ديانا ~
عارفين العائلات الكلاسيكية ؟
اللي يكون فيها الطفل الذكي و الطفل الcool اللي ما يهتم لدراسته و الطفل الرياضي و الطفل اللي قاعد عالآيباد 7/24 و البيبي اللي يصج راس الكل , و الاب اللي على طول يقرا و يعطي محاضرات , و الام تعطي مواعظ او تطبخ ؟
ايه , هذي هي عائلتي ! مع فرق بسيط ان ماما مو زي الامهات الطبيعيات اللي يمثلون دور الواعظة .. بصراحة امي اقرب الى صديقة لي منها الى ام . صحيح في مواقف تستدعي الام الجادة بس انها نادرة ...
ابوي ؟ اتوقع انه السبب الاول في عشقي للكتب و حبي للتعلم و الثقافة , و هو دايما يشجعني على تحقيق حلمي و يقول ان اللي يبي يغير العالم لازم يبدا بتغيير نفسه اول.
اخواني لا تسألون عنهم حتى , جن !
اختى آمال هي اللي مسوية نفسها cool ولا تهتم بالمدرسة , اخوي محمد هو الرياضي فينا و عمر هو المهووس بالاجهزة , اما داليا فهي البيبي اللي ما له زر اطفاء .
انا ؟ طبعا انا هي البنت المطيعة و الذكية محبوبة ماما و بابا . ما فيها جدال هذي (;
مدرستي بعد غريبة شوي .. يكفي اني انا و صديقاتي مو بكامل عقلنا .
بس المعلمات مو احسن منا كثير .. عليهم عقليات غريبة , تخيلوا ان معلمة الفنية نقصتنا 20 درجة عشان تاخرنا بالعمل شوي !
هذي السنة المديرة كلفت استاذة الانجليزي تجهز لحفل التخرج , و حنا كنا مبسوطين و متشوقين لحفل التخرج عاساس انها بتسوي شي حلو , فجا تعميم منع عبايات التخرج و اقترحنا عليها نسوي فستان , فسوتلنا مشكلة ما بعدها مشكلة , و في الاخر قررت تلبسنا شبه ستارة اللي هي تسميه " شال التخرج " .. بس اهم شي ان حنا نستانس , ما علينا من الاستاذة و ذوقها الغريب.
++++
" احس لازم نسوي شي نخلي المدرسة اكثر حيوية .. " قلت للبنات.
" زي ؟ " سألت ليلى.
" مدري , كنت افكر إنا نسوي مجلة مدرسية "
" حلو ! بس شلون بنسويها ؟ هذي يبيلها شغل و طبع من وين بنجيب الفلوس ؟ " قالت امل.
" نسوي كشك للقهوة و الحلويات ! " قالت عتيقة بحماس.
" و كل ما جينا نصدر مجلة نقعد نسوي الكشك ؟؟ " قالت سارة.
" لا , انا مع عتيقة .. اذا شافت المدرسة ان المجلة مفيدة للطالبات بيدفعون هم المرة الجاية ! " قلتلهم.
" طيب لازم نسوي اسم للكشك .. " قالت امل.
" ستاربكس !! " على طول قالت ليلى بحماس<<< ما صدقت عمتي XD.
" اوك اجل , بنسويه عند اول كرنفال يصير بالمدرسة خلاص ؟ " قلت للبنات.
" ايه ! " كلهم قالوا مع بعض.
++++
" فعشان كذا يا بنات ابي منكم مشاركات مميزة .. خلاص ؟ " قالت الاستاذة هذا الكلام و طلعت من الفصل.
انا لفيت عالبنات على طول.
" سمعتوا بنات اللي قالته ؟! " سألتهم بحماس.
" لا ما سمعنا كنا برا الفصل " قالت سارة باستهزاء .
" ايه يا ديانا ! احتفال اللغة الانجليزية بيكون افضل فرصة عشان نسوي الكشك ! " ليلى قالت بحماس ( او بالاحرى صرخت (; )
و بكذا قررنا نسوي كشك ستاربكس يوم احتفال اللغة الانجليزية . فكرنا انه لازم نسويه متقن , عشان كذا جبنا كاسات و زيناهم بتجليد شاموا اخضر و حطين عليهم علامة ستاربكس , و جبنا فنيلات و طبعنا عليهم علامة ستاربكس بعد , و المهم ان كل الاغراض اللي جبناها حطينا عليها علامة ستاربكس <<< لا تقولون فاضيين , اذا عمل احدكم عملا فليتقنه (:
في نفس اليوم كلفتني الاستاذة بعمل ثاني للحفلة , قالتلي اجهز فقرة ممتعة .. بعد ما فكرت شوي قررت نسوي ناس مشهورين يتكلمون عن انفسهم بالانجليزي , و اخترنا هتلر , اينشتاين( ما تفاجئتو , صح ؟ ) و فاطمة مدري ايش ( نسيت اسمها XD ) اللي سوت اول جامعة بالعالم . و خلينا البنات يلبسون زي الشخصيات و طلعوا يشبهونهم مرررة ( امل كانت اينشتاين ) .
و بعدها بدينا بالكشك و كان لازم نتكلم بالانجليزي . فجات استاذة العربي تفلسف علينا ..
" غيف مي ذيس و ذيس و ذيس , تو ذات " و تأشر على الطاولة اللي قاعدات عليها المعلمات . اذا كنتوا ما فهمتوا زيي في البداية فهي كان قصدها " ذير " يعني هناك.
و بعدها جات استاذة الدراسات الاجتماعية .. و حنا كنا no comment .
" يو بليز وانت مي ذيس اند ذيس .. يو ديسكاونت "
عاد انتم افهموا .....
اما استاذة التوحيد فجابتها من الآخر ..
" تراني نو انجلش عشان كذا باخذ و انا ساكتة "
المهم .... بعد هذا الكشك جمعنا 627 ريال !
كثير صح ؟
بعد كذا اخذنا الفلوس و وزعناها ...
.
.
.
.
..... و نسينا شي اسمه مجلة مدرسية ...
**************************************
Hi Everyone !
Atmannah alpart a3jabkom !
madri lesh 9a3da aktem ketha ?
nafsiyah XD
XOXO DIANA
