#روايه_كشف_حساب
الحلقه الخامسه
همسه / ثواب
يس / اه ثواب ايه هعتبرها انى سترت بنت من الدنيا و هستنى ربنا يسترنى انا كمان عادى اصلا الشقه دى مش غاليه
همسه / دى مش غاليه انت عاوز تشلنى
يس / بصى دا عقد الشقه فكرى براحتك و قررى و ردى عليا
...........
تليفون يس يرن
يس / الو .... اه ازيك يا هايدى سورى بجد كنت مشغول ..... مانا قايلك امبارح انى مش هقدر ..... و انتى مالك بالموضوع ده .... اه طبعا شئ ميخصكيش
يس يقعد عالكنبه
يس / تخيلى قفلت السكه فوشى يلا فى ستين داهيه
همسه تقعد جنبه
همسه / مين دى
يس / بنت خالتى انا شكلى بقيت هزا اصلا اى بنت كدا تهزانى يلا
همسه / موضوع ايه ده اللى ميخصهاش
يس / حد قالك قبل كدا انك فضوليه اوى
همسه / مهو لو كنت هتخطبلك بيتهيالى المفروض اعرف عنك كل حاجه
يس يبتسم / موضوعك اصل انا فاتحتهم فى البيت و حكيتلهم عنك
همسه / مهو مستحيل تكون لحقت تحبنى
يس / للحب وجوه عديده خلينا دلوقت نعتبره اعجاب و ادينى اهو دخلت البيت من بابه عشان اثبتلك حسن نيتى
همسه / امممم طب انا هقابل مامتك امتى
يس / طب ممكن نروح نتغدى الاول فى اى حته عشان فى حاجات مهمه لازم تعرفيها قبل هذا اللقاء التاريخى
همسه / ماشى
همسه و يس ينزلوا من العماره اللى فيها الشقه و الناحيه التانيه نفس الشاب اللى كان واقف متابع الاحداث و بيشرب بيبس هنسميه الشاب ابو كاب ازرق و برده متابع الاحداث
.......
فى المطعم
همسه / انت جايبنى هنا تحرجنى بص بقى احنا لو هنبتديها كدا
يس / فى ايه بس اهدى
همسه / القايمه كلها بالانجليزى
يس يبتسم / اه دى مشكله و لازم تتحل بصى لمصلحتك قبل اى حد انك تاخدى كورسات انجليزى كويس على الاقل عشان الشغل
همسه / ميرنا قالتلى كدا برده
يس / يعنى متفقين خلاص انا هظبط انا حوار الكورسات ده
الجارسون يجى ياخد الطلب
الجارسون / نورتونا يا فندم استقريتوا على حاجه
يس / اتنين اسكالوب بانيه و اتنين سيزر سالت و اتنين باستا باستا و اتنين اورانج جوس لو سمحت
الجارسون / اى حاجه تانى
يس / لا شكرا
الجارسون يمشى
همسه / انت طلبت ايه
يس/ لما يجى هتعرفى و دلوقت خلينا فى المهم و ركزى معايا
همسه / افندم
يس / والدتى اصلها عندها مشكله هى حفيده بشوات و جدى الله يرحمه كان وزير و بابا كان راجل اعمال فهى فاكره ان ده الطبيعى
همسه / و المطلوب
يس / مش مطلوب منك اكتر من انك تستحملى بصى زى مبتقولوا طنشى دخلى من هنا و طلعى مالناحيه التانيه
همسه / يعنى فريده هانم رفضانى
يس / عرفتى منين ان ماما اسمها فريده
همسه / هاه اااااااااه ميرنا قالتلى ميرنا
يس / و مالك ارتبكتى كدا ليه
همسه / مانت بتسال زى المخبرين وترتنى
يس / ههههههههههه حقك عليا بصى ولدتى مش رفضاكى هى لسه متعرفكيش بس انا واثق انها لما هتشوفك هتحبك اوى
همسه / مفتكرش بيتهيالى نظرتها ليا مش هتتغير مهما عملت
يس / طب على الاقل نحاول انا عاوزك فى خلال اسبوع تبقى ميرنا
همسه / و ان كنت مش عاوزه ابقى ميرنا
يس / متبقيش على الاقل فايك ايت قصدى مثلى
همسه / عشان مامتك بس ولا عشانك انت كمان
يس / لا عشان نفسك بس صدقينى انا بحاول اساعدك عشان تعرفى تتعاملى مع طبقه وحشه اوى وسطحيه مالبشر للاسف هما كل اللى اعرفهم فى حياتى
همسه / عشان كدا عجبتك عشان مختلفه
يس / ممكن و يمكن عشان رغايه و عشريه و عيله و عسل بجد دا طبعا غير انك اموره بشكل مش طبيعى
همسه تبتسم / ماشى هحاول
يس / شكرا
همسه / ممكن اقولك حاجه بس مش بشتمك والله
يس / اتفضلى
همسه / انت سفيه
يس / مفيش فايده
همسه / انا مقصدش بس انا هتغير عشانك انت كمان لازم تصلح عيوبك مش معنى انك اتولدت لقيت ابوك سايبلك كل ده و متعتبش فى حاجه ده يسمحلك انك تبعتر الفلوس يمين و شمال لا و مش بس كدا تكتب شقه باللوف كتير و مفروشه باسم واحده يا عالم هتوافق عليك و لا لا اصلا
يس / اولا كل ده انا تعبت فيه و تعبت فيه من زمان اوى
