#روايه_كشف_حساب
الحلقه السادسه
يس / امممممممممم مش بالظبط ممكن نقول وحشتينى ومقدرتش استنى فى العربيه لحد متنزلى
همسه / اوووه ثانك يو ذات ايذ سو سويت و هعمل نفسى هبله و هصدق
يس / ههههههههههه انتى بس خليكى على كدا و كلو هيبقى تمام
همسه / ربنا يستر يلا يا معلم
يس / يلا يا اسطى
......
امام فيلا كبيره البوابه تفتح و جنينه كبيره و بيت كبير
همسه / انا عاوزه اروح
يس / اجمدى كدا هى هتاكلك زى متفقنا انتى تدخلى من هنا و تطلعى مالناحيه التانيه
همسه / و جعلنا من بين ايديهم سدا و من خلفهم سدا فاغشيناهم فهم لا يبصورن اللهم اكفينيهم بما شئت و كيفما شئت انك على كل شئ قدير
يس / خلصتى
همسه / اه
يس / طب انزلى و ابقى حفظينى التعويذه ده
همسه / اسمه دعاء يا متدرين ياللى بتصلى
يس / سورى
همسه و يس يدخلوا البيت يلاقوا هايدى و مامتها و فريده قاعدين
فريده / تعال يا يس دا مفيش حد غريب
يس يمسك ايد همسه و يروح يقعد جنب مامته
يس / ازيك يا خالتو ازيك يا هايدى
هايدى / تمام الحمد لله ايه مش هتعرفنا
يس / اسف خالتو مرفت و بنتها هايدى همسه خطيبتى
فريده / كل ده لسه فى علم الغيب قدم المشيئه يا يس
هايدى / حلو اوى الحلق ده جيباه منين
همسه / يس جايبهولى هديه
يس يبصلها و يبتسم و هى تبصله و تغمزله
هايدى / اه خالتو قالتلى انك كنتى بتشتغلى فى عياده دكتور اسنان
يس/ انا واقع مالجوع ممكن ناجل اى كلام لبعد الاكل
فريده / لما الخدم هيخلصوا الاكل هيقولولنا و لحد ميخلصوا شغلهم خلينا احنا كمان نخلص قصدى كلامنا طبعا
همسه / اه اشتغلت يوم واحد و سبت الشغل و البركه فى يس
هايدى / اه مانا عرفت انه شغلك عنده بس اللى مش قادره افهمه ازاى عينك و انتى معهد
همسه / ممكن اجاوبك بس بينى و بينك
مرفت / و بينك و بينها ليه محدش غريب
همسه / يعنى مش عاوزه احرج يس
يس / لا عادى انا مكنتش قادر ابعد عنها فقررت انى اعينها فى مكتبى عشان تبقى قدامى طول الوقت
همسه تمسك ايد يس مع بعض النظرات لفرس هايدى
فريده / عندى احساس انى شوفتك قبل كدا
همسه / لا مفتكرش حصل يمكن اكون شبه حد تعرفيه او حاجه
فريده / ممكن بس ملامحك مالوفه اوى
هايدى / متتعبيش نفسك يا خالتوا ملامحها هتلاقيها فكل حته
همسه / سبحان الله يخلق من الشبه اربعين
مرفت / خلونا فى المهم ناوين على ايه بقى
يس / احنا ناوين نعمل حفل خطوبه كبير و بعدها بكام شهر نعمل الفرح
فريده / خساره ان كل معازيم الفرح هيكونوا من طرفنا فعلا
همسه / فعلا خساره ان بابا و ماما مش موجودين عشان يحضروا اكيد كان نفسهم يحضروا اللحظه دى
فريده / ارتاحوا مش انتوا بتقوا كدا برضه الموت راحه
همسه / اكيد ساعات كتير الموت بيكون ارحم بكتير مالعيشه مع بعض البشر
فلبينيه / لنش اذ ريدى
فريده / الاكل جاهز شوفتى كل اللى عندى فى البيت فلبينيات اصلى مبحبش خدمه المصريات مهماش نضاف و دايما بيهنكروا مع انهم ارخص ارخص كتير اوى بس انا الفلوس متفرقش معايا اهم حاجه عندى النضافه
همسه / صح اهم حاجه النضافه
الكل يقوموا ياكلو بالشوكه و السكينه و همسه بتعانى يس يبتسم و يبدا يقطعلها
هايدى / اووووووووووه هاو رومانتيك
همسه تبتسم / حد يلاقى دلع و ميدلعش
مرفت / ازاى دا يبقى مغفل
همسه / ربنا يخليهولى يدلعنى كمان و كمان
هايدى / حاسبى بس لحسن توقعى على هدومك و انتى بتاكل و لا اكلها كمان يا يس
يس / و هو انا اطول هى بس تاذنلى
.....
بعد الاكل
يس / ايه رايك يا همس افرجك على الفيلا تعالى
يس و همسه يمشوا
هايدى / بقى دى اللى يفضله عليا
فريده / متقلقيش اكيد هنلاقى حل ادينا شوفناها و عاديه يعنى مش ملكه جمال انا عمرى مهسمح للموضوع ده يحصل
هايدى / انا بجد مش مصدقه شوفتيه يا مامى و هو بيقطعلها الاكل و ياكلها فى بقها و هى ملكه لا و كمان بتفرسنى اللى يلاقى دلع
مرفت / وطى صوتك
.....
