كتله مستحيل بعد ابقه دقيقه وحده ....... اتبع
