بين الحرب والحب

البارت الثامن

البارت الثامن…
#بين_الحرب_والحب❤
#بقلمي_شمس ..

لنفترق قليلاً لخيرِ هذا الحُبِّ يا حبيبي وخيرنا ..
لنفترق قليلاً لأنّني أريدُ أن تزيدَ في محبتي ..
أريدُ أن تكرهني قليلاً ..
بحقِّ ما لدينا من ذِكَرٍ غاليةٍ كانت على كِلَينا ..
بحقِّ حُبٍّ رائعٍ ما زالَ منقوشاً على فمينا ..
ما زالَ محفوراً على يدينا..
بحقِّ ما كتبتَهُ إليَّ من رسائلِ ..
ووجهُكَ المزروعُ مثلَ وردةٍ في داخلي (نزار قباني)

راح صفاء واخذ گلبي وياه ..واجت رحاب نطتني ورقه صغيره وگالت هاي صفاء دزاهه الج ..
قرأتها كاتب ( ماكو اني اموت عليج ) هاي العباره مميزه عندي .. بين افرح وبين اضحك ..

مرت الايام وماكو شي جديد واني محاجيه وي صفاء صار فتره ومشتاقتله ..

واجه بابا جايب موبايل طابوكه ستوه نازل واحد للبيت وواحد اله نطينه الرقم الكل اقاربنا .. ومنهم صفاء نطيتهيا  .. ومرات يخابر بحجه يسأل علينا حتى يسمع صوتي ونسولف شويه .. بس المهم اسمع صوته ويوم عن يوم زاد حبي ونسيت ذيج السالفه ..

ونجحت للسادس .. والتهيت بالدورات والدراسه ..
وسمعت ماما تگول البابا اذا شهلاء جابت معدل عالي يحلم صفاء انطيهيا خلي تشوف مستقبلها هو ماعندة شهاده وحالتهم الماديه وبيتهم مو هالگد واني مااريد بنتي تتبهذل وفوكاهه مشاكل مرت اخوه هاي .

اني انصدمت ياربي شأسوي ..
خابرت للصفاء وگوتله .  گال لتهتمين حياتي كولشي ينحل واني ابن عمج .. يعني غصبن عليهم ينطوج الي ..
غلقت الموبايل ودگ مره لخ .. عبالي صفاء ..

گلت الو .. بس الصوت وحده بنيه ..
الو منو شهلاء .
اني .. يي بلي منو
اكلج انتي مو حرام عليج تسوين هيج .. مو هاي يتيمه وماعندها ابو ليش تحرميها من عمها ..

استغربت هاي مرت علاء ..

اني متت بدمي .. هاي شلون تحجي تجرأت وگولتلها ..
اذا صفاء ميريدج ليش كاتله روحج وهو قابل زوجج وماخذته اني ..

گالت ومنو گلج ميريدني .. يريدني بس انتي واكفه بيناتنا وتصرفاته تثبت مداريني اني وبنتي وشنو اريد يجيبلي وضحك وسوالف انتي قابل كاعده ويانا بالبيت وتعرفين شنو يصير هنايه ..#شمس

حسيت الدنيا تفتر بيه والشك موتني .. اتصلت ع صفاء وبقيت اصفط بالحجي واعيط  وكوتله اني بعد مااريدك تزوج مرت اخوك وخلصني وبعد لتتصل بيه ..

صفاء .. اني تخبلت من سمعت هيج رحت للبيت وتعاركت وي مرت اخوي وكولتلها اني مااريدج يابنت الناس شوفي حياتج بنتنا عدنا وانتي تردين تزوجين روحي تردين تبقين هنايه اخليج ع راسي بس بنت عمي ماتوصليلها احبها ومااعوفها لو ع موتي ..

امي گام تحجي وزعلت وياي ع زعل مرت اخوي ..

واحنه گاعدين دانتعشا رن موبايل بابا رد بابا وعرفنا هاي مرت علاء ..
اني خبطت الوان واتوقعت الي حيصير ..
سولفت البابا حجي صدك جذب وعساس اني تاهمتهه وي صفاء وتريد كرامتها واذا الناس سمعت اني تهمتهه شيكولون عليها ولازم تلگالي حل .. هي تريد توصل انه بابا يجبر صفاء يتزوجهه.. 
كاللهه بابا اتاكد من هذا الحجي ويصير خير ..وغلقه .. #بقلمي_شمس
يتبع… .