#روايه_كشف_حساب
الحلقه 10
يس / انا هاجى معاكم
الظابط / دا فيه خطوره كبيره على حضرتك احنا هنروح و لو فى اى جديد هنبلغك
يس / انا مش هسمحلك تروح منغيرى انا من حقى اجى
الظابط / يا سعيد احبسلى الجدع ده هنا فى المكتب و متخرجوش الا لما اجى عن اذنك
.....
بعد اربع ساعات
يس/ انا مش مطمن
ميرنا / اهدى بس يا فندم ان شاء الله خير
الظابط يدخل
يس / لقيتوها
الظابط / للاسف لا العنوان كان شقه مشبوهه فى منطقه شعبى و للاسف فعلا كان فيهم بنت مسميه نفسها همسه
يس / ايه التخلف ده
الظابط / حضرتك متخيل ايه اتنين مليون يخلوا اى حد يتصل انت متخيل كميه المعلومات الهبله اللى جتلنا
يس / يعنى ايه
الظابط / احنا هنمشى ورا كل المكالمات و الخيوط متخفش و ان شاء الله اى حاجه جديده تظهر هبلغك
يس / عن اذنك
......
فى الفيلا تانى يوم
فريده / لسه مفيش اخبار
يس / لا
فريده / انت كويس
يس / لا
فريده / هنلاقيها متخافش
يس / يا رب
تليفون يس يرن
يس / الو
المتصل / انا زعلان اوى منك
يس / مين معايا
المتصل / انا ضحيت بعربيه بالشئ الفلانى عشان اوصلك رساله واضحه متبلغش البوليس
يس / اسمع انا مستعد ادفعلك اللى انت عاوزه بس ترجعها ارجوك
المتصل / الجايزه اللى انت حاطتها هتاخرها يومين كمان و ابقى سلملى على الست الوالده
الخط يتقطع
فريده / فى ايه مين
يس فى حاله صمت
فريده / هما يا يس اللى اتصل دا كان اللى خطفها
يس يمسك التليفون / الو ايوه حضرتك اتصلوا .....انا فى انتظارك
فريده / يابنى طمنى
يس / بيقولى المكافاه اللى حطيتها هتاخرها يومين كمان و سلم على ماما
فريده / يعنى ايه
يس / مانا بسالك يعنى ايه سلم على ماما
فريده / انت برده بتشك فيا
يس / مش عارف بس ليه يقولى سلم على ماما
فريده / يمكن بيغيظك او زى فيلم تيتو لما قاله انا بابا يالا معرفش بس وغلاوتك عندى يا يس مليا دخل فى اللى حصل انا مبحبهاش اه بس عارفه كويس قد ايه انت بتحبها و مش هاذيك بالطريقه دى و غلاوتك عندى يا يس مليا علاقه بالحادثه
يس / انا خايف يعنى ايه هتتاخر يومين كمان يعنى ايه
فريده / اهدى انت بس يمكن اصلا حد بيشتغلك عشان يعنى الجايزه اللى انت حطيتها و كدا
يس / الرقم ده مقولتوش فى التليفزيون ده رقمى الشخصى و مش اى حد يعرفه
.....
فى القسم
صحفيه بتكلم الظابط التانى
الصحفيه / مفيش اى اخبار يا فندم عن خطف الانسه همسه مرزوق
الظابط / يا لميس ارجوكى احمد باشا منبه علينا كلنا منطلعش اى تفاصيل فى القضيه
الصحفيه / يا فندم دى قضيه راى عام و السوشيال ميديا مقلوب جايزه اتنين مليون جنيه مقابل اى معلومه محصلتش و مش معقول مفيش اى دليل
الظابط / كل اللى اقدر اقوله ان كل المكالمات اللى جتلنا فشنك و تقريبا اى بنت فى مصر اسمها همسه بيجيلنا بلاغ ان احتمال تكون هى المخطوفه
لميس/ للدرجادى يا فندم
الظابط / مهو المبلغ كبير اوى برضه
لميس / طب اللى خطفوها مطلبوش فيديه او اى حاجه
الظابط / والله لحد اللحظه دى مكنوش اتصلوا
لميس / لكن اللحظه دى اتصلوا مش كدا ممكن اعرف اى تفاصيل
الظابط / لسه معنديش فكره
لميس / ارجوك يا فندم اى معلومه فى القضيه دى بتعتبر سبق صحفى
الظابط / و هو انتوا محتاجينلنا نديكوا معلومات مش الجرنال بتاعك كان ناشر امبارح مقال طويل عريض بيشرح فيه كل المعلومات و تقريبا التاريخ الكامل لهمسه و علاقتها بيس بدران على فكره يس بدران مش سهل و قسما بالله لولا الظروف اللى هو فيها مكان سكت على اى معلومه شخصيه تتنشر عنه
لميس / يا فندم زى مقولت لحضرتك دى قضيه راى عام و الناس ملهاش سيره غير مين همسه اللى اتخطفت دى و تساوى اكتر من اتنين مليون جنيه
الظابط / على العموم اى معلومه جديده هبلغك
.....
فى الفيلا
احمد / يعنى ايه سلم على ماما دى
يس / و يعنى ايه الجايزه هتاخرها يومين
احمد / انا رايى اننا نسحب الجايزه مجلناش من وراها لحد اللحظه دى غير كلام فاضى
يس / حاضر
احمد / احنا هنحاول نحدد مكان المكالمه و اى جديد لازم تبلغنى فورا و على العموم اى كان مضمون المكالمه فهو خير
يس / خير ازاى انا حتى مسمعتش صوتها و لا اعرف ان كانت فعلا معاهم و لا بيلعبوا بيا
احمد / انا مقدر خوفك بس على الاقل فى امل نمشى وراه و باذن الله هترجع
......
فى القسم
احمد / هى البت لميس دى كانت بتعمل ايه هنا
الظابط / يا فندم حضرتك عارف الصحفين بيموتوا نفسهم على اى معلومه لانها بالنسبالهم سبق صحفى
احمد / انا عاوزك تبلغها ان الجايزه اللى يس بدران اعلنها اتسحبت خلاص و ان الارقام اللى بقت بره الخدمه
الظابط / تحت امرك يا فندم
.......
فى المكتب الظابط التانى
لميس / حضرتك طلبتنى
الظابط / جلنا خبر قولت انتى اولى بيه
لميس / خير يا فندم
الظابط /يس بدران سحب المكافاه
لميس / معقول فجاه كدا و هما لسه ملقوهاش
الظابط / كل المكالمات اللى جت كانت ناس طمعانه فى الفلوس و مفيش و لا معلومه واحده قريبه حتى من انها تكون حقيقه و الشاب اعصابه تعبت
لميس / ايوه يا فندم بس كدا الراى العام هيتقلب اكتر و الناس هتسال ازاى يسحب المكافاه و مفيش اخبار يا فندم ارجوك بلغنى اللى خطفوها هما اللى طلبوا كدا
الظابط / يا لميس المعلومه الوحيده اللى مسموحلى اقولهالك انا بلغتك بيها والباقى مش شغلتى
......
فى الفيلا
ميرنا / الجو بره بقى جنون انا دخلت الفيلا بالعافيه كميه الصحفين اللى قدام البيت و اللى قدام الشركه مهوله
يس / كبرى دماغك
ميرنا / حضرتك بجد هتسحب المكافاه
يس / ايوه
ميرنا / طب و همسه
يس / معرفش ادينى مستنى
ميرنا / الدكتور حمدى رضوان المحامى اتصل بحضرتك اكتر من مره و حضرتك مرديتش عليه
يس / مش برد على حد مش عاوز اشغل الخط بمكالمات ملهاش لازمه
ميرنا / على كل هو عرض انه يقدم طلب للنائب العام بحظر النشر فى القضيه دى خصوصا بعد كميه الكلام الرهيب اللى انتشر فيها
يس / اللى تشوفوه صح اعملوه انا مش فايق لاى حاجه
يس يطلع اوضته
ميرنا / مسكين
فريده / اصل اللى خطفوا همسه اتصلوا و زعلانين انه بلغ البوليس و زعلانين اكتر مالمكافاه بيقولوا ان المكافاه هتاخر رجوع همسه يومين
ميرنا / طب هو محاولش يتصل بيهم تانى
فريده / الظابط احمد خد الرقم و طلع كشك سجاير من اسكندريه
ميرنا /معقول اسكندريه
فريده / تخيلى واحد دفع جنيه و اتكلم و مشى
ميرنا / بالبساطه دى
فريده / و ابسط من كدا كمان
ميرنا / انا لازم امشى ياريت لو فى اى اخبار جديده تطمنونى
فريده / باذن الله
......
بعد يومين فى الفيلا
احمد / يس بيه موجود
فريده / قافل على نفسه اوضته مبيطلعش منها
احمد / طب ياريت حد يبلغه بوجودى
يس ينزل من فوق
يس / لو معندكش معلومه عليها القيمه تقولها يبقى ياريت تتفضل انا مليش مزاج اقابل حد
فريده / عيب يا يس ميصحش كدا
احمد / انا مقدر طبعا حالتك النفسيه بس انا كان ليا عند حضرتك طلب
يس / اؤمر
احمد / طبعا حضرتك عرفت ان النشر اتمنع فى القضيه بس طبعا الصحفين كانوا خلاص قاموا بشغلهم
يس / و المطلوب
احمد / المعلومات اللى اتنشرت فى الصحف فى منتهى التناقض كنت عاوزك تقراها يمكن تلاقى فيها معلومه حضرتك واثق من صحتها نمشى وراها
يس / هو حضرتك اصلا قريت اللى اتكتب انا ايه دخلى ان ابوها و امها سافروا على المنيا و هى اتولدت هناك ووالدتها اتوفت يوم ولادتها و رجعت مصر مع ابوها و لا عمها
احمد / انا رايى ان همسه ليها قرايب هى عمرها متكلمت عنهم
يس / لا من يوم مشوفت همسه و هى يتميمه ووحيده كان عليها ايجار بيت متاخر و عايشه لوحدها و بعدين هيفرق فى ايه ان كان ليها قرايب و لا لا دى حتى معزمتهمش فى الخطوبه و لا كانت ناويه تعزمهم فى الفرح
احمد / الحقيقه مش عارف بس حضرتك لو ليها قرايب فعلا مش شايف انها غريبه ان محدش يسال عنها
امممممم ياتري همسه فين وايه اللي حصل معها طيب هترجع ازاي ده اللي هنشوفه بكره ان شاء الله.
انتهت الحلقه ونكمل باقي الحلقات غدآ اذا اتممت القراءه متابعه مع ذكر الله.
