#روايه_كشف_حساب
الحلقه 12
همسه / هو حقك طبعا انا مقدرش اللومك
يس / انا مش عيل واطى اوى كدا على فكره الاسبوع اللى فات محصلش و هعوضك عن كل لحظه في
همسه / مش عاوز حتى تعرف ايه اللى حصل فيا
.........
يس / مش عاوز افكرك باللى شوفتيه هناك انا كل مفتكر اللى حصل بموت بجد الفتره اللى فاتت كانت صعبه عليا اوى سمحينى انا اللى قصرت فى حقك
همسه / بس انا عاوزاك تعرف ايه اللى حصل
يس / بجد
همسه /ايوه لازم تعرف انا عوزاك تقعد و تسمعنى و ارجوك متقاطعنيش
يس / طب على الاقل ارتاحى دلوقت و لما تقومى على رجلك احكى
همسه / ماشى بس ليا عندك طلب
يس / اؤمرى
همسه / خلى البوليس يطلع مننا
يس / ليه
همسه / اللى هحكيهولك مينفعش لا صحافه و لا بوليس يعرفوه
يس / ليه
همسه / انا هحكيلك كل حاجه
/////////////////
يوم الحادثه
الرجاله يجبروا همسه تركب العربيه و يمشوا واحد راكب جنبها ورا و التانى بيسوق و اول مالعربيه تتحرك يقلعوا الخوذ و السواق هو نفس الشاب بالكاب الازرق
همسه / انتوا يا حيوانات هتسيبوه مرمى فى نص الشارع كدا ايه
اللى جنبها يطلع منديل و يربطه حوالين بقها يسكتها و واحد تانى يغمى عينها و يربط ايديها ورا ضهرها بحبل
السواق / متخافيش احنا عاوزينه عايش و صاحبنا زمانه وصل و هينقله لاقرب مستشفى
اللى جنبها / تفتكر هيدفع فيها و لا نختصر الوقت و نبيعها اسهل
السواق / متستعجلش الدهب سعره بيغلى مع الوقت
اللى جنبها / شوفت لقيت هنا ايه
يفتح شنطه يلاقى فيها الفلوس
السواق / مشوفتش انت الطقم اللى جنبى يهبل بجد
اللى ورا / ورينى ورينى يابنت اللعيبه شكلها هتحلو يا كريم
.....
فى شقه قديمه
كريم يشيل الغطا من عنين همسه
كريم / لو عاوزه تروحى سليمه لحبيب القلب مش هتصرخى ماشى
همسه تهز راسها موافقه و اول مكريم يفك المنديل تيجى تصرخ يحط ايده على بقها
كريم / اتفقنا على ايه بصى حواليكى بصى احنا تلاته و انتى لوحدك فكرى فيها تانى ماشى فكرى قبل متصرخى
همسه تهز راسها موافقه
كريم / دى اخر فرصه لو صرختى مش هفكه تانى ابدا اتفقنا
همسه تهز راسها موافقه و كريم يفكها
كريم / دى هتبقى اوضتك المتواضعه يارب تعجبك انا محتاج هدومك للاسف فانا هطلع دقيقتين بس اجى الاقيكى غيرتى هدومك
همسه / انسى
كريم / العند مش هينفعك مهو يتغيرى بمزاجك يهتجبرينى انى اغيرهالك بنفسى و صدقينى انا متاكد ان على الاقل فينا واحد هيموت و يعملها
همسه / حيوان هات
همسه تشد الهدوم و تقفل باب الاوضه و تحط ودنها ورا الباب
كريم / وصل المستشفى
واحد ماللى معاه / اه مصطفى وداه بنفسه
كريم / خليك معاه على التليفون ...خلصتى يا ست الكل
همسه من جوه / لسه انت فاكرنى ايه
كريم / قدامك دقيقه و هفتح الباب
همسه تبص يمين و شمال على اى مكان تهرب منه مفيش غير شباك محطوط عليه خشب تحاول تشيله متعرفش فجاه الباب يتفتح
كريم / متحاوليش انا ممسمره بنفسى
همسه / انتوا عاوزين منى ايه بالظبط
كريم / منك انتى ولا حاجه انتى هتفضلى هنا معززه مكرمه لحد مناخد من حبيب القلب اللى احنا عاوزينه تفتكرى هيدفع فيكى كام
همسه / معرفش ابقى اساله
كريم / طب انا هخلينى كريم معاكى للاخر و هطلع بره تانى و قسما بالله اخر مره و قدامك دقيقتين تكونى مغيره هدومك و الا اللى هيحصل انا واثق انه مش هيعجبك
همسه تزقه بره و تقفل الباب و تغير هدومها و تفتح الباب و ترميها فى وشه و كريم يقفل الباب عليها بالمفتاح و همسه تبص من عين الباب
كريم / خد الهدوم دى و الورقه و حط العربيه مكان متفقنا
اللى معاه / فكر تانى العربيه لو اتصرفنا فيها ممكن نطلع بقرشين حلوين
كريم / العربيه و العقد لو اتحاولت تتصرف فاى واحد منهم كلنا هنتحبس لحد اللحظه دى مفيش دليل واحد علينا احنا ممكن ندارى العقد لكن العربيه صعب تخبيها اعمل الى بقلك عليها
اللى معاه / طب هتعمل ايه فى البت اللى جوه
