بين الحرب والحب

البارت الرابع

البارت الرابع ..
#بين_الحرب_والحب❤
#بقلمي_شمس…

رجعت للبيت واني گلبي يدوگ حيل .. مااعرف شنو الي صار بيه تخربطت مشاعري .. وحاولت اشتت تفكيري

وبقيت اقرأ واراجع لان مدارس ماكو بس اني بقيت احضر دروسي بأي وقت ترجع المدارس… #شمس

صار الليل وحضرنا العشا وكولهه تعشت طبعا الرجال ياكلون وحدهم والبنات وحد يعني مو كولنه سوه ..

وبقيت اتهرب من صفاء حتى مااشوفه .. وصار العشره موعد غسل الطارمه بس ماطلعت خفت يجي ويسويلي سالفه لو يشوفنا بابا ..#شمس

صارت الساعه 11… اجه اخويه علي گلي تكول ماما خلي تغسل الطارمه وسخه اليوم مغسلتها ..

گوتله علي حبيبي روح. للاستقبال شوفهم كولهم نامو ..
شويه واجه علاوي…  اي كولهه نايمه

اني .. وصفاء نايم .. گلي اي نايم ..
فرحت واخيرا خلصت من اللزگه ..
عاد گمت لبست حجابي ولبست تراك اسهل عليه من اغسل لان بالدشداشه  مااخذ راحتي ..
وكولهه نايمه ماكو احد يشوفني ..

وبين ما اغسل الطارمه وداانشف المي يم باب الشارع يعني تقريبا خلصت .. التفتت 😒

بقيت جامده صفاء گبالي .. عززززه واني لابسه تراك كولش استحيت بقيت اعدل بحجابي مااعرف اجر بالتراك ارتبكت حيل ..

صفاء بابتسامه .. طالعه حلوه ..
باوعتله بغضب .. وانت مو نايم شطلعك هسا
صفاء .. طلعت بالعشره ومالگيتج عرفتج مطلعين .. سويت نفسي نايم حتى تآمنين وتطلعين ومن اجه علاوي يباوعلنا واحد واحد افتهمت انتي الي دازته .. #شمس

اني .. اي وهسا شنو تريد
صفاء .. شهلاء ليش هيج تسوين ليش تضوجين مني ..
اني بخجل .. منو گلك اضوج منك بس اني مااعرفك ومااحب اختلط هذا طبعي ..

صفاء .. انطيني فرصه وحده. واوعدج مااخليج تندمين اني ابن عمج واخاف عليج اكثر من نفسي ..

اني معجب بيج من اول. نضره شفتج بيها حبيت طفولتج وبرائتج .. اترجاج انطيني فرصه اتعرفيني واعرفج واذا ماگدرتي تحبيني او ماارتاحيتي الي اوعدج انه بعد ماالح عليج ..

اني بين عين ع الباب ليطلع احد وبين اريد اخلص منه لان اعرف مراح يخليني امشي ويسولي مشكله ..
كوتله ها. ان شاء الله..  بس انت لاتبقى هيج تسوي كل ساعه طالعلي ..#شمس

ابتسم هو .. گال ع راحتج ..
واني فلتت اريد بس اشرد . صار الطريق شطوله للبيت واخيرا دخلت للغرفه لگيت بس ماما ومرت خالو گاعدات
ماما .. ها خلصتي .

اي ماما خلصت وحنام .. رحت للسرير مالتي تغطيت ونمت بس بقيت افكر .. هاي شنو شسويت بروحي اني
اوووووف ياربي شورطت روحي كوتله ان شاء الله يعني معناهه موافقه عليه ..
بقيت الوم بنفسي الى ان نمت .. #شمس

ثاني يوم **
كلعاده نفس الروتين گعدت وشفت الدنيا مخبوصه .. شكو .. گالو بغداد سقطت متنا  قهر وكولهه ضايجه
حتى ريوگ متريگو وبقينا اليوم كوله ضايجين ..

گاعدين وبابا اجه الماما گالهه اني من باجر حروح افتح المحلات المن گاعدين لسا .. ماما خافت على بابا بس بابا اصر لان المكان الي بي محلات بابا مال اجهزه كهربائيه ومنزليه خطر شويه فخفنا عليه ..
بس بابا. گال الحارس الله لازم نشتغل ونطلع قابل نبقى العمر كوله بالبيت.

خلصت شغلي ودخلت اسبح .. وطلعت لافه المنشفه ع راسي ولابسه گلبيه ماروني وبيها تطريز اسود ع طولهه ومخصره كولش حلوه .. تفاجئة صفاء گبالي وهو طويل بقيت مستحيه .. گالي نعيما حمام الهنا .. كوتله شكرا بأبتسامه ..

دخلت للغرفه واني فرحانه ..  يااا هاي شنو الي ديصير معقوله بديت انعجب بي او لان يهتم بيه واني طفله ومحد مهتم بيه هيج من اجيت من بيبي لسا ..
اهلي يحبونا بس مايعبرون ع مشاعرهم او يبينون اهتمامهم ..

واهتمام صفاء بيه ونضراته خلتني احس بشئ مااعرف شنو ..

مرت الايام واني وصفاء بس نضرات .. انتبه علينا ابن خالو ..  اسمه سجاد .. اشو هذا ضاج وبقى يخبث يعني بحياته ماحاجي وياي من شاف صفاء يباوعلي .. حليت بعينه .. #شمس

ومو يشوف صفاء يتباوعلي يجي يحاجني. لو يطلب جاي او يگول جوعان .

اي لعد مو اختك يمك واطلب منها ..
هذا الشي خله صفاء يتعصب ويضوج .. واجه حاجاني گلي بعد مااقبل تحجين وي سجاد ..بس بعصبيه

ضجت اني .. اني محاجيه وياه هو الي يجي يحجي ونزلت دموعي اني من النوع الي دموعي بطرف عيني ..
ومااتحمل وشگد حاولت اضمهن بس نزلن .. من شاف دموعي تخبل .. گال شوشه لتبجين اني اعرفج شنو انتي بس هذا الحقير يتعمد ..

دخلت للغرفه .. وشويه وسمعت صوت طلعت لگيت صفاء وسجاد يتعاركون بس مگالوا السبب اثنينهم ساكتين وبابا يرزل بيهم ..

تالي عرفت من رحاب صفاء مسولفلهه .. ع ساس سجاد محاجي صفاء وگاله مو اجيت من تالي ومسوي روحك ابن عمها ومطوخ بالحجي ..

اني ضجت ع صفاء .. صحيح هم من كبروا يالله عرفونا بس الضروف بعدتهم وامهم مخلتهم يتعرفون ع اهلهم ..
مرت الايام وبقيت كل يوم اكعد من الصبح حتى اشوف صفاء صار تعويد عندي مااعرف هذا الشعور شنو بس اذا مااشوفه اضوج ونضراته تموتني وعيونه العسلي يموتن 😊
#بقلمي_شمس
يتبع..