بين الحرب والحب

البارت التاسع

البارت التاسع…
#بين_الحرب_والحب❤
#بقلمي_شمس ..

سكت بابا محجه شي وكملنا عشا بس اني مااكلت من الخوف ..#شمس

گام بابا وگال شهلاء جيبيلي جاي وتعاي للاستقبال وصاح ماما هم ..

اني انتهيت .. اخذت الجاي ودخلت ..  گال اغلقي الباب
وتعاي .

اول شي گاله شنو بينج وبين صفاء .. اني سكتت

مااعرف شنو ارد .. وبدا يعيط ويگول شلون هيج تكولين المرت علاء ..

گتله بابا والله ماحجيت ولاكلمه. هي الي اتصلت وتهدد بيه .. گال هاي انتي الهادئه هيج يطلع منج .. بعد صفاء تنسيه وتلتهين بدراستج موبايل ماتوصليه وخط يوديج ويجيبج . اعرف انتي ماربيتي عدنا بس مو معناهه تتصرفين بكيفج وتحبين ..

اني متت لو موتني ولا هذا الحجي .. بابا عصبي بس متوقعت هيج يجرحني .. كرهت نفسي وكرهت الحب وحتى صفاء الي وعدني يعيشني بسعاده ماجابلي بس المشاكل.. #شمس

تركت كولشي حتى اهلي قليل احجي وياهم وحتى الدراسه مو هالكد لان نفسيتي تعبت ..

صفاء .. خابرني عمي وگال ابني انسى شهلاء وشوف حياتك تزوج مرت اخوك احسن لان هي تريدك وشاريتك واني مستحيل اخلي بنتي بين المشاكل وامك ماراغبتها خلينا هيج احسن مما نتخارب وتبعد عني مثل قبل ..

وغلقه…  حاولت افهمه ماكو اتصلت ع رحاب گالت شهلاء تگول كلشي انتهى .. تعذبت وانقهرت وماكو اي طريقه اوصل بيها الها تعبت بس مايأست ..
قدمت خارجي سادس ودرست ودخلت دورات ..
حتى اخذ الشهاده .. #شمس

مرت الاشهر واجت امتحانات الفاينل .. وواني امتحن وبالي وعقلي بصفاء فديت عيونه الحلوه والله اشتاقيتله ياربي ليش هيج صار بينا ..

امتحنت وكملت .. واجت العطله .. وبدينا نحضر الزواج رحاب .. وتزوجت وطلعت حلوه كولش .. وبقيت وحدي ماكو احد اشكيله . رجعت اكتب قصص وارسم لان عطله وماكو شي ..اسويه ..
#شمس

طلعت النتائج واني خايفه .. وتالي طلعت معدل 83 ضجت حيل لان اني كنت اتمنى اكثر . بس صحيح اني ماادرست زين من گد ماافكر بصفاء ..
خلصت العطله وقدمت هندسه طلع قبولي . اشتريت فساتين وستر وشالات لان اني محجبه ..

وبيوم اول دوام .. لبستن فستان وستره بيج وحذاء عالي يعني بالمختصر طلعت كيوت ..
بس رغم هذا كوله مفرحانه وضايجه ع صفاء معقوله نجحت وراح اداوم وماباركلي ولا كلف نفسه يراسلني ..واني كل يوم اطلع رسائله واقراهن واتذكره وابجي هو هذا وعده. الي ..#شمس

وصلت للجامعه .. ومااعرف اي وحده وبين ماامشي انصدمت……
لگيت صفاء مقابيلي .. ياربي هذا حلم لو علم معقوله بين فرحانه وبين مقهوره منه ..
هو قرب مني وهمس باذني .. ( ماكو اني اموت عليج ) ..
اني ممصدگه لسا ..

صفاء .. شوشايتي شبيج عبالج انساج واعوفج ..گوتلج مستحيل انسى روحي وماانساج .. بنت عمي وطفلتي انتي تربات ايدي شلون اعوفج ..#شمس

اني .. صفاء شنو الي ذكرك بيه وشلون عرفت اني هنا ..
اني مانسيتج حتى اتذكرج .. واخبارج كل يوم اسمعها من رحاب. .
بس انت تركتني صارلك اشهر ماصدگت گوتلك عوفني ..

.. اوووف شوشايتي تعالي نروح للكافتريا وافهمج ..
رحنا للكافتريا .نسيت كل زعلي منه ولو وجهي ثگيل عليه بس بداخلي طايره من الفرح ..

اي يالله گعدنا .. احجي ..
صفاء .. اني كل هاي الفتره كنت ادرس خارجي سادس حتى اخذ الشهاده مثل ميردون اهلج .. ونجحت. وهسا علوم حاسبات ..
اني بذهول يعني تداوم وياي هنا .. اي شبيح مستغربه بس الفرق انتي صباحي اني مسائي .
بس دوامي وياج يبدي 😂😂#شمس

باوعتله وضحكت .. اااوف ياربي شنو من ضحكه راح تموتيني انتي ..❤
بس وين گاعد هسا ..
اقسام داخليه ..
والشغل شلون .. واحد صديقي لزمهن للمحلات والربح بالنص ..
صفاء معقوله هذا كوله عمود تبقى وياي ..
صفاء ..ومستعد اسوي كولشي عمودج ياعمري انتي ..

مرت السنين بسرعه واني وصفاء قضينا احلى ايام حياتنا بالكليه بعد ماحرمونا اهلنا نتقابل واحنا ولد عم ..

وبيوم خطبني استاذ عدنا بالقسم .. وتخبل صفاء وراح البابا وحاجاهه وترجاه وسولفله هو شسوه عمودي .. وماما من سمعت صفاء يدرس ودا يكمل غيرت رأيها من ناحيته ووافقوا عليه واخيرا😍#شمس

وبيوم الجمعه جاب امه واخواته وجابوا المهر مالتي وحتى يحددون موعد المهر والعقد ..

نسيت اگولكم مرت اخوه راحت الاهله بعد مايأست من صفاء يتزوجها ونزعت الاسود وتفكر تتزوج ..

وهذا الي مخلي ام صفاء مفرحانه يمكن مرايدتني او لان صفاء ماتزوج مرت اخوه بسببي . 

المهم عشت احلى فتره خطوبه وطلعنا اشترينا وجهزنا لان هذي اخر سنه النا ونتزوج بعد الامتحانات مباشرة
صفاء عيشني احلى فتره خطوبه ..
وحمدت الله وشكرته لان بعد هذا العذاب وحب سبع سنوات واكثر عشنا بي احلى لحضات ..
وتذكرت شلون كنت اكرهه وتالي هسا اموت عليه فديته ابو عيون 👀 الحلوه والطول الحلو 😘..

#بقلمي_شمس
يتبع ..