كريم / دى ضيفه هتقعد شويه و ترجع تانى
اللى معاه / بس دى شافتنا كلنا و سهل تقول على اوصفنا
كريم / مش هتقول على حاجه
اللى معاه / و تضمنها منين ياعم احنا نفك العربيه و نتصرف فى العقد و نبيع البت للدكتور ذكى
كريم / ياخى اتقى الله دى روح برده مش عجل هندبحه و نوزع اعضاءه
اللى معاه / خلاص نوديها للوليه ام يسرى البت حلوه و يندفع فيها مبلغ
كريم / ياخى اتقى الله قولتلك مره احنا ملناش فى الحرام ربنا يحاسبنا عليها
واحد يفتح الباب و يدخل
كريم / عملت ايه يا مصطفى
مصطفى / كلو تمام سلمته للمستشفى
كريم / و اتاخرت ليه
مصطفى / فى ظابط كان بيحقق معايا قولتله كنت معدى بالصدفه و لقيته مرمى نقلته
كريم / و خد بياناتك
مصطفى / ايوه اديتو عنوان البلد يبقى يدور عليا بقى لو احتاجنى هيكلمونى
كريم / ربنا يستر
همسه تخبط عالباب كريم يروح يفتحلها الباب
همسه / عايزه اروح الحمام
كريم/ اتفضلى
كريم ياخد همسه على الحمام
همسه / الباب ملوش مفتاح
كريم / احمدى ربنا ان فى باب متخفيش محدش هيفتح عليكى
همسه تبصله و تدخل و تقفل الباب و تبص يمين و شمال و تفتح الشباك تلاقيها على منور دور ارضى
كريم / انجزى
همسه / ثوانى
همسه تنط من الشباك عالماسوره و لسه هتجرى تلاقى مصطفى فى وشها لسه هتصرخ يحط ايده على بقها و يرجعها يدخلها الاوضه و كريم يجيب حبل
كريم / انا كنت محترم معاكى لاخر لحظه بس انتى مصره تزعلينى و مسبتيش قدامى حل تانى
كريم يربط ايديها ببعض و يربطها فى السرير
همسه / يس مش هيسيبك على فكره
كريم / صدقينى هو ده بالظبط اللى انا عاوزه عن اذنك
همسه / طب انا بجد عاوزه اروح الحمام
كريم / دى بقت مشكلتك انتى دلوقت
كريم يطلع و يطفى النور و يقفل الباب و بعد شويه صغيرين يدخل تانى
كريم / عاوزه تروحى الحمام
همسه / ايوه
كريم يفكها / اتفضلى
كريم ياخدها الحمام تدخل تلاقى الشباك بقى عليه خشب
بره الباب
واحد / كلو تمام انا غسلت العربيه كويس و حطيتها مكان متفقنا
كريم / تمام هنستنى بقى لحد ميلاقوها خليك مراقبه و بلغنى باى جديد
الواحد/ تمام
همسه تفتح الباب
كريم / اتفضلى
همسه تمشى و تروح الاوضه و كريم عاوز يربطها
همسه / انتوا مش سديتوا شباك الحمام عاوز تربطنى ليه بقى
كريم / عشان متنضمنيش الصراحه
همسه / و انت يعنى اللى تنضمن انتو مجرد شويه حراميه ... بالراحه بتوجعنى .... متخلف
كريم / انا هصبر عليكى للاخر مش خوف منك و لا من المحروس بس عشان عارف انك ملكيش ذنب فى الليله دى فارجوكى بلاش تختبرى صبرى عشان قلبتى وحشه اتفقنا
مصطفى يدخل
مصطفى / انا جبت الاكل زى مطلبت
كريم / مرضيتش اجبلك فول و طعميه و قولت انتى ضيفتنا و لازم نكرمك
مصطفى / يلا اياكشى يتمر انا هروح اكل انا و العيال بره
كريم / انا هاكل معاها هنا
همسه / مش جعانه
كريم / بصى الناس دى مش هتبقيلك اكل اخواتى و انا عارفهم فكلى اكلك بدل متجوعى و ساعتها مش هتلاقى غير جبنه قديمه و لقمه ناشفه اتفقنا
همسه / طب فكنى اكل طيب
كريم يحاول يفك الحبل ميعرفش
كريم / شكلى اتغابيت وانا بربطه و معيش حبل غيره لو قطعته مش هعرف اربطك تانى
همسه / و المطلوب يعنى
كريم / اصبرى
كريم يمسك التليفون
كريم / ايوه يا محمود هاتلى لفه حبل و انت راجع معلش .... سلام
همسه / شويه هواه خاطفنى و مش عامل حسابك فى حبل تربطنى
كريم / الحقيقه مكنتش ناوى اربطك خالص لولا انك حاولتى تهربى و كسرتى الثقه اللى بينا فدى كانت حته باقيه عندنا
همسه / لا اصيل
كريم / طب كلى
كريم يمسك ساندوتش كفته و يحطه على بقها
كريم / بتحبى الكفته صح
همسه / اول قطمه لقمه فاضيه و انا مبحبهاش شيلهالى
كريم يرفعلها حاجبه و يقطمها و يحطها تانى على بقها
كريم / ايه مقروفه تاكلى مطرحى
همسه تقطم
...........
وأخيرآ أبو كاب ازرق عرغنا دوره في الروايه انتهت الحلقه اذا اتممت القراءه متابعه مع ذكر الله.