همسه / متحاولش تقنعنى انك بدات من الصفر و انك شاب عصامى عندك كام سنه انت خمسه و عشرين سته و عشرين
يس / تمانيه و عشرين و لا طبعا مبداتش مالصفر انا والدى لما اتوفى كان سايبلى طبعا اللى بدات بيه بس معلش لو حسبناها كلو مكملش خمسين مليون و متنسيش ان والدتى كمان غنيه انا كنت بشتغل و انا بدرس بره و بدير الشركه هنا انا تعبت اوى لحد موصلت مجموعه بدران من شويه مصانع لاكبر مجموعه استثماريه فى الشرق الاوسط كلو و اه انا مش سفيه احنا ممكن نقول انى رجل اعمال و بعرف ابيع و اشترى و بقدر الحاجات بقيمتها صح
همسه / و انا قيمتى عندك شقه
يس / لا اولا الشقه دى انا عملتها مع ربنا زى مقولتلك
همسه / ياواد يا تقى
يس / اللسى اللسى حقك بس على فكره انا بصلى و بصوم و بزكى و بعمل خير و بكره لما هتقربى منى اكتر هتعرفى انى مش واد اتولد و فبقه معلقه دهب و عايش و خلاص لا دانا هفاجاك
همسه تبتسم و تسكت
يس / ايه القطه اكلت لسانك
همسه / لا بسمعك متتخيلش اللى بتقوله ده بيسعدنى قد ايه تصدقنى ان كل كلمه قولتها دلوقت شالت هم كبير اوى من على صدرى
يس مبتسم
همسه / انا عشت عيشه صعبه اوى مكنش عندى شعره ماللى عندك امى ماتت و هى بتولدنى ووالدى ...
همسه تدمع
يس / بصى انسى اللى فات خلينا ولاد النهرده و اوعدك انى هعمل كل اللى اقدر عليه عشان اسعدك هكون ابوكى و اخوكى و صاحبك و مش هتحتاجى حد تانى غيرى فى الدنيا
همسه / اخويا ؟؟؟
يس / ايوه اخوكى عارفه اللى تتسندى عليه ده لما الدنيا تديكى ضهرها سمعتى عنه
همسه / تعرف انا طول عمرى كان نفسى يكون ليا اخ و انت عمرك متمنيت يكون عندك اخوات
يس / اتمنيت طبعا بس انا كان عندى هادى ابن خالتى كان قريب منى اوى حتى لما سافرت امريكا كان معايا فموضوع الاخوات ده ماثرش فيا اوى
همسه / طب اخت عمرك متمنيت يكون عندك اخت يعنى تحن عليك و تخليك خالو و تشيل عيالها و يطلعوا عينك و يبهدلوا حاجتك و انت فى منتهى السعاده و تبقى اب منغير حتى متتجوز عشان عيالها بيخلوك تحس انهم ولادك انت
يس / عجبتنى الصوره اوى اكيد كنت هكون فرحان و انا شايل ولاد اختى بس للاسف بابا اتوفى و بيتهيالى ماما كبرت شويه على انها تخلف بنت
همسه / هما مش هيجيبوا الاكل و لا ايه انا جعانه
يس / هههههههههههههه
...................
فى الشركه بعد اسبوعين
همسه قاعده حاطه السماعات فى ودانها و قاعده بتزاكر انجليزى
ميرنا تخبط على كتفها / وطى صوتك
همسه تقلع السماعات / سورى بكره معاد مقابلتى مع مامته و انا مرعوبه
ميرنا / اهدى هتعدى على خير
همسه / اللبس ايه هاه اللبس ايه
ميرنا / امممم انتى كل لبسك رسمى اوى انا قولتلك نجيب فستان و لا اتنين
همسه / فستان ايه هو انا رايحه فرح
ميرنا / امال اللى انا لابساه ده ايه
همسه / انا مقدرش اللبس زيك دا قصير
ميرنا / امممم بصى احنا ممكن ننزل نشترى طقم كدا كاجوال يكون لذيذ بنطالون جينز و فيست و لا اى حاجه
همسه / ماشى بس امتى انا هروحلها بكره الساعه اتنين
ميرنا / فى بريك الغدى هنروح
همسه / طب سبينى ازاكى بقى
ميرنا / جاست ريلاكس اند انجوى يور تايم
همسه / ايه
ميرنا / لا متحاوليش مفيش امل انا بقول ناجل الزياره دى سنتين كمان
همسه / اتلهى
ميرنا / اتلهينا يلا مهى ابخات
همسه / ههههه قل اعوذ برب الفلق
.....
تانى يوم فى البيت عند همسه جرس الباب يضرب
همسه تروح تفتح
همسه / يس ازيك ثوانى هجيب الشنطه و الجزمه
يس / طالعه زى القمر
همسه / شكرا بس كان ممكن ترنلى انزلك بس انا فاهمه انت مش واثق انى هكون لابسه كويس فطلعت تتطمن عليا
يس / امممممممممم مش بالظبط ممكن نقول وحشتينى ومقدرتش استنى فى العربيه لحد متنزلى
همسه / اوووه ثانك يو ذات ايذ سو سويت و هعمل نفسى هبله و هصدق
يس / ههههههههههه انتى بس خليكى على كدا و كلو هيبقى تمام
همسه / ربنا يستر يلا يا معلم
يس / يلا يا اسطى
انتهت الحلقه