عند حمام السباحه
يس / زعلتى
همسه / معرفش هقدر اكمل حياتى كلها فى المكايده دى و لا لا
يس / بمجرد مهنتجوز كل ده هينتهى و مش هيبقى فى غير انا و انتى و محدش اجبرك انك تعيشى هنا انا هجيبلك فيلا زى دى و احسن و نعيش فيها انا و انتى و نبقى نيجى هنا نزورها بس مهى امى برده
همسه / طبعا انا مقدرش امنعك عنها
يس يبوس ايدها / تسلميلى يا قلبى
همسه / بطل بكش
يس / بطلى تقفلينى كدا ايه مفيش حاجه بتدق جوه
همسه / عندك حاجه بتدق
يس / طب اسمعى كدا
همسه تقرب و تقرب و هى مبتسمه و تمسك يس من الجاكت و فجاه تزقه فى الميه
همسه / ههههههههههههههه
يس / بقى كدا ساقعه تلج على فكره
همسه / طب تعال تعال
همسه تمد ايدها ليس يشدها تقع فى الميه
همسه / عاااا الميه ساقعه اوى حرام عليك
فريده و هايدى يطلعوا يجروا يلاقوا همسه و يس بيرشوا على بعض ميه و فى منتهى السخسخه و الدحك
هايدى / هتستندى ايه من فلاحه هزار بوابين طبعا عن اذنكوا انا مروحه يلا يا مامى
هايدى و مامتها يمشوا
فريده / صوفيا جيت ذا تولز بليز
يس / ازيك يا ماما
فريده / ناشفه الحمد لله
الفلبينيه تجيب الفوط و يس يطلع و يشد همسه يطلعا و يحطلها البشكير حواليها و يدخلوا
فى اوضه فوق همسه تلبس طقم تانى كان فى شنطه هدايا عالسرير باب الاوضه يخبط تفتح
همسه / اهلا طنط
فريده / لو كنتى اى حد كنت قولتله اسمى فريده هانم لانى بكره كلمه طنط جدا بس انتى وضع مختلف انا عوزاكى تقوليلى يا مامى
همسه / دا يشرفنى طبعا
فريده / انتى تعرفى ان يس ابنى الوحيد و هو الوريث الوحيد لمجموعه بدران حاجه بسيطه كدا متساويش غير شويه مليارات
همسه / يديكى طوله العمر يا مامى
فريده / ميرسى
همسه / بصى انا مبحبش اللبس الوشوش انا عارفه انك مش حبانى باين اوى فى عنيكى بس صدقينى انا مجريتش و را يس و لا حتى حاولت معاه و لا اصلا فكرت فيوم من الايام انى ارتبط بواحد زى يس انا لا قولتله يعينى فى الشركه بمرتب كبير و لا هاتلى لبس و لا حتى قولتله يشتريلى شقه كبيره مفروشه عالنيل ابدا والله هو اللى عمل كدا و حتى مشترطتش عليه يجيبلى فيلا اكبر من دى عشان نتجوز فيها بعيد عن المشاكل انا كان ممكن اعيش هنا عادى مش وحشه حتى انا مكنتش اعرف انه جايبلى هدوم تانيه هنا و كان ناوى يديهانى هديه بكره شوفتى سبحان الله
فريده / تعرفى الكلام اللى قولتيه ده خلاكى تعجبينى اوى و مش بس كدا دانا واثقه انى هستمتع اوى بعلاقتى معاكى بس ليا عندك طلب صغير اوى عوزاكى تاخدى بالك من نفسك يس قلبه اتكسر قبل كدا و مش عاوزاه يتقهر عليكى
همسه / متخافيش عليا عمر الشقى بقى و محدش بياخد اكتر من عمره
فريده / زى مقولتلك الموت ساعات كتير بيكون راحه عن اذنك عشان اروح اطمن على يس
فريده تمشى
......
همسه تنزل تحت تلاقى يس واقف مستنيها
يس / ايه الحلاوه دى
همسه / زوقك
يس / القلب و لا القالب
همسه / الاتنين
يس / شكرا
همسه / على ايه
يس / انا متاكد انك استحملتى كتير النهرده فقولت لازم اشكرك
همسه / تعرف انا نفسى فى ايه دلوقت
يس /اوامر سموك
همسه / بيتزا مش عارفه ليه نفسى هفانى على بيتزا
يس / بسيطه هطلبها تيجى فى ثوانى
همسه / لا معقول البيت الكبير ده مفيهوش مطبخ
يس / طب مفيش مشكله صوفيا صوفيا
همسه / لا انا عاوزه اعملهالك بايدى ايه رايك
يس / هتعجنى بايدك هنا
همسه / ايه منفسكش تدوق عمايل ايديا
يس / انتى مجنونه عارفه
همسه / و هى الدنيا تنفع من غير جنان يلا خدنى عالمطبخ
يس / يلا بينا
همسه و يس يدخلوا المطبخ
همسه / الله مفى مصرين فى البيت اهو ولا الفلبينين مبيعرفوش يطبخوا
يس / كبرى مخك بقى
همسه / فى دقيق و خميره لو سمحتى
الخدامه / اه ثوانى
الخدامه تجيب كل المكونات و تحطها عالرخامه
همسه تقرب على يس و توشوشه / طلعها بره خلينا لوحدينا احسن
يس / طب ايه يا جماعه راحه كلكوا سيبولنا المطبخ شويه بقى
الكل يطلع و همسه تجرى تقفل الباب
انتهت الحلقه
