لتخافين اني وياچ
هنه كلمتين گالهن حسيتهن امان وحصن الي من كلشي الثقه الي بقلبي من جانب مهاب شي اني ممستوعبته دائما افكر بيني وبين نفسي ليش وياه احس بالأمان ليش استبعد فكرة انو يتركني اتخيل الكل يتخلى عني الا مهاب احسه السند الوحيد الي مااعرف مرات اشوف بي الأخ الي يعتمد عليه واشوف بي الأب الي يكون ظل البنته واكثر الأوقات اشوفه الحبيب والماضي والحاضر والمستقبل
ابتسمتله بقلق ولزمت ايده قوي
سلم عليه قائد چنت مشتاقتله حيل قائد الأخ الكبير بالنسبه الي يبعث بروحي السكون من اشوف هدوئه وابتسامته اهدأ غصبا عني
..شلونچ رونق يابه شسويتي بينه الحمدلله انتي بخير
..جاوبته بخجل من الي صار اسفه والله مااعرف يصير كل هذا بوجودكم دائما بخير ان شاءاللهابتسملي وگلي
..اكو واحد اجه يطير عقله بس لحگنه عليه اخر لحظات
..ضحكت عرفته يقصد مهاب جاوبه هوه..والله ياقائد العقل طاير من زمان بس جاي امثل عليكم اني عاقل هالحلوه ماخلت بيه عقل الحمدلله على هذي اني خفت لتكون صح تزوجت
قائد ..الحمدلله هسه شلون شراح نگل للوالد
مهاب ..اگله بالصار كله منضم عليه شي
قائد ..امك متخاف عليها
..مهاب ميسويلها شي هيه اصلا لو تخاف متصرفت بهالطريقه بعدين امي تعبتني احتاريت وياها كل الطرق فشلت بس الي سوته مينسكت علي خل ابوي يكون عنده علم افضل
..براحتك شي يخصك مالي حق ادخل بي بس الي اتمناه هالمره تسامحها ومتوصل شي للوالد بوحده هوه مل من تصرفاتها
..بالعكس هالمره تعذرني انت وهيه مااگدر اغفر الشي السوته اولا خاف تطلع صدگ ناويه تخطب وحده من بنات خالتي الي واذا سكتت ع هالموضوع تتجرأ اكثر وتسويها مدام بعدنه بالبدايه نخلي النقاط ع الحروف احسن الها وألي قائد تعرف كلش زين امك تتصرف هيچ بعنادي مو اكثر مااعرف شنو عدها وياي من چنت زغير دائما اگول يجوز اني مو ابنها كبرت وتأكدلي اني ابنها وبعده هالسؤال ابالي ليش تعاملني غير لا والمشكله بيه هواي شبه منها لو مابيه شبه چان الشك اكل گلبي وخلاني اسوي تحليل التطابق ههههه
قائد..انت هم هواي تتحسس ماله كل داعي هالتفكير امي هيه هذا طبعها متهتم بالعائله ولا الأولاد دايما ابويه يهتم بينه اكثر منها ماحسينه احساسك صح دائما اتمناها تهتم بينه اكثر بس موصلت المرحله اگول مو ابنها
..انت وضعك يختلف اني لو متهتم عادي مرايد اهتمام بس لتزعجني لتسويلي مشاكل لتبينلي انو هيه كارها وجودي هذا الأريده وكلشي مااريد
..الله كريم لتنسه هيه والده وحقها عليك انت سوي العليك وربي يوفقك
..شوف اني هذا الواگف بعيني مااريد اصير عاق رغم اعرف مثل ماعلى الولد حقوق على الام والأب حقوق يعني المفروض هيه تعيني على برها ومتخليني اوصل مرحلة الحقوق مع كل هذا اني مخلي هالشي بين عيوني وكل تصرف جاي احسبله حساب وادعي ربي يقويني على برها وكلامها وتصرفاتها متأثر بيه
أنت تقرأ
ولد حبنا من رحم المعاناة
ChickLitبين احقادهم التي عشناها في مرحلة الطفوله وبين اجوائهم العاصفه احيانا والهادئه بعض الأحيان عشنا هذه المرحله بحلاوتها ومرارتها كنا أطفال صغار لانعرف كيف تدار الأمور وكيف هم ينظرون الى المستقبل كنا نمرح ونلعب نحزن ونفرح لايهمنا امرهم فرحو هم ام حزن...