بين الحرب والحب

البارت الثالث

البارت الثالث
#بين_الحرب_والحب❤
#بقلمي_شمس ..

احنا بفتره الحرب كولهه گاعدين بالبيت ماكو طلعه .. البنات وماما  وزوجات خوالي وبناتهم بالمطبخ الي تخبز والي تطبخ والي تسوي حلويات .. لان ماكو شي نقضي بي الوقت ..

والولد وبابا وخوالي بالحديقه لو يباوعون افلام بالسيدي واقراص قبل ماكو ستلايت . او يلعبون طوبه .. او يلعبون. دومنه وكذا حتى يلهون انفسهم .. #شمس

بعد مخلصت شغلي كولتلها الماما اني حروح اسبح .. دخلت للغرفه تلگتني رحاب گالتلي عندي موضوع وياج
گولتلها ياستار شنو كتلني الفضول دحجي ..

گالت صفاء معجب بيج… . بعدها ماكملت…  قاطعتها وعصبت 😒

هذا شبي شيريد مني حتى اني ماناطيته وجه ويحجي وياج ..

سكتتني رحاب .. اشششش شبيج خبله عود هاي انتي الهادئه ليش تعيطين اسمعيني وبعدين احكمي ..
اني .. اووووف اي اسمعج ..

رحاب .. شهلاء باعي انتي كولشي متعرفين عن صفاء حتى تحكمين عليه انطيه فرصه وتعرفي عليه حتى اذا متحجين وياه بس راقبيه وادرسي تصرفاته وهو بالاول والاخير ابن عمج يعني مستحيل يضحك عليج ..

سكتتتتت فتره وگولتلها .. لا عيني شلي بسوالف الحب والغرام بعدني صغيره خليني بدراستي اني اريد اكمل وهو اصلا شهاده ماعنده .. رحاب منا وسدي الموضوع بعد لتفتحيه ..

رحاب .. اني الي عليه سويته ..#شمس

بس كذابه بقت كل يوم تسمعني حجي وتلمحلي وتحاول تخليني انعجب بي  .. تگولي شوفي شحلاته وشخصيه هسا لو حاط عينه عليه موافقت .. حتى ترغبني
باوعتلها😒 بالعافيه عليج خلي الج لعد ليش دا تلحين عليه ..
رحاب ..منين يحسره هو عينه عليج وثاني شي نسيتي اني بيت خالوا حاجين بيه يعني ماافيده 😂

گامت رحاب من يمي .. وخلتني افكر بحجيها واتباوع الصفاء ديلعبون دومنه صدوگ يخبل 😍

يااا عززززه هاي شبيج شهلاء اصحي .. بعدج صغيره ووراج مستقبل لتخلين رحاب تغسل دماغج .. دا احجي وي نفسي 😂

اني هم گمت وبين ما امشي سمعت صوت يصيح بأسمي شهلاء .. التفتت هذا صفاء بقيت جامده ..
اني .. شرايد #شمس

صفاء بابتسامه😊 ممكن قلم دا نسجل الارقام ..

حتى يشوفون منو يفوز بالدومنه وسمعتهم يتراهنون الي يفوز يخسر عشا ومااعرف شنو .. رحت اجيب قلم واني معصبه ..

يعني يتعمد يحجي وياي رحت جبت القلم واجيت نطيته القلم لامست اصابعه اصابعي .. بهذي اللحظه👍حسيت احساس مااعرف اوصفه جسمي كوله يرجف وايدي ثلجت بسرعه سحبت ايدي وطلعت من الاستقبال ومتت خجل .. عبالك شو شمسويه صارت ماما بوجهي .. شبيج شهلاء ..

ها ماما لا ماكو شي بي رادوا قلم .. قاطعتني . ديلله لتفترين هنايه منا ولد وابوج ميقبل ..
اني .. اي ماما صار ..

رحت للمطبخ واشتغل وياهم اني بهذا عمري واعرف كولشي اسوي حتى طبخ اطبخ ..

بقيت بالمطبخ اشتغل بس تفكيري يم صفاء .  معقوله تغيرت مشاعري .. لا لا مستحيل

گمت اتجنب صفاء واحاول مااشوفه بس القدر يجمعنا غصبا عنا ..#شمس

وبيوم بابا طلب عصير ودااسويله جانت اكو خبطات مال عصير وصحت رامي حتى ياخذه الهم كولهم گاعدين بلاستقبال ..

رامي عفيه حباب اخذ العصير كولهم كاعدين واستحي ..
رامي .. اوك فديت الخجوله . بس اخذي گلاص عصير الصفاء بالحديقه .. گتله خلي رحاب تاخذه ..

رامي .. رحاب دا تخبز روحي انتي قابل راح ياكلج ..
اني .. لا شنو ياكلني هسا اخذلهيا .

طلعت للحديقه لگيته صافن .. سمع اكو احد اجه التفت ورجع الوضعه وبعدين طفر وهو مبتسم شاف الگلاص بيدي عباله اني من كيفي جبته اله . 
گوتله هذا رامي كلي اخذيه ..#شمس

صفاء .. مو المهم منو گلج ..المهم انتي الي جبتيه
خليته يمه ودرت وجهي اريد ارجع .. مااشوف الا بلمح البصر صار گدامي .. شهلاء ممكن احجي وياج ..
اني گمت ارجف ..

بس سويت نفسي قويه .. شنو تحجي وياي ماكو شي نحجي بي .. گال احلفج بالله انطيني مجال .. هسا مانگدر نحجي انتي بالليل مو بالعشره تغسلين الطارمه اجي احجي وياج ..
باوعتله باستغراب . وانت مراقبني شنو .. وتركته ومانطيته جواب .. بس كاتلني الفضول شنو يريد يگولي

صفاء .. اووووف ادري راح تشلعين گلبي يبنت عمي ولو انتي شخليتي بي ❤️

أحبُّكِ أنتِ ..
وأكتبُ حبّي على وجهِ كلِّ غمامهْ
وأعطي مكاتيبَ عشقي ..
لكلِّ يمامهْ
أحبُّكِ في زمنِ العنفِ ..
مَن قالَ إنّي أريدُ السلامهْ ؟
أحبُّكِ .. يا امرأةً من بلادي
وأنوي ، على شفتيكِ ، الإقامهْ .. نزار القباني

#بقلمي_شمس
يتبع .. رأيكم حبايب ❤