بين الحرب والحب

البارت الاول

البارت الاول…
#بين_الحرب_والحب❤
#بقلمي_شمس

قصة حقيقيه من اول كتاباتي . نشرتها ع الفيسبوك لكن لم تذكر بالواتباد .. متابعة ممتعه ..

بين جمرات الحرب ولد حبي ..
مع اني لااعرف من الحب شيئا…

الاحداث بدأت سنه 2003…..

هلو حبايب اعرفكم عن نفسي اني شهلاء مواليد 90 متوسطه الطول شعري طويل وسرح بس اسود سواد الليل وجهي حنطاوي مائل للبياض عيوني كبار ورشيقه كاي مواصفات بنت عاديه ..

بس طبعي شويه غريب احب الهدوء والوحده يعني احب اگعد وحدي اكتب خواطر واكتب قصص وروايات ..

عائلتي متكونه من بابا وماما واربع اخوان اثنين بنات واثنين ولد..  اني بالوسط
اخويه رامي الكبير مواليد 1985 ..
واختي رحاب مواليد 1987..
واني  وبعدين اجة ورايه  علي مواليد 1993..
واخر العنقود رفل 1997 ..

هاي عائلتي اني عشت طفولتي بعيدة عن اهلي اجيهم بس بالعطل ربتني بيبيتي ام امي وكنت حيل احبها ومتعلقه بيها ومن رجعت الاهلي. كنت صف رابع ابتدائي
تأزمت حالتي وانعزلت فتره مثل طفل واخذوه من امة..  ويمكن هذا هو سبب الهدوء وحب الوحده الي صار بيه ..
بعد مخلصت من ملخص طفولتي ..
راح ارجعلكم شويه الفتره السقوط او الحرب بسنه 2003 اني بالفتره هاي كنت بالمتوسطه بعدني صغيره من صار الحرب اكو مناطق ساخنه يسموها ومناطق امنه احنا من المناطق الامنه واقاربنا كولهم بمناطق خطره فكولهم تجمعوا ببيتنا الى ان تهدأ الاوضاع ..

ومن بينهم بيت عمو الي هو اخو بابا الوحيد توفىعمو واولادة صغار وامهم بعدتهم عن اقاربهم يعني قربتهم الاهلهم وهم بعدين فما صار اختلاط بينهم وبين عمهم الوحيد وعماتهم . من كبروا بدوا يجونا بس اني ماكنت اطلعلهم لان مثل متعرفون احب اكعد وحدي ومااحبهم لان من كبروا يالله عرفونا واجو المهم مااريد اطول عليكم ..
بيت عمو متكون من اثنين ولد واثنين بنات البنات كبار نسرين وشيرين والولد واحد اسمه علاء وواحد صفاء .. صفاء اصغرهم .. #شمس

فمن اجو گعدوا عدنا بالحرب اكيد راح يصير اختلاط وسلام وكلام لان حيبقون عدنا مو مثل كل مره يجون ساعه ويرحون فگلت عيب خلي اطلع اسلم عليهم ..
دخلت ..

السلام عليكم .. وسلمت عليهم وبابا يعرفهم بيه يگولهم هاي شهلاء انتو مشايفيهه وبقى يسولفلهم قصه حياتي ومن كنت عند بيبي وكذا ..  فمن رفعت راسي شفت صفاء يباوعلي ومشال عينه عليه .. اني ارتبكت وگلت بداخلي گبر هذا شبي . رحاب گاعده يمي گولتلهه هذا ابن عمج شبي مشايف بنات .. ضحكت رحاب وگالت الضاهر حب من اول نضره . گولتلها عمي ياحب بالحرب وثاني شي انتي تعرفيني مااطيقهم ومن سابع المستحيلات افكر بواحد منهم .. #شمس

يووووه فورت دمي رحاب بحجايتها ومخلتني اعرفكم ع صفاء لو الافضل خلي هو يعرفكم عن نفسه ..

صفاء .. هو انتي نطيتيني مجال اعرف ان نفسي . والله ادري بيج تكرهيني بس اني احبج شأسوي واله اخليج تحبيني ..
اني .. ديلله عرفهم عوف الحب هسا 😂
صفاء .. اني مواليد 1984 طويل عيوني عسلي حنطاوي بس مواصفات اي وحده تتمناه بس شهلاء ليش تكرهني مااعرف اني ممكمل دراسه لان واحنا صغار اني واخويه نشتغل فتركنا الدراسه لان والدي توفى واحنا صغار واضطرينا نترك حتى نكون نفسنا واخواتنا يكملن يعني ضحينا بمستقبلنا عمودهن ..

من صار الحرب واجينا البيت عمو ابو رامي كنت اسمع بشهلاء بس مشايفهه لان ولامره طلعت تسلم بس مرات المحها تروح للمطبخ واشوفها .. ومن شفتها تحركت مشاعري لاول مره وحسيت نفسي اعرفها او هي الي اتمناهه من زمان بس هي طفله يعني عمرها 14 سنه عمرها يمكن بالحرب بس جذبتني ومشلت عيني عنها بس هي متباوعلي وحتى سلامهه ثگيل عبالك كارهتني شنو السبب مااعرف… وقرررت اخليها تحبني وحلفت تصير الي لو شو ميكون .. #شمس

راح ترجعلكم شهلاء تكمل .. زين نطيتني مجال ..
هاي اني رجعلتكم .. نسيت اگولكم علاء اخو صفاء متزوج وعنده بنيه .. وهسا راح اكمللكم الاحداث الناس حايره بالحرب واحنا بالحب ❤

#بقلمي_شمس
يتبع….

اذا تحبون اكمل اكتبوا تم وتفاعلوا حبايب 😍#شمس

حبايب اعذروني لان لسا ماكتبت قصه جديده .. بس عدنا مناسبه ومشغولين بس تخلص اتفرغ للكتابه .. وهذي القصه حقيقيه واعرف الابطال شخصيا ..
اشتاقيت التعليقاتكم .. 😘😘