#روايه_كشف_حساب
الحلقه الثالثه
ميرنا / ايه رايك نروح نتغدى و اخدك و نروح للكوافير بتاعى يظبطلنا شعرنا
همسه / و دا برده على حساب يس بيه
ميرنا / الصراحه لا الغدى على حسابى و الكوافير ابقى حاسبى لنفسك و انا احاسب لنفسى ايه رايك
همسه / ماشى
........
فى الشركه تانى يوم همسه و ميرنا قاعدين عالمكتب و يس يدخل
يس / السلام عليكم
ميرنا / اهلا يس بيه
يس / انتى همسه ؟؟؟
همسه تنكسف
يس / خلاص انا هسكت لحسن اتفهم غلط و لا حاجه و بصراحه همسه فى سوء النيه مبتتوصاش
ميرنا / هههههههههههه
يس / شويه و هاتيلى البوسطه
ميرنا / حاضر يا فندم
......
شويه و ميرنا تاخد ملف و تدخل جوه
يس / انبسطتوا امبارح
ميرنا / اوى و طبعا الفضل يرجعلك
يس / انا عاوزك تاخدى بالك منها مش عاوز اى حاجه تدايقها
ميرنا / انا بس مش فاهمه هو حضرتك بتعمل معاها كدا ليه
يس / هقولك بس اوعى تقوليلها بصراحه صعبت عليا اوى حسيت ان ظروفها صعبه و خفت تشحت او تضطر تعمل حاجات وحشه فقولت اساعدها
ميرنا / ان كان كدا انا معاك
يس / هو للدرجادى مكتوب على دماغى انى منحرف محدش متخيل انى ممكن اكون كويس ليه
ميرنا / ههههههههههه ابدا والله يا فندم هو بس مفيش حد بيعمل كدا فى الزمن ده
يس / حصل خير اتفضلى روحى شوفى شغلك
........
ميرنا تطلع بره
ميرنا / كتبتى الايميلات اللى معاكى
همسه / بكتب فى اخر واحد
ميرنا / طب ابقى وريهانى قبل متبعتيها
همسه / حاضر انا بكتبها و احفظها درافت زى معلمتينى
ميرنا / تمام
......
فى البيت ميرنا موصله همسه تانى
صاحب البيت / دا شغل ايه اللى فيوم و ليله ينطق كدا متشوفيلى شغله معاكى و لا الشغله دى للحريم بس
همسه / قصدك ايه
الراجل / جرا ايه يا ست البنات هو انتى فكرانى داقق عصافير على قفايا اسمعى البيت ده طول عمره محترم و لازم تفهمى انى مباجرش بيتى لاى حد و ان كنتى فاكره اكمنك دفعتى اجره الشهرين الجاين هسيبك تمشى على حل شعرك ....
همسه / حل شعرى مين يا متخلف انت انا ستك و تاج راسك
الراجل / لا يا شيخه شغله ايه دى اللى تديكى تدينى الف و خمسميه جنيه مقدم لا و كمان تلبسك و تنجرك اوى كدا مهو يا مخدرات يا شمال و غالبا شمال
همسه / انت واحد مش محترم و انا الغلطانه انى ساكنه عند واحد زيك ادينى ايجار الشهرين الجايين و انا من بكره هشوف مكان تانى اقعد فيه و اول الشهر هكون ماشيه
الراجل / لا و النبى ايه بصى بقى يا حلوه / انتى كدا كدا ملكيش حاجه عندى و قدامك يومين و تسيبى البيت بدل قسما عظما ابلغ عنك الحكومه
همسه / هتبلغ تقول ايه يا راجل يا ناقص انت طب ايه رايك انى مش ماشيه و روح بلغ البلوليس زى مانت عاوز خليهم يحبسوك بتهمه البلاغ الكاذب كتك القرف راجل مقرف
همسه تطلع شقتها و تقفل على نفسها الباب بالمفتاح
.......
تانى يوم فى الشركه
ميرنا / انا اتفقتلك مع تاكس يوديكى و يجيبك و ده رقم تليفونه واحده صحبتى قالتلى عليه طلع ارخص من انى اجيبلك عربيه بسواق ايجار
همسه ساكته
ميرنا / انتى زعلتى منى يا بنتى انا ساكنه بعيد عنك جدا عشان اجى اخدك كل يوم الصبح و اجيبك الشركه لازم اصحى تلت ساعات بدرى
همسه / لا ابدا انا مقصديش حاجه والله انا بس امبارح اتخانقت مع الراجل اللى ساكنه عنده الواطى بعد مخد منى ايجار الشهر ده و الشهرين الجايين عاوز يطلعنى و بيتهمنى انى بنت مش كويسه قال ايه شغله ايه اللى تنجرك بالسرعه دى
ميرنا / و لا تزعلى نفسك انا هحاول اشوفلك مكان تانى تنقلى فيه بس الاول هتعملى ايه فى حوار التاكس
همسه / مفيش مشكله انا خدت النمره هبقى اكلمه و اتفق معاه
تليفون يرن ميرنا ترد/ ايوه يا فندم .... اه موجوده .... حاضر ثوانى هبعتها لحضرتك
ميرنا / يس بيه عاوزك
همسه / استر يارب مهى ناقصه
همسه تدخل جوه عند يس
.....
يس/ عامله ايه فى الشغل
همسه / كويسه الحمد لله
يس/ مبسوطه معانا
همسه / اكيد
يس / طب متنسيش تعدى عالشئون القانونيه تمضى العقد بتاعك بقى عشان تستمرى علاطول
همسه / حاضر
يس/ مالك ساكته اوى و دى مش عوايدك
همسه / مفيش حضرتك عاوز حاجه تانيه منى
يس / انتى لسه زعلانه منى يا همس
همسه / لا انا مقدرش ازعل منك بعد كل اللى حصل
يس / طب اقعدى
همسه / تحت امرك
يس / انا عارف ان كل اللى حصل كان سوء تفاهم بس انا افضل انى اسميه نصيب و قدر
همسه / ايوه كلو نصيب
يس / لا بجد انتى مش فى المود خالص مالك حد هنا دايقك
همسه / ابدا والله انا بس يمكن تعبانه شويه عن اذنك
يس / اتفضلى و ياريت تنادى ميرنا
همسه / حاضر
همسه تطلع بره و شويه و ميرنا تدخل
ميرنا / تحت امرك يا فندم حضرتك طلبتنى
يس / هو فى ايه مالها همسه مش عادتها تبقى هاديه كدا
ميرنا / بصراحه من يوم مشوفتها و هى هاديه
يس / مش عارف فيها حاجه متغيره دا اول مره شوفتها فيها مبطلتش كلام و دلوقت مبتقولش كلمتين على بعض
ميرنا / يمكن عشان الفتره دى عندها شويه مشاكل مع الراجل صاحب البيت
يس / مشاكل ايه دى
ميرنا / الراجل اتخانق معاها و عاوزها تسيب البيت مع انه اخد ايجار شهرين قدام
يس / طب ناديها
ميرنا / حاضر ثوانى
يس يمسك التليفون / ابعتلى حد مالشئون القانونيه
.....
همسه تدخل
همسه / حضرتك طلبتنى
يس / انتى معاكى وصولات الشهور اللى دفعتيها لصاحب البيت
همسه / لا العقد اصلا انا مبخدش وصولات من الراجل اصلا
يس / انتى مجنونه ازاى كدا
همسه / هو ده اللى حصل
يس / على كل حصل خير فى داهيه انا هعملك اخر جميل و بعد كدا انتى مسؤله عن نفسك ماشى
همسه / انت بتعمل معايا كدا ليه انا معنديش حاجه اديهالك فى المقابل
يس / بعد كل ده لسه فهمانى غلط
همسه / مهو متقنعنيش انك مشغلنى و اديتنى فلوس و لبس و هتحللى مشكلتى مع صاحب البيت كل ده عشان تعتزر عشان اللست عليا لا فوق انا اصلا مالمنيا يعنى مالصعيد و عندنا الستات بتقرقش الظبط فهمت و لا اعيد تانى
يس / كمان ادينى اكتر ايوه كدا همسه اللى اعرفها رجعت تانى
همسه/ يووووه
يس / ههههههههههههه روحى روحى انا هظبطلك الحوار ده
همسه / انت اكيد مش طبيعى
يس / ههههههههههه ايوه فعلا انا مش طبيعى خالص و انا معاكى
همسه / بجد عن اذنك
همسه تطلع و يدخل علاطول موظف تانى
......
فى البيت عند يس
ست فخمه كبيره / اخيرا جيت لو كنت اتاخرت خمس دقايق كمان مامى كانت هتزعل اوى
يس / و انا مقدرش على زعل مامى ايوه يا ست الكل اؤمرى كنتى عوزانى ليه
الست / انت مش هتيجى معايا عيد ميلاد هايدى و لا ايه
يس / ازاى بس هاجى طبعا وربنا يعدى اليوم ده على خير
الست / انا مش عارفه انت ليه بتتعامل معاها وحش
يس / انا برده اللى بعاملها وحش دى اكتر انسانه مغروره فى الدنيا والله لولا انها بنت خالتى مكنت كلمتها اصلا
الست / على فكره انت ظالمها انا متاكده انك لو اديتها فرصه و قربت منها اكتر هتحبها
يس / يا ست الكل انتى عارفه ان الاسلوب ده مينفعش معايا خالص
الست / خلاص ممكن ناجل الكلام فى الموضوع ده لوقت تانى و تتفضل تطلع تلبس عشان نروح العيد ميلاد
يس / حاضر سبع تمن ساعات و ابقى جاهز
الست / يس
يس / هههههههههههههههه بهزر عن اذنك
......
فى العيد ميلاد
ست تانيه / اهلا اهلا فريده كل ده تاخير
فريده / اعمل ايه بس كنت مستنيه يس يلبس
الست / جرا ايه يا سى يس هى دى برده تربيه امريكا من ساعه متيجى مصر مشوفكش غير مرتين بس
يس / معلش يا خالتو والله مشغول الله دا هادى هنا عن اذنكوا اسلم عليه
يس رايح يسلم على واحد فى بنت توقفه فى النص
البنت / بقى كدا ينفع انا قولت انك هتبقى اول الحضور
يس/ حقك عليا انتى عارفه الشغل
البنت / لا مفيش اعذار انت لازم تعوضنى بكره و تعزمنى فاى حته
يس/ كان نفسى اوى بس يا خساره عندى بكره اجتماع مهم جدا لاعضاء مجلس الاداره
البنت / طظ
يس / افندم
البنت / بقولك طظ طظ فى الاجتماع و طظ فى مجلس الاداره و بكره الساعه خمسه هستناك فى النادى اوعى تتاخر
البنت تمشى
يس/ هوف يا ساتر
انتهت الحلقه اذا اتممت القراءه متابعه مع ذكر الله.
