بين الحرب والحب

البارت العاشر والاخييير

البارت العاشر والاخيررررر…
#بين_الحرب_والحب❤
#شمس

أصبحت ملكي .. أصبحت ملكا على عرش قلبي .. أصبحت حبيبي امام العالم .. اصبحت لي .. اصبحت زوجي ..

واجت العطله ونجحنا .. وحددنا يوم. زواجنا ..
هو امكانيته متوسطه فما حبييت اكلفه واتشرط اخذنا غرفه حسب امكانيته بس نازكه وحلوه ..

وبيوم الحنه لبست بدله بنفسجي فاتح نازكه كولش وسويت تسريحه بسيطه وبماانه هو بعيد عنا .. مشافني بس اخذت هوايه صور حتى يشوفهم بعدين ورگصت رگص بالحنه ماصاير نسيت الخجل وفرحانه لان اخيرا حبيبي وابن عمي صار من نصيبي ..

وبالليل بقينا نسولف للصبح .. ويگولي شيخلصج مني باجر اطلع العذاب والانتضار كوله بيج ..😂#شمس
بيوم الزواج بشلاع الگلب صحيت لان الليل كوله مانايمه ..
تريگت وسبحت ورحت للصالون اني ورحاب وطلعت شي ثاني لبست عدسات لان عيونه حلوه وملونه واني سود
😂😂
واجه حبيبي ومن گالوا اجه مااعرف شصار بيه صعدت بالسياره واول كلمه گالهه الي ( ماكو اني اموت عليج ) هههههه فديته 😘

وبقى ع طول الطريق يتغزل والطريق ساعه يالله وصلنا ..
واجه الليل واوووف يالليل😉.  خبلني يگولي اتحمليني لان اسنين واني متحمل ولسا اتخيلج ذيج الطفله الي حبيتها .. ويسولف ويقشمرني بالكلام الى ان… .😍

ونمت بحضنه اوووف احلى شعور وهو طويل يضمني بين ايديه احساس كولش حلو لما الوحده تتزوج الي تحبه وتنام بحظنه ❤#شمس

وگعدنا الصبح واحنا ممصدكين نايمين سوه . عشنا ايام حلوه ..

رغم امه ماحبتني ابد ولازم يصير شي ينغص حياتنا ..
كل يوم تطلعلها سالفه وتدور مشاكل وبناتهه وياهه بس رغم كل هذا صفاء وياي ويهون عليه ..

يعني حتى تنام ويانا بحجة غرفتكم بارده ..
ومن يجن بناتها . ظهري ينكسر من الشغل عندهن اولاد ويوسخون وتعالي سوي غدا وعشا ..
وهنه بس گاعدات وضحك وسوالف ..
حتى بالكذب يگولن خلي نساعدج ..
ولليل من ادخل غرفتي حتى ارتاح ..
يجن يمي يگعدن ..
واولادهن يگلبون الغرفه ..
واني استحي احجي ..
وبعدني عروس ..
هم اريد ابدل اعدل نفسي الزوجي ..
ميطلعن الا لمن تندگ الباب ويجي صفاء يشوفني شحالي ..
استحي منه على مااسبح واطلع الگيه غافي من التعب . لان يشتغل وتوسع شغله والله رزقه ..
كل هذا واستحي احجي ..
ومتحمله لعيون صفاء ..

بعد شهرين حملت .. وصفاء طار من الفرح ..
وعبالي ارتاح .. تالي نفس التعب والشغل ..
حتى القنينه اني اشيلها ..
واغسل الزوالي وحدي ..
الى ان ظهري ينكسر ..
وعمتي تطلع شكو شي حتى اذا نظيف تگولي اغسليه عبالك دا تعاقبني ..
بس صبرت واتحملت والحمد لله ربي حفظ طفلي ..
واجانا ولد ..
وبعدها بنيه تخبل .. بس المشاكل نفسها وزادت گامت تتشكى هواي وشوهت سمعتي بين الناس ..

عساس اني مااشتغل والبيت كله عليها .. والناس كل الي يشوفني يلوم بيه .. واني احلف وتالي طگت روحي وسولفت الصفاء ..
وصفاء عاتب امه .. وامه گامت تحجي وتغلط عليه وطردتنا من البيت ..
بس صفاء سكت وگال تحملي الخاطري ..

استمرت المشاكل وتعبنا ومانعرف شنو تريد الى فد يوم طلبت امه نطلع من البيت وصفاء ماعنده امكانيه والله يخليه حبيبي كان ولد بار رغم كل المشاكل ماتجاوز ولا قلل من احترام امه بس هي الله يسامحهه الضاهر تطلب ثار مني .. وعزلنا من بيت اهله ماطلعنا بعيد عنها وهيج وازن بين علاقته بامه وحياته وسعادته ..
وهاي نهايه قصتي مع ابن عمي وحبيبي . وعسى ان تكرهوا شيئا وهو خيرا لكم. .
ادعولي حبايب براحة البال ويديم سعادتنا ويبعد كل الي يفرقنا عنا ان شاء الله..
مع تحياتي الكم حبايب #شمس❤