Kahit saktan niya ko ng paulit ulit wala akong paki basta nandiyan lang siya.
I’ll give anything to see her smile again.
Napaluhod ako habang patuloy na humahagulgol ng iyak.
“WAG NIYO SIYANG KUNIN SAAKIN! IKAMAMATAY KO PAG NAWALA SIYA!”
Ipinatong ko ang ulo ko sa mga kamay ko habang patuloy na umaagos ang luha sa mata ko.
Mawawala na si Nami… mawawala na ang babaeng mahal ko. Iiwan na niya ko. Ang sakit sakit. Hindi ko kaya.
Tumayo ako at pumunta sa lugar kung saan alam kong pwede kong ibuhos lahat ng hinaing ko.
Dumiretso ako sa chapel…
Umupo ako sa bandang unahan.
“bakit niyo siya kukunin saakin agad? Hindi pa ba sapat na inilayo niyo ko sa mama ko ng matagal na
panahon? Hindi ba ko pwedeng maging masaya? Bakit siya pa? Bakit yung babaeng mahal ko pa? pwede
bang ako na lang ang kunin niyo? Di ko kasi kakayanin na mawala siya saakin eh. Bakit di niyo man lang
hinayaan na magkasama kami? Bakit?!” napayuko ako habang patuloy parin ang pagbagsak ng luha sa mata ko
“bakit mawawala na siya? Bakit..”
“patay na ba siya?”
Napaangat bigla ang ulo ko ng makarinig ako ng boses at nakita ko na may babae akong katabi. Maputi siya,
mahaba ang buhok na itim na itim, singkit ang mga mata niya. At nakangiti siya saakin
“e-eh?”
“sabi ko kung patay na ba yung iniiyakan mo?”
“h-ha?”
“nakita ko kayo kanina sa ER at narinig ko yung sinabi ng doctor. Di pa naman siya patay eh, sabi niya lang
once na hinugot ang life machine sa katawan niya tsaka siya mawawala”matapos niyang sabihin yun, binigyan
na naman niya ako ng isang ngiti
“sino ka ba?! At ano bang alam mo ha?! Sabi ng doctor wala ng pag asa. Makina na lang ang bumubuhay sa
kanya!! Ano pa ang pinagkaiba nun?! Tatanggalin at tatanggalin din nila ang makinang yun sa katawan niya!
Wag mo kong kausapin dahil wala kang alam! Hindi mo ko kilala! Hindi mo naiintindihan ang nararamdaman
ko!”
Kaso parang nakakapang asar lang, nginitian ulit ako nung babae
“9 years old ako nung pinasok ng magnanakaw ang bahay namin”
“ha?”
“nasa probinsya nun ang mama ko at ang kuya ko naman ay nasa camping kaya kami lang ng papa ko ang
naiwan sa bahay. Nung pinasok kami ng magnanakaw, sinubukan ni papa na labanan ito kaso masyado
silang malakas kaya napatay nila si Papa”
“t-teka bat mo kinukwento to?”
Di niya sinagot ang tanong ko, instead binigyan na naman niya ako ng isang ngiti